માઈક હેન્કીએ મુંબઈમાં US કોન્સ્યુલેટ જનરલ તરીકે સેવા શરૂ કરી, કહ્યું બંને દેશ વચ્ચે સંબંધો વધુ સમૃદ્ધ બનશે

માઈક હેન્કીએ 07 ઓગસ્ટ, 2022ના રોજ મુંબઈમાં (Mumbai) પૂર્વ કોન્સ્યુલેટ જનરલ ડેવિડ જે. ની રેન્જના સ્થાને યુનાઈટેડ સ્ટેટ્સ ઑફ અમેરિકાના કોન્સ્યુલેટ જનરલનું પદ સંભાળ્યું, મુંબઈ આવતા પહેલા, કોન્સ્યુલેટ જનરલ હેન્કીએ અમ્માનમાં યુએસ એમ્બેસીમાં ડેપ્યુટી ચીફ ઓફ મિશન તરીકે સેવા આપી હતી, આ પહેલા તેમણે જેરુસલેમમાં યુએસ એમ્બેસીમાં પેલેસ્ટિનિયન અફેર્સ યુનિટનું નેતૃત્વ કર્યું હતું. 2001થી શરૂ થયેલી તેમની રાજદ્વારી કારકિર્દીમાં કોન્સ્યુલેટ જનરલ હેન્કીને ભૂતકાળમાં આપવામાં આવેલી જવાબદારીઓમાં સાઉદી અરેબિયા, ઇજિપ્ત, ઇરાક, યમન અને નાઇજીરીયામાં પોસ્ટિંગનો સમાવેશ થાય છે.

“હું એવા સમયે પશ્ચિમ ભારતમાં યુનાઈટેડ સ્ટેટ્સ ઑફ અમેરિકાનું પ્રતિનિધિત્વ કરવા માટે સન્માનિત છું જ્યારે યુએસ-ભારત સંબંધો પહેલા કરતા વધુ મજબૂત છે. રાજદ્વારી સંબંધોના 75 વર્ષની ઉજવણી કરતી વખતે, અમે વધુ સમૃદ્ધ, મુક્ત, જોડાયેલ અને સુરક્ષિત વિશ્વના નિર્માણ માટે કામ કરવાનું ચાલુ રાખીશું. લોકતાંત્રિક મૂલ્યો, આર્થિક ભાગીદારી અને લોકો વચ્ચેના સંબંધો માટે અમારી સહિયારી પ્રતિબદ્ધતા એ પાયો છે જે ભવિષ્યમાં વધુ સહકારની ખાતરી આપે છે. આગામી ત્રણ વર્ષમાં મુંબઈ અને પશ્ચિમ ભારત કલાત્મક અને સાંસ્કૃતિક રીતે શું પ્રદાન કરશે તે શોધવા માટે હું ઉત્સુક છું,” આમ હેન્કીએ કહ્યું. કોન્સ્યુલેટ જનરલ હેન્કીના પરીવારમાં તેમના પત્ની અને તેમના બે પુત્રોનો સમાવેશ થાય છે.