Maharashtra: અહમદનગર હવે અહિલ્યાનગરથી ઓળખાશે, મુખ્યપ્રધાન એકનાથ શિંદેએ કરી મોટી જાહેરાત
Ahmednagar will be named Ahilyadevi Holkar Nagar: સભાને સંબોધિત કરતી વખતે દેવેન્દ્ર ફડણવીસે અહમદનગર જિલ્લાનું નામ બદલીને 'અહિલ્યાદેવી હોલકર નગર' કરવાની ઈચ્છા વ્યક્ત કરી હતી.
Maharashtra: મહારાષ્ટ્રનું અહમદનગર હવે ‘અહિલ્યાદેવી હોલકર નગર’ (Ahilyadevi Holkar Nagar) તરીકે ઓળખાશે. સીએમ એકનાથ શિંદેએ (Eknath Shinde) બુધવારે (31 મે) આ જાહેરાત કરી હતી. સીએમ શિંદેએ પુણ્યશ્લોક અહિલ્યા દેવી હોલકર (માલવા રાજ્યની રાણી અહલ્યાબાઈ હોલકર)ના જન્મસ્થળ અહમદનગરના ચૌન્ડીમાં અહલ્યાબાઈ હોલકરની 298મી જન્મજયંતિ સંબંધિત એક બેઠકને સંબોધિત કરતી વખતે આ જાહેરાત કરી હતી.
આ કાર્યક્રમમાં સીએમ એકનાથ શિંદેની સાથે નાયબ મુખ્યમંત્રી દેવેન્દ્ર ફડણવીસ પણ હાજર હતા. સભાને સંબોધિત કરતી વખતે દેવેન્દ્ર ફડણવીસે અહમદનગર જિલ્લાનું નામ બદલીને ‘અહિલ્યાદેવી હોલકર નગર’ કરવાની ઈચ્છા વ્યક્ત કરી હતી.
દેવેન્દ્ર ફડણવીસ પછી જ્યારે સીએમ એકનાથ શિંદે સભાને સંબોધવા આવ્યા, ત્યારે તેમણે કહ્યું કે આ દરેકની ઈચ્છા છે. આ ઈચ્છાને માન આપીને રાજ્ય સરકારે નિર્ણય લીધો છે કે અહમદનગરનું નામ બદલીને ‘અહિલ્યાદેવી હોલકર નગર’ કરવામાં આવશે. આ સિવાય આજે મહારાષ્ટ્ર સરકારે વધુ એક નિર્ણય લીધો છે. મંત્રી ગિરીશ મહાજને બારામતી સરકારી મેડિકલ કોલેજનું નામ બદલીને ‘પુણ્યશ્લોક અહિલ્યાદેવી હોલકર સરકારી મેડિકલ કોલેજ’ રાખવાની જાહેરાત કરી હતી.
આ પણ વાંચો: Mumbai : મુંબઈ પોલીસે 11 જૂન સુધી જાહેર મેળાવડા પર મૂક્યો પ્રતિબંધ, જાણો શું રહેશે પ્રતિબંધિત
મહારાષ્ટ્ર સરકારનો નિર્ણય, અહમદનગરનું નામ ‘અહિલ્યાદેવી હોલકર નગર’ રહેશે
સીએમ એકનાથ શિંદેએ કહ્યું, ‘અહિલ્યાદેવીની મેકેની અટક શિંદે છે અને હું પણ શિંદે છું. આજે રામભાઉ શિંદે અને ગોપીચંદ પડલકરે અહીં આ માંગણી કરી છે. નાયબ મુખ્યમંત્રી દેવેન્દ્ર ફડણવીસ અને મારી પણ આ જ ઈચ્છા છે. તમારી ઈચ્છાને માન આપીને રાજ્ય સરકારે અહેમદનગર જિલ્લાનું નામ બદલીને ‘અહલ્યાદેવી હોલકર નગર’ કરવાનો નિર્ણય લીધો છે.
‘આ નિર્ણય અમારા કાર્યકાળ દરમિયાન થઈ રહ્યો છે, તે આપણું ભાગ્ય છે’
આ પછી સીએમ એકનાથ શિંદેએ કહ્યું કે અમે અહલ્યાબાઈના આદર્શને આપણી સામે રાખીને કામ કરી રહ્યા છીએ. આજે હું આ ઐતિહાસિક સમારોહમાં હાજર છું. દેવેન્દ્ર ફડણવીસ અને મને અહીં હાજર રહીને ગર્વ છે. અહલ્યાદેવીનું કાર્ય હિમાલય જેટલું વિશાળ છે. તેથી જ અહમદનગરનું નામ અહલ્યાનગર રાખવામાં આવશે. આ નિર્ણય અમારા કાર્યકાળ દરમિયાન લેવામાં આવી રહ્યો છે, તે અમારૂ સૌભાગ્ય છે.
‘અહલ્યાબાઈ ન હોત તો આજે કાશી દેખાઈ ન હોત’
ત્યારે સીએમ શિંદેએ કહ્યું કે અહિલ્યાદેવીની 300મી જન્મજયંતિ એવી હશે કે તેને જોઈને દુનિયાભરના લોકો વાહ કહેશે. અગાઉ દેવેન્દ્ર ફડણવીસે અહમદનગર જિલ્લાનું નામ બદલીને અહિલ્યાનગર કરવાની અપીલ કરી હતી અને કહ્યું હતું કે અમે છત્રપતિ શિવાજી મહારાજનું નામ લઈને આગળ વધનારા લોકો છીએ. સીએમ એકનાથ શિંદે શિવાજી મહારાજના દિવાના છે. તેઓ ચોક્કસપણે આ અપીલ પર ધ્યાન આપશે. ફડણવીસે કહ્યું કે જો અહલ્યાબાઈ ન હોત તો કાશી દેખાઈ ન હોત.
મહારાષ્ટ્રના તમામ સમાચાર વાંચવા માટે અહીં ક્લિક કરો