મુંબઈમાં ઉદ્યોગપતિ Mukesh Ambani ના નિવાસ સ્થાનની બહાર શંકાસ્પદ સ્કૉર્પિયો કાર મળી આવી છે. જેના લીધે હડકંપ મચી ગયો છે. જેમાંથી જીલેટીનની 20 સળીઓ મળી આવી છે. મુંબઈ પોલીસ અને એટીએસની ટીમ સ્થળ પર પહોંચી છે અને તપાસ હાથ ધરી છે. બોમ્બ સ્કવોડ પણ સ્થળે પહોંચ્યું છે. જયારે મુકેશ અંબાણીના ઘરની બહાર કમાન્ડો તૈનાત કરવામાં આવ્યા છે.
આ દરમ્યાન મહારાષ્ટ્રના ગૃહ પ્રધાન અનિલ દેશમુખે જણાવ્યું હતું કે મુંબઈમાં મુકેશ અંબાણીના ઘરથી થોડે દૂર સ્કોર્પિયો કાર મળી આવી હતી. તેમાં જીલેટીન લાકડીઓ મળી આવી છે. મુંબઈ ક્રાઈમ બ્રાંચ આ અંગે તપાસ કરી રહી છે. જે પણ હકીકત હશે તે ઝડપથી જાહેર કરવામાં આવશે.
આ ઘટનાસ્થળે જોઈન્ટ પોલીસ કમીશ્નર પહોંચ્યા હતા અને તપાસ શરુ કરી દેવામાં આવી છે. વાહન કબજે કરવામાં આવ્યું છે અને સ્થાનિક ક્રાઇમ બ્રાંચ દ્વારા તપાસ હાથ ધરવામાં આવી છે. પોલીસ અધિકારી દ્વારા જણાવ્યું હતું કે જો જરૂર પડશે તો અંબાણી પરિવારની સુરક્ષામાં વધારો કરવામાં આવશે
પ્રાપ્ત જાણકારી અનુસાર જે સ્કોર્પિયો મળી છે. તેની નંબર પ્લેટ મુકેશ અંબાણીની કાર રેન્જ રોવરની નંબર પ્લેટ સાથે મેચ થાય છે. પોલીસે કાર કબ્જે લીધી છે.
Published On - 8:40 pm, Thu, 25 February 21