KarvaChauth2021: આ વખતે કરવા ચોથ પર તમારી પત્નીને આપો આ ખાસ ભેટ, વધતી ઉંમર સાથે આવક પણ વધશે
આ વખતે પણ કરવા ચોથનો તહેવાર કોરોનાના સંકટ વચ્ચે ઉજવવામાં આવશે. આ વખતે કરવ ચોથ પર, તમે તમારી પત્નીના નામે નવી પેન્શન સિસ્ટમનું ખાતું ખોલાવી શકો છો.
આ વ્રતમાં ચંદ્ર ઉગ્યા બાદ તેની પૂજા કર્યા પછી જ ઉપવાસ ખોલવામાં આવે છે
આ વખતે પણ કરવા ચોથનો તહેવાર કોરોનાના સંકટ વચ્ચે ઉજવવામાં આવશે. આ વખતે કરવ ચોથ પર, તમે તમારી પત્નીના નામે નવી પેન્શન સિસ્ટમનું ખાતું ખોલાવી શકો છો. આ યોજના અંતર્ગત, તમારી પત્નીને 60 વર્ષની ઉંમરે એક એકીકૃત રકમ મળશે. વધુમાં, દર મહિને તેમની પેન્શનની જેમ રેગ્યુલર આવક પણ થશે. આ ખાતામાં, એ નક્કી કરી શકાય છે કે તમારી પત્નીને દર મહિને કેટલા પૈસા મળશે. આ સાથે જ તેમની સલામતીને ધ્યાનમાં રાખીને અથવા કોઈપણ જરૂરિયાત માટે, તેમને અન્ય કોઈ પર આધાર રાખવાની જરૂર રહેશે નહીં.
કરવા ચોથના દિવસે, તમે આ વેબસાઇટ https://www.npstrust.org.in/ content/open-your-nps-account-online ની મુલાકાત લઈને ઓનલાઇન પણ એનપીએસ એકાઉન્ટ ખોલી શકો છો. NPS એકાઉન્ટમાં રોકાણ કરવું ખૂબ જ સરળ છે. તમે 1000 રૂપિયાથી શરૂ કરીને તમારી સુવિધા મુજબ એનપીએસ ખાતું ખોલી શકો છો. આમ તો, 60 વર્ષની ઉમર બાદ જ NPSનું ખાતું મેચ્યોર થઈ જાય છે. પરંતુ જો તમે ઇચ્છો તો તમે તેને આગળ ચલાવી શકો છો.
કોરોના મહામારીની અસર દરેકના જીવનમાં પડી છે. આવી સ્થિતિમાં, ભવિષ્યને સુરક્ષીત કરવું પણ એટલું જ મહત્વનું છે જેટલી બીજી ઘણી વસ્તુઓ છે. પરંતુ જો તમે તમારી પત્નીને કોઈ મોંઘી ભેટ આપી રહ્યા છો. તો તે જાણવું પણ અગત્યનું છે કે, આવકવેરાની કલમ -56 (2) હેઠળ, તે ભેટ તે વ્યક્તિને જ લાગુ પડશે. જેને તે મળી હશે. તદનુસાર, જો ભેટ રૂપિયા 50,001 સુધીની હોય તો તમે આવકવેરાના દાયરામાં આવી જાવ છો.
કરવા ચોથના દિવસે પત્ની તેના પતિના લાંબા આયુષ્ય માટે વ્રત રાખે છે. ત્યારે આ અવસર પર આ ખાસ ભેટ સાથે, તમે તમારી પત્નીનું ભવિષ્ય પણ સુરક્ષિત કરી શકો છો. જેથી આવનારા સમયમાં તેમને કોઈના પર નિર્ભર ન રહેવું પડે. અને તેમનું જીવન લાંબા ગાળા માટે સુરક્ષિત થઈ શકે.