ગ્લોઈંગ સ્કિન (Skin) કોને પસંદ નથી, પરંતુ તેના માટે હેલ્ધી ડાયટની સાથે સ્કિનની ખાસ કાળજીની પણ જરૂર છે. ત્વચાની સંભાળની ઈચ્છા સાથે ઘણી સ્ત્રીઓ પાર્લરમાં જઈને મોંઘી સારવાર લેતી હોય છે તો કેટલીક ઘરગથ્થુ ઉપચાર અજમાવતી હોય છે. આજકાલ આઈસ ફેશિયલ (Facial Benefits) ખૂબ ચર્ચામાં છે. બરફ એક એવી વસ્તુ છે જે દરેક ઘરમાં સરળતાથી મળી રહે છે. એવું માનવામાં આવે છે કે આઈસ ફેશિયલને કારણે ત્વચાની ચમક સાથે ચુસ્તતા આવે છે અને વૃદ્ધાવસ્થાની અસર જલ્દી દેખાતી નથી. પરંતુ જો તમારી ત્વચા સંવેદનશીલ હોય તો તમારે આઈસ ફેશિયલ કરતા પહેલા કેટલીક બાબતો જાણી લેવી જોઈએ. જાણો આઈસ ફેશિયલના ફાયદા અને તેનાથી સંબંધિત અન્ય મહત્વપૂર્ણ બાબતો.
જો તમે તમારા ચહેરા પર ટેન કર્યું છે તો આઈસ ફેશિયલ તમારા માટે ખૂબ જ ફાયદાકારક છે. બરફ તમારી ત્વચાને ઠંડક આપે છે. તેનાથી તમારી ત્વચાની કાળાશ દૂર થાય છે અને ત્વચા તાજી દેખાય છે.
આઈસ ફેશિયલ એવા લોકો માટે પણ ફાયદાકારક છે જેમને વારંવાર ખીલની સમસ્યા રહે છે. આમ કરવાથી ત્વચા પર હાજર વધારાનું તેલ દૂર થાય છે, જેના કારણે ખીલની સમસ્યા કંટ્રોલ થાય છે. આ સિવાય બ્લેકહેડ્સ અને વ્હાઈટહેડ્સની સમસ્યા પણ દૂર થાય છે.
આઈસ ફેશિયલ તમારી ત્વચામાં ચુસ્તતા લાવે છે. તેનાથી વૃદ્ધત્વની અસર ઓછી થાય છે અને છિદ્રો નાના થઈ જાય છે. બરફ છિદ્રોની અંદર જમા થયેલી ગંદકીને બહાર કાઢવાનું પણ કામ કરે છે.
જો તમારી ત્વચા પર કરચલીઓ અને ફાઈન લાઈન્સ દેખાવા લાગી હોય તો પણ આઈસ ફેશિયલ તમારા માટે ફાયદાકારક છે. આઇસ ફેશિયલ આને નિયંત્રિત કરે છે અને તમારી ત્વચામાં ચમક લાવવાનું કામ કરે છે.
આઈસ ફેશિયલ કરવા માટે આઈસ ક્યુબ્સને પાતળા વોશક્લોથ અથવા નેપકીનમાં લપેટી લો. તેને ચહેરા પર લગાવો. જો તમારી ત્વચા સંવેદનશીલ હોય તો બરફના ટુકડાને લાગુ કરવા માટે ટુવાલ અથવા કોલ્ડ કોમ્પ્રેસનો ઉપયોગ કરો. ચહેરાના ચોક્કસ ભાગ પર આઈસ પેક કે ક્યુબને એક મિનિટથી વધુ ન રાખો. રક્ત પરિભ્રમણ વધારવા માટે થોડીવાર ટેપ કરો. આ પછી, ચહેરો સાફ કરો અને મોઇશ્ચરાઈઝર લગાવો.
નોંધ : આ લેખ માત્ર જાણકારી માટે છે. તેનો ઉપયોગ પુર્વે આપ આપના તબીબ અથવા તજજ્ઞોની સલાહ ખાસ લેવી