Video: ‘કોંગ્રેસ રાજ’માં 48,20,69,00,00,000નું કૌભાંડ, ભાજપે ‘Congress Files’નો પહેલો વીડિયો એપિસોડ કર્યો જાહેર

કેન્દ્રમાં સત્તારૂઢ ભારતીય જનતા પાર્ટીએ મુખ્ય વિપક્ષ કોંગ્રેસ પર તેના શાસન દરમિયાન મોટાપાયે ભ્રષ્ટાચારનો આરોપ લગાવીને નવો હુમલો કર્યો છે. ભાજપે રવિવારે ‘Congress Files’ નામના આરોપોનો પહેલો એપિસોડ બહાર પાડ્યો છે. બીજેપીના સત્તાવાર ટ્વિટર હેન્ડલ પર ટ્વિટ કરવામાં આવ્યું છે કે, “કોંગ્રેસ ફાઇલ્સના પહેલા એપિસોડમાં, જુઓ કે કેવી રીતે કોંગ્રેસના શાસનમાં એક પછી એક ભ્રષ્ટાચાર અને કૌભાંડો થયા…”

આ પણ વાચો: રહી રહીને જાગી કોંગ્રેસ ! રાહુલ ગાંધીને આપ્યું આમંત્રણ, રાજ્યભરમાં ગજવશે 300 જાહેરસભા, જાણો ગુજરાત કોંગ્રેસનો મોટો પ્લાન

‘કોંગ્રેસનો અર્થ ભ્રષ્ટાચાર’ શીર્ષકવાળા વિડિયોમાં ભાજપે આક્ષેપ કર્યો હતો કે “કોંગ્રેસે તેના 70 વર્ષના શાસન દરમિયાન જનતાના 48,20,69,00,00,000 રૂપિયા લૂંટ્યા છે. તે નાણાનો ઉપયોગ જનતાના કામો અને તેમના રક્ષણના ઉપયોગી વિકાસ માટે કરી શકાયો હોત.

ભાજપે વીડિયો સંદેશમાં કહ્યું છે કે, “આ રકમથી 24 INS વિક્રાંત, 300 રાફેલ જેટ અને 1000 મંગળ મિશન બનાવી શકાયા અથવા ખરીદી શકાયા હતા, પરંતુ દેશને કોંગ્રેસના ભ્રષ્ટાચારની કિંમત ચૂકવવી પડી અને તે પ્રગતિની રેસમાં પાછળ રહી ગયા.

મનમોહન સિંહ આંખો બંધ રાખતા હતા

કોંગ્રેસ પાર્ટી પર પ્રહાર કરતા ભાજપે વીડિયોમાં મનમોહન સિંહના 2004-2014ના કાર્યકાળને ‘ખોયા હુઆ દશક’ ગણાવ્યો હતો. ભાજપે વીડિયોમાં કહ્યું કે, “સમગ્ર 70 વર્ષોને બાજુ પર રાખીને, જો આપણે માત્ર 2004-14ના પાછલા કાર્યકાળ પર નજર કરીએ તો, તે એક ‘ખોવાયેલો દાયકા’ હતો. ત્યારે સરકારનું નેતૃત્વ મનમોહન સિંહના હાથમાં હતું, શાસનના તમામ ભ્રષ્ટાચાર સામે આંખ આડા કાન કરવામાં આવ્યા હતા. તે દિવસોમાં અખબારો ભ્રષ્ટાચારના સમાચારોથી ભરેલા હતા, જેનાથી દરેક ભારતીયનું માથું શરમથી નીચે નમી જતું હતું.”

રૂપિયા 10 લાખ કરોડનું મનરેગા કૌભાંડ

ભાજપે વીડિયોમાં આરોપ લગાવ્યો છે કે, “કોંગ્રેસના શાસનમાં 1.86 લાખ કરોડ રૂપિયાનું કોલસા કૌભાંડ, રૂપિયા 1.76 લાખ કરોડ રૂપિયાનું 2જી સ્પેક્ટ્રમ કૌભાંડ, રૂપિયા 10 લાખ કરોડનું મનરેગા કૌભાંડ, રૂપિયા 70,000 કરોડનું કોમનવેલ્થ કૌભાંડ, 362 ઈટલી સાથે હેલિકોપ્ટર સોદામાં.” કરોડોની લાંચ, રેલવે બોર્ડના ચેરમેન માટે 12 કરોડ રૂપિયાની લાંચની ઘટનાઓ બની હતી.”

કોંગ્રેસે પણ અદાણી મુદ્દે ભાજપ પર પ્રહારો કર્યા હતા

વીડિયો સંદેશના અંતમાં ભાજપે કહ્યું કે, ‘આ માત્ર કોંગ્રેસના ભ્રષ્ટાચારની ઝાંખી છે, ફિલ્મ હજુ પૂરી નથી થઈ’. અગાઉ, કોંગ્રેસે પણ અદાણી મુદ્દે ભાજપ પર પ્રહારો કર્યા હતા અને ‘હમ અદાણી કે હૈ કૌન’ અભિયાન હેઠળ અનેક પ્રશ્નોના સેટ બહાર પાડ્યા હતા. પાર્ટીએ આરોપ લગાવ્યો છે કે ભાજપે વિવિધ પ્રોજેક્ટ્સમાં અદાણી જૂથને “મોનોપોલી” આપી દીધા છે.

                          ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર

                                              દેશ સાથે જોડાયેલા તમામ ન્યૂઝ માટે જોડાયેલા રહો…