Maharashtra CM floor test LIVE : એકનાથ શિંદે વિશ્વાસનો મત જીત્યા, 164 ધારાસભ્યોનું મળ્યુ સમર્થન

વધુમાં ફડનવીસે કહ્યું કે,મેં એકવાર કહ્યું હતું કે હું પાછો આવીશ. પરંતુ જ્યારે મેં આવું કહ્યું ત્યારે ઘણા લોકોએ મારી મજાક ઉડાવી. હું આજે પાછો આવ્યો છું અને એકનાથ શિંદે મારી સાથે લઈને આવ્યો છું. મારી મજાક ઉડાવનારા લોકો સામે હું બદલો નહીં લઈશ. હું તેમને માફ કરી દઈશ, રાજનીતિમાં દરેક વાતને દિલ પર લેવામાં આવતી નથી.

આદિત્ય ઠાકરે સહિત શિવસેનાના અનેક ધારાસભ્યો વિશ્વાસ મત બાદ ગૃહમાંથી બહાર નીકળી ગયા છે.

મહારાષ્ટ્રના Dy CM ફડનવીસે કહ્યું કે,રાજકારણમાં દરેક વ્યક્તિએ વિરોધીનો અવાજ સાંભળવા તૈયાર રહેવું જોઈએ. અમે જોયું છે કે લોકોને નિવેદન આપવા અને સોશિયલ મીડિયા પર પોસ્ટ કરવા બદલ જેલમાં ધકેલી દેવામાં આવ્યા હતા. આપણી વિરુદ્ધ બોલતા લોકો માટે આપણે તૈયાર રહેવું જોઈએ.આપણે ટીકાનો જવાબ આપવો જોઈએ પરંતુ યોગ્ય રીતે.

શિંદે સરકારે વિશ્વાસનો મત મેળવી લીધા બાદ ફડનવીસે શિંદેની પ્રશંશા કરતા કહ્યું કે, એકનાથ શિંદે ક્ટ્ટર શિવસૈનિક છે.આ સાથે તેણે ભાજપ વતી શિંદે સરકારને અભિનંદન પણ પાઠવ્યા.

મહારાષ્ટ્ર વિધાનસભામાં મતદાન પૂર્ણ થઈ ગયુ છે. શિંદે સરકાર વિશ્વાસ મત જીત્યા છે. શિંદે સરકારની તરફેણમાં 164 વોટ પડ્યા છે. સાથે જ સરકાર વિરુદ્ધ 99 વોટ પડ્યા હતા.

શિંદે સરકાર વિરુધ્ધ અત્યાર સુધીમાં 99 ધારાસભ્યોએ વોટ આપ્યા છે.

વિપક્ષના ચાર ધારાસભ્યો મતદાન કરી શક્યા ન હતા. જેમાં અશોક ચવ્હાણ, કોંગ્રેસના વિજય વડેટ્ટીવાર અને એનસીપીના અન્ના બંસોડ, સંગ્રામ જગતાપનો સમાવેશ થાય છે. ચારેય મોડા પહોંચ્યા હતા, જેના લીધે તેને પ્રવેશ અપાયો નહોતો.

MVA નુ હેડકાઉન્ટિંગ હાલ શરૂ છે,અત્યાર સુધીમાં શિંદે સરકારની વિરુધ્ધમાં 78 મત પડ્યા છે.

શિંદે સરકારે બહુમતી મેળવ્યા બાદ હવે વિપક્ષના ધારાસભ્યોનુ હેડકાઉન્ટિંગ શરૂ કરવામાં આવ્યુ છે.

વિધનસભામાં શિંદે સરકારને બહુમતી સાબિત કરવા 144 વોટની જરૂર હતી,પરંતુ તેમને 164 ધારાસભ્યોનુ સમર્થન મળ્યુ છે.

મહારાષ્ટ્ર વિધાનસભામાં મતદાન દરમિયાન થોડો હંગામો થયો હતો. અહીં, જ્યારે ધારાસભ્ય પ્રતાપ સરનાયકે શિંદે સરકારના સમર્થનમાં મતદાન કર્યું, ત્યારે ઉદ્ધવ જૂથે ED-ED ના નારા લગાવ્યા.

એકનાથ શિંદેએ વિધાનસભાના ફ્લોર ટેસ્ટમાં વિશ્વાસનો મત મેળવી લીધો છે.144થી વધુ ધારાસભ્યોનુ સમર્થન મળતા શિંદે સરકારની જીત થઈ છે.

માહિતી મુજબ વિધાનસભા ફ્લોર ટેસ્ટમાં શિંદેના પક્ષમાં અત્યાર સુધીમાં 120થી વધારે વોટ પડ્યા છે.

વિધાનસભામાં વિપક્ષે વોઈસ વોટ દ્વારા બહુમતી સાબિત કરવાના મામલે વાંધો ઉઠાવ્યો છે. જેથી હવે વોટિંગ દ્વારા ફ્લોર ટેસ્ટ થશે. જેમાં બંને પક્ષના ધારાસભ્યોને અલગ-અલગ બેસાડીને હેડ કાઉન્ટ કરવામાં આવશે.

મહારાષ્ટ્ર વિધાનસભાની કાર્યવાહી શરૂ થઇ છે.થોડીવારમાં CM એકનાથ શિંદે બહુમત સાબિત કરશે.હાલ CM શિંદે અને DyCM ફડણવીસ વિધાનસભા પહોંચ્યા છે.

ઉદ્ધવ ઠાકરે જૂથને સુપ્રીમ કોર્ટમાંથી વધુ એક ઝટકો લાગ્યો છે. નવા ચીફ વ્હીપની ચૂંટણી સામે ઉદ્ધવ ઠાકરે જૂથ સુપ્રીમ કોર્ટમાં પહોંચ્યું હતુ. અરજીમાં સ્પીકરની કાર્યવાહી રોકવાની માંગ કરવામાં આવી હતી. ઉદ્ધવ જૂથે વ્હિપ ચીફ અને પાર્ટીના નેતાને પદ પરથી હટાવવાનો મુદ્દો ઉઠાવ્યો હતો. પરંતુ સુપ્રીમ કોર્ટે આ અંગે બાકીના કેસો સાથે 11 જુલાઈએ સુનાવણી કરવાનુ કહ્યુ છે.

ફ્લોર ટેસ્ટ પહેલા NCP નેતા અજિત પવારને વિધાનસભામાં વિપક્ષના નેતા બનાવવામાં આવ્યા છે.

સંજય રાઉતે બળવાખોર ધારાસભ્યો પર આકરા પ્રહારો કરતા કહ્યું કે, ભાજપ-શિંદે જૂથ અસ્થાયી છે. તે લોકો જનતાની સામે જઈ શકશે નહીં. જ્યારે આ ધારાસભ્યો શિવસેનામાં હતા ત્યારે તેઓ સિંહ હતા. આ બળવાખોર ધારાસભ્યો શેનાથી ડરે છે ? આ લોકો જ્યારે મુંબઈ પહોંચ્યા ત્યારે તેમની સાથે એટલી સુરક્ષા હતી જેટલી કસાબ પાસે પણ નહોતી.

મહારાષ્ટ્રના રાજકારણમાં વધુ એક વળાંક આવ્યો છે. શિવસેનાના અન્ય ધારાસભ્ય સંતોષ બાંગર ઉદ્ધવ ઠાકરે સામે બળવો કરીને શિંદે જૂથમાં જોડાયા છે. એકનાથ શિંદેએ આજે ​​વિધાનસભામાં બહુમતી સાબિત કરવાની છે, આવી સ્થિતિમાં ઉદ્ધવ માટે તે મોટો આંચકો છે.