Devbhoomi dwarka: ઓખાથી મુંબઈ માટે દોડાવવામાં આવશે ફેસ્ટિવલ સ્પેશિયલ ટ્રેન
12મી ઓગસ્ટ 2022ના રોજ મુંબઈ સેન્ટ્રલથી ઓખા સુધી ફેસ્ટિવલ સ્પેશિયલ ટ્રેનની (Festival Special train) એક-એક ટ્રીપ દોડાવવામાં આવશે. આ નિર્ણય તહેવારોને ધ્યાનમાં લઇને કરવામાં આવ્યો છે. આ ટ્રેનમાં જવા માટેનું રિઝર્વેશન 8 ઓગસ્ટે એટલે કે આજથી શરૂ કરી દેવામાં આવ્યું છે.
પશ્ચિમ રેલવે (Western railway) વિભાગ દ્વારા 15મી ઓગસ્ટ 2022ના રોજ ઓખાથી મુંબઈ સેન્ટ્રલ (Mumbai Central) અને 12મી ઓગસ્ટ 2022ના રોજ મુંબઈ સેન્ટ્રલથી ઓખા સુધી ફેસ્ટિવલ સ્પેશિયલ ટ્રેનની (Festival Special train) એક-એક ટ્રીપ દોડાવવામાં આવશે. આ નિર્ણય તહેવારોને ધ્યાનમાં લઇને કરવામાં આવ્યો છે. સૌરાષ્ટ્રમાં સાતમ આઠમનો તહેવાર ઉજવવા માટે મુંબઈ અને અન્યત્ર વસતા લોક માદરે વતન પહોંચતા હોય છે તેમની સુવિધા માટે આ ટ્રેન દોડાવવાનો નિર્ણય લેવામાં આવ્યો છે.
ટિકીટનું રિર્ઝવેશન આજથી શરૂ કરવામાં આવ્યું છે.
આ ટ્રેનમાં જવા માટેનું રિઝર્વેશન 8 ઓગસ્ટે એટલે કે આજથી શરૂ કરી દેવામાં આવ્યું છે.
આ ટ્રેન બંને દિશામાં માર્ગમાં દ્વારકા, જામનગર, હાપા, રાજકોટ, સુરેન્દ્રનગર, અમદાવાદ, વડોદરા, સુરત, વાપી અને બોરીવલી સ્ટેશનો પર ઉભી રહેશે. આ સ્પેશિયલ ટ્રેનમાં કુલ 20 કોચ હશે, જેમાં 2 થર્ડ એસી, 12 સેકન્ડ સ્લીપર, 4 જનરલ અને 2 લગેજ વાન કોચ હશે. આ ટ્રેન ખાસ ભાડા સાથે દોડશે. ટ્રેન નંબર 09098 અને 09097માં ટિકિટોનું રિઝર્વેશન 08/08/2022ના રોજ તમામ કોમ્પ્યુટરાઈઝડ પેસેન્જર આરક્ષણ કેન્દ્રો અને IRCTC વેબસાઈટ પરથી શરૂ થશે.
- ટ્રેન નંબર 09098 ઓખા મુંબઈ સેન્ટ્રલ સ્પેશિયલ ઓખાથી 15 ઓગસ્ટ, 2022ના રોજ સવારે 10:00 કલાકે ઉપડશે અને તે જ દિવસે બપોરે 14:45 કલાકે રાજકોટ પહોંચશે. બીજા દિવસે સવારે 04:35 કલાકે મુંબઈ સેન્ટ્રલ પહોંચશે.
- ટ્રેન નંબર 09097 મુંબઈ સેન્ટ્રલ ઓખા સ્પેશિયલ મુંબઈ સેન્ટ્રલથી 12મી ઓગસ્ટ 2022ના રોજ સવારે 11.05 કલાકે ઉપડશે અને તે જ દિવસે રાત્રે 22:54 કલાકે રાજકોટ પહોંચશે. બીજા દિવસે વહેલી સવારે 03:35 કલાકે ઓખા પહોંચશે.