ગણપતિ પૂજા માટે CM એકનાથ શિંદેના ઘરે પહોંચ્યા ‘કરણ-અર્જુન’, બાપ્પાની આરતી કરી

ગણપતિ બાપ્પાની સ્થાપના મહારાષ્ટ્રના સીએમ એકનાથ શિંદેના ઘરે કરવામાં આવી હતી અને 24 સપ્ટેમ્બરે આખું બોલિવૂડ તેમના દર્શન માટે એકત્ર થયું હતું. એકનાથ શિંદેના ઘરે બોલિવૂડથી લઈને ટીવી સુધીની જાણીતી હસ્તીઓનો મેળાવડો હતો. પરંતુ જ્યારે શાહરૂખ ખાન અને સલમાન ખાન આવ્યા ત્યારે બધાના ચહેરા ચમકી ઉઠ્યા.

આ પણ વાંચો : Anant Chaturdashi 2023 : અનંત ચતુર્દશી ક્યારે છે, જાણો ગણપતિ વિસર્જન માટેનો શુભ સમય અને પૂજાની રીત

સલમાન અને શાહરૂખે માત્ર એકનાથ શિંદે સાથેની તસવીરો માટે જ પોઝ આપ્યાં નહીં પરંતુ એકબીજાને ગળે લગાવીને પ્રેમની વર્ષા પણ કરી. બાદમાં શાહરૂખ અને સલમાને ગણપતિ બાપ્પાના દર્શન કર્યા હતા અને તેમની આરતી કરી હતી.

સોશિયલ મીડિયા પર સલમાન ખાન અને શાહરૂખ ખાનની તસવીરો અને વીડિયો સામે આવ્યા છે, જેણે હલચલ મચાવી દીધી છે. શાહરૂખ અને સલમાન વચ્ચેની મિત્રતા જોઈને ફેન્સ પાગલ થઈ ગયા છે. જ્યારે સલમાન મરૂન કુર્તા અને કાળા પાયજામામાં જોવા મળ્યો હતો, જ્યારે શાહરૂખે વાદળી કુર્તા અને પઠાણી સલવાર પહેરી હતી.

ફેન્સના દિલ જીતી લીધા, શાહરૂખ-સલમાનના કર્યા વખાણ

સલમાન અને શાહરૂખ ખાનની આ સ્ટાઇલે ચાહકોનું દિલ જીતી લીધું છે અને તેઓ તેમના સંસ્કાર અને ઉછેરની પ્રશંસા કરી રહ્યા છે. ચાહકો કહે છે કે, આજના સમયમાં દેશને આવી એકતાની જરૂર છે. એક ચાહકે ઇન્સ્ટાગ્રામ પર લખ્યું છે કે, ‘આ ખાનના કારણે જ આજે બોલિવૂડ જીવંત છે.’ અન્ય એક ચાહકે લખ્યું- મેરે કરણ અર્જુન સાથે.

‘ટાઈગર 3’માં સલમાન અને શાહરૂખ ખાન

પ્રોફેશનલ ફ્રન્ટની વાત કરીએ તો શાહરૂખ અને સલમાન ખાન ‘ટાઈગર વર્સિસ પઠાણ’માં સાથે જોવા મળશે, જેનું શૂટિંગ માર્ચ 2024થી શરૂ થશે. આ પહેલા શાહરૂખ સલમાનની ફિલ્મ ‘ટાઈગર 3’માં કેમિયો કરતો જોવા મળશે. ‘ટાઈગર 3’ દિવાળીના અવસર પર 10 નવેમ્બરે રિલીઝ થશે. હાલમાં શાહરૂખ તેની લેટેસ્ટ રીલિઝ થયેલી ‘જવાન’ને કારણે ચર્ચામાં છે. ‘જવાન’ બોક્સ ઓફિસ પર દરરોજ નવા રેકોર્ડ બનાવી રહી છે, અને દરેક જગ્યાએ શાહરૂખનું નામ સંભળાઈ રહ્યું છે.