આંતરરાષ્ટ્રીય સુરક્ષા માટે આતંકવાદ મોટો ખતરો, અજીત ડોભાલના પાકિસ્તાન પર પ્રહાર
SCO ની બેઠકમાં અજીત ડોભાલે સ્પષ્ટપણે કહ્યું કે, આતંકવાદનો સામનો કરવા માટે તમામ દેશોએ સંયુક્ત રાષ્ટ્ર સુરક્ષા પરિષદના પ્રસ્તાવો પર ધ્યાન આપવું જોઈએ. આ સાથે, આતંકવાદ વિરોધી પ્રોટોકોલ માટેની તમારી જવાબદારી પણ પૂર્ણ થવી જોઈએ.
Ajit Doval on Pakistan: આજે રાજધાની દિલ્હીમાં શાંઘાઈ કોઓપરેશન ઓર્ગેનાઈઝેશન (SCO) ના રાષ્ટ્રીય સુરક્ષા સલાહકારો (NSA) ની બેઠક યોજાઈ હતી. આ બેઠકમાં ભારતના રાષ્ટ્રીય સુરક્ષા સલાહકાર અજીત ડોભાલે પાકિસ્તાનનું નામ લીધા વગર આતંકવાદને લઈને આકરા પ્રહારો કર્યા હતા. અજીત ડોભાલે કહ્યું કે કોઈપણ પ્રકારનો આતંકવાદ આંતરરાષ્ટ્રીય સુરક્ષા માટે ગંભીર ખતરો છે. મોટી વાત એ છે કે આ બેઠકમાં પાકિસ્તાનના પ્રતિનિધિઓએ પણ ભાગ લીધો હતો.
આતંકવાદના કોઈપણ કામને યોગ્ય ઠેરવી શકાય નહીં: અજીત ડોભાલ
SCO ની બેઠકમાં અજીત ડોભાલે સ્પષ્ટપણે કહ્યું કે, આતંકવાદનો સામનો કરવા માટે તમામ દેશોએ સંયુક્ત રાષ્ટ્ર સુરક્ષા પરિષદના પ્રસ્તાવો પર ધ્યાન આપવું જોઈએ. આ સાથે, આતંકવાદ વિરોધી પ્રોટોકોલ માટેની તમારી જવાબદારી પણ પૂર્ણ થવી જોઈએ. તેમણે કહ્યું કે આતંકવાદના કોઈપણ કામને યોગ્ય ઠેરવી શકાય નહીં.
#WATCH | Terrorism in all its forms and manifestations and its financing are amongst the most serious threats to international peace and security. Any act of terrorism, regardless of its motivation, is unjustifiable: NSA Ajit Doval pic.twitter.com/6U4o56vi0L
— ANI (@ANI) March 29, 2023
તમામ દેશો સાથે કનેક્ટિવિટી એ મુખ્ય પ્રાથમિકતા છે: અજીત ડોભાલ
અજીત ડોભાલે કહ્યું કે, SCOની બેઠકમાં તમામ દેશો આતંકવાદ, અલગતાવાદ અને ઉગ્રવાદને તેના તમામ સ્વરૂપોમાં નાથવા માટે પ્રતિબદ્ધ છે. ભારત માટે તમામ દેશો સાથે કનેક્ટિવિટી મુખ્ય પ્રાથમિકતા છે. અમે રોકાણ કરવા અને કનેક્ટિવિટી વધારવા માટે દરેકને સહકાર આપવા તૈયાર છીએ.
આ પણ વાંચો : રાહુલ પોતાને કોર્ટ અને સંસદથી પણ ઉપર માને છે, રેલવે મંત્રી અશ્વિની વૈષ્ણવનો રાહુલ ગાંધી પર પ્રહાર !
આ દરમિયાન તમામ દેશની સાર્વભૌમત્વ અને પ્રાદેશિક અખંડિતતાનું સન્માન કરવામાં આવે તે સુનિશ્ચિત કરવું ખૂબ જ મહત્વપૂર્ણ છે. તેમણે નોર્થ સાઉથ ટ્રાન્સપોર્ટ કોરિડોરમાં ચાબહારનો સમાવેશ કરવાની પણ હિમાયત કરી હતી.
#WATCH| India is committed to fulfilling our obligations under International North-South Transport Corridor & inclusion of Chabahar Port within the framework of INSTC.India became a member of SCO in June’17, but our relations with SCO countries go back several centuries:NSA Doval pic.twitter.com/27Tw2TMrwi
— ANI (@ANI) March 29, 2023
શાંઘાઈ કોઓપરેશન ઓર્ગેનાઈઝેશનમાં 8 દેશોનો સમાવેશ
1. ભારત
2. ચીન
3. પાકિસ્તાન
4. કઝાકિસ્તાન
5. કિર્ગિસ્તાન
6. રશિયા
7. તાજિકિસ્તાન
8. ઉઝબેકિસ્તાન
દેશ અને દુનિયાના તાજા સમાચાર ગુજરાતીમાં વાંચો tv9gujarati.com પર
દેશ સાથે જોડાયેલા તમામ ન્યૂઝ માટે જોડાયેલા રહો…
Published On - 3:32 pm, Wed, 29 March 23