Breaking News : દાઉદ ઇબ્રાહિમના ઘરને તોડવાની કામગીરી પર લગાવાઈ રોક, જાણો શું છે કારણ

મુંબઈના ભીંડી બજારમાં દાઉદ ઇબ્રાહિમના ઘર સાથે સંકળાયેલી જર્જરિત ઇમારત (મુસાફિરખાના) ના BMC દ્વારા શરૂ કરાયેલા તોડકામને કોર્ટે અસ્થાયી રૂપે અટકાવ્યું છે.

Breaking News : દાઉદ ઇબ્રાહિમના ઘરને તોડવાની કામગીરી પર લગાવાઈ રોક, જાણો શું છે કારણ
| Updated on: Nov 19, 2026 | 5:16 PM

મુંબઈના ભીંડી બજાર વિસ્તારમાં આવેલા અંડરવર્લ્ડ ડોન દાઉદ ઇબ્રાહિમના પૈતૃક ઘર સાથે સંકળાયેલી ઇમારતને તોડી પાડવાની કામગીરી અસ્થાયી રૂપે અટકાવી દેવામાં આવી છે. પાકમોડિયા લેન સ્થિત હાજી ઇસ્માઇલ હબીબ મુસાફિરખાનાને જર્જરિત અને જોખમી જાહેર કર્યા બાદ બૃહન્મુંબઈ મ્યુનિસિપલ કોર્પોરેશન (BMC) દ્વારા તોડકામ શરૂ કરવામાં આવ્યું હતું. જોકે, આ કાર્યવાહી સામે કોર્ટમાં અરજી દાખલ થતાં હાલ પૂરતી કામગીરી રોકવામાં આવી છે. આ મામલે આગામી સુનાવણી 25 નવેમ્બરે થવાની છે.

મળતી માહિતી મુજબ, BMC દ્વારા ગઈકાલથી મુસાફિરખાનાની ઇમારત તોડી પાડવાની તૈયારીઓ શરૂ કરવામાં આવી હતી. આજે સવારે બુલડોઝર સહિતની મશીનરીની મદદથી તોડકામ હાથ ધરવામાં આવ્યું હતું. આ દરમિયાન અત્યાર સુધી કરવામાં આવેલી કામગીરીના ફોટોગ્રાફ્સ પણ લેવામાં આવ્યા છે. જોકે, કોર્ટમાં મામલો પહોંચ્યા બાદ તોડકામની પ્રક્રિયા અસ્થાયી રૂપે બંધ કરવામાં આવી છે.

શું છે સમગ્ર વિવાદ?

મુંબઈ મહાનગરપાલિકાના સી વોર્ડના એક્ઝિક્યુટિવ એન્જિનિયર દ્વારા 16 નવેમ્બરે મુસાફિરખાનાની જગ્યા ખાલી કરવા માટે નોટિસ આપવામાં આવી હતી. આ નોટિસમાં મસ્જિદની જગ્યા ખાલી કરવાની સૂચના પણ આપવામાં આવી હતી. નોટિસ મળ્યા બાદ 18 નવેમ્બર સુધીમાં જગ્યા ખાલી કરવા જણાવાયું હતું. જોકે, આ નોટિસને શેખ અબ્દુલ રઝાક સહિતના અરજદારોએ કોર્ટમાં પડકારી છે.

અરજદારો દ્વારા દાખલ કરવામાં આવેલી અરજીમાં નોટિસના અમલ પર તાત્કાલિક રોક લગાવવા તેમજ તેને રદ કરવાની માગ કરવામાં આવી છે. અરજદારોનો દાવો છે કે, નોટિસ આપવાની પ્રક્રિયામાં કુદરતી ન્યાયના સિદ્ધાંતોનું પાલન કરવામાં આવ્યું નથી. આ ઉપરાંત, નોટિસ સુપ્રીમ કોર્ટ અને વક્ફ ટ્રિબ્યુનલ દ્વારા અગાઉ આપવામાં આવેલા આદેશોની વિરુદ્ધ હોવાનું પણ અરજીમાં જણાવાયું છે.

BMCએ કેમ શરૂ કરી હતી તોડકામની કામગીરી?

મ્યુનિસિપલ કોર્પોરેશન દ્વારા કરવામાં આવેલા નિરીક્ષણ દરમિયાન હાજી ઇસ્માઇલ હબીબ મુસાફિરખાનાની ઇમારત જર્જરિત અને જોખમી હોવાનું સામે આવ્યું હતું. આ મામલે હાઇકોર્ટમાં પણ અરજીઓ કરવામાં આવી હતી. મળતી માહિતી મુજબ, હાઇકોર્ટના નિર્દેશો બાદ BMC દ્વારા જરૂરી કાર્યવાહી હાથ ધરવામાં આવી હતી. ત્યારબાદ સત્તાવાર નોટિસ આપીને ઇમારત તોડી પાડવાની પ્રક્રિયા શરૂ કરવામાં આવી હતી.

હાલમાં આ મામલો કોર્ટમાં પહોંચ્યો હોવાથી તોડકામની કામગીરી અસ્થાયી રૂપે અટકાવી દેવામાં આવી છે. હવે 25 નવેમ્બરે યોજાનારી આગામી સુનાવણીમાં કોર્ટ શું નિર્ણય આપે છે તેના પર સૌની નજર રહેશે.

શું છે અર્થશોટ એવોર્ડ? પહેલીવાર ભારત કરશે યજમાની, જાણો સંપૂર્ણ વિગત

Follow Us
Loading...
Unable to load recommendations.