ત્વચાની સંભાળ માટે દાળનો ઉપયોગ
3,4 ચમચી મસૂરની દાળ (Masoor Dal)લો અને તેને પાણીમાં પલાળી રાખો. બીજે દિવસે સવારે, તેને પીસીને પેસ્ટ બનાવો. તેને ચહેરા તેમજ ગરદન પર લગાવો. થોડીવાર માટે માલિશ કરો. તેને 5-10 મિનિટ માટે રહેવા દો અને સાદા પાણીથી ધોઈ લો. તમે અઠવાડિયામાં બે કે ત્રણ વખત તેનો ઉપયોગ કરી શકો છો.
મસૂરની દાળ અને દહીં
2-3 ચમચી દાળને પીસીને પાવડર બનાવો. એક વાટકીમાં થોડો મસૂર પાવડર લો અને તેમાં દહીં ઉમેરો. સ્કિન લાઈટનિંગ ફેસ માસ્ક તૈયાર કરવા માટે એકસાથે મિક્સ કરો. તેને ચહેરા તેમજ ગરદન પર લગાવો અને થોડીવાર ત્વચા પર હળવા હાથે મસાજ કરો. તેને ધોતા પહેલા ત્વચા પર 10-15 મિનિટ માટે રહેવા દો. અઠવાડિયામાં 2-3 વખત આ ફેસ પેક લગાવો.
મસુરની દાળ અને એલોવેરા
2-3 ચમચી મસુરની દાળને પાણીમાં પલાળી રાખો અને બીજા દિવસે તેને પીસીને પેસ્ટ બનાવી લો. તેમાં એક ચમચી એલોવેરા જેલ (Aloe vera gel) ઉમેરો અને તેને એકસાથે મિક્સ કરીને ખીલ વિરોધી ફેસ માસ્ક તૈયાર કરો. તેને આખા ચહેરા અને ગરદન પર લગાવો અને થોડીવાર માટે મસાજ કરો. તેને તાજા પાણીથી ધોતા પહેલા 5-10 મિનિટ માટે રહેવા દો. આ ઉપાય અઠવાડિયામાં બે વાર કરી શકાય છે.
મસુરની દાળ અને મધ
2-3 ચમચી મસુરની દાળને આખી રાત પાણીમાં પલાળી રાખો. બીજે દિવસે સવારે તેને પીસીને પેસ્ટ બનાવી લો. તેમાં થોડું મધ (Honey)ઉમેરો. એન્ટી એજિંગ ફેસ માસ્ક તૈયાર કરવા માટે એકસાથે મિક્સ કરો. તેને થોડીવાર ચહેરા અને ગરદન પર મસાજ કરો. તેને 5-10 મિનિટ માટે ત્વચા પર રહેવા દો. તે પછી તાજા પાણીથી ધોઈ લો. તમે અઠવાડિયામાં બે કે ત્રણ વખત આ પેક લગાવી શકો છો.
(નોંઘ: આ લેખમાં આપેલા મુદ્દાઓ પ્રાથમિક માહિતીઓને આધારે તૈયાર કરવામાં આવ્યા છે. આરોગ્યને લાગતાં કોઈ પણ પ્રયોગ કે નિર્ણય લેતા પહેલા અનુભવી તબીબ અથવા જે તે વિષયના નિષ્ણાંતની સલાહ લેવી હિતાવહ છે.)
આ પણ વાંચો : Dark Circles Treatment : આંખ નીચેના ડાર્ક સર્કલથી છુટકારો મેળવવા કરો હળદરનો ઉપયોગ