Mumbai : એક કલાકારે શહેરમાં ખેલાડીઓ અને ફ્રન્ટ વર્કરના ચિત્રો બનાવી લોકોને “સ્વચ્છ ભારત”માટે જાગૃત કર્યા,જુઓ Photos
નિરજ સિંહ નામના આ કલાકારે જુન 2020 થી "સ્વચ્છ ભારત"પહેલ હેઠળ કામ કરવાનું શરૂ કર્યું અને અત્યારસુધીમાં તેમણે શહેરની જાહેર જગ્યાઓ પર ચિત્રો બનાવીને લોકોને સ્વચ્છતા પ્રત્યે જાગૃત કર્યા છે.
કોવિડ 19 બાદ સ્વચ્છતાનું મહત્વ વધ્યું છે,ત્યારે આજે તમને એક એવા કલાકાર વિશે જણાવીશું કે જેમણે "સ્વચ્છ ભારત" ની પહેલ અંતર્ગત મહત્વપૂર્ણ યોગદાન આપ્યું છે.
નિરજનો શરૂઆતના તબક્કે એ જ વિચાર હતો કે, જો શહેરમાં રાષ્ટ્રીય ગૌરવ અને પ્રેરણાનું પ્રતીક સમાન ખેલાડીઓના ચિત્રો બનાવવામાં આવે કે જેનાથી લોકો સ્વચ્છતા પ્રત્યે જાગૃત થાય.
તમામ અડચણોને દુર કરીને તેમણે મુંબઈ મ્યુનિસિપલ કોર્પોરેશન પાસેથી આર્ટ વર્ક કરવા માટેની પરવાનગી મેળવવા પત્રનો મુસદ્દો તૈયાર કર્યો અને 6 જુલાઈ 2020 ના રોજ તેમને સત્તાવાર પરવાનગી આપવામાં આવી અને સાથે જ સ્થળના બ્યુટિફિકેશન માટે એક વર્ષનો કરાર પણ આપવામાં આવ્યો હતો.
સૌપ્રથમ મુંબઈ શહેરના સપ્તર્ષિ પાર્કની દિવાલનું બ્યુટિફિકેશન કરવામાં આવ્યું.
શહેરની દિવાલમાં તેમણે સચિન તેંડુલકર, વિરાટ કોહલી અને એમએસ ધોની જેવા દિગ્ગજ ક્રિકેટરોના ચિત્રો બનાવ્યા છે.
ઉપરાંત મેરી કોમ, હિમા દાસ અને સાઇના નેહવાલ જેવા ઓલિમ્પિક ખેલાડીઓ,ફૂટબોલ ખેલાડી સુનીલ છેત્રી અને હોકી ખેલાડી સરદાર સિંહના ચિત્રો પણ શહેરની દિવાલોમાં કંડારવામાં આવ્યા છે.
સૌથી મહત્વની બાબત એ છે કે દેશના રક્ષણ માટે હંમેશા આગળ રહેતા નૌકાદળ, આર્મી, એરફોર્સ, આરોગ્ય કર્મચારીઓ, બીએમસી કામદારો અને મુંબઈ પોલીસને પણ શહેરની દિવાલોમાં આકાર આપવામાં આવ્યો છે.
નિરજ સિંહ નામના આ કલાકારે જુન 2020 થી "સ્વચ્છ ભારત"પહેલ હેઠળ કામ કરવાનું શરૂ કર્યું અને અત્યાર સુધીમાં તેમણે શહેરની જાહેર જગ્યાઓ પર ચિત્રો બનાવીને લોકોને સ્વચ્છતા પ્રત્યે જાગૃત કર્યા છે.
Published On - 7:02 am, Wed, 11 August 21