Chalukya Express Derailment: દુર્ઘટનાને 14 કલાક વીતી ગયા, હજુ પણ પાટા પર પડી છે બોગી, 500 થી વધુ લોકો કરી રહ્યા છે હટાવવાનો પ્રયાસ

મહારાષ્ટ્ર (Maharashtra) ચાલુક્ય એક્સપ્રેસ (Chalukya Express) ટ્રેનના 3 ડબ્બા શુક્રવારે રાત્રે લગભગ 10 વાગ્યે મુંબઈના માટુંગા સ્ટેશન નજીક પાટા પરથી ઉતરી (Derailment) ગયા હતા. જો કે, સદનસીબે આ અકસ્માતમાં કોઈને ઈજા થઈ ન હતી. આ ટ્રેન દાદરથી પુડુચેરી જવા નીકળી હતી. ગાડી લગભગ 1 કિલોમીટર ચાલી હતી, ગાડીએ પુરી સ્પીડ પણ પકડી ન હતી કે આ અકસ્માત થયો. શુક્રવારની રાતથી ત્રણેય કોચને હટાવવાની કામગીરી યુદ્ધના ધોરણે ચાલી રહી છે. 12 કલાક વીતી જવા છતાં હજુ સુધી માત્ર 2 કોચ હટાવવામાં આવ્યા છે. જ્યારે વધુ એક કોચને બહાર કાઢવા માટે બપોરે 12 વાગ્યા સુધીમાં ટાર્ગેટ રાખવામાં આવ્યો છે. સમગ્ર કામગીરીમાં 500 જેટલા કામદારો કામે લાગ્યા છે.