Gujarati NewsLatest newsRally for ban pubg game in gujarat state by school chilrends and management
PUBG ગેમના વિરોધમાં શાળા-સંચાલકો અને વિદ્યાર્થીઓ રસ્તા પર, સરકાર કાયદો લાવીને ગેમ પર પ્રતિબંધ મૂકે તેવી કરી માગણી
ભારતમાં PUBG મોબાઇલ ગેમ વાયુવેગે પ્રખ્યાત થઈ રહી છે. આ જ ગેમના કારણે ચરોતરમાં સ્કુલ સંચાલકો સરકાર પાસે આ ગેમ પર પ્રતિબંધ મુકવામાં આવે તેવી માગ કરી રહ્યા છે જેથી બાળકો પર અસર ના પડે. છેલ્લા કેટલાક મહિનાઓથી મોબાઈલનો ઉપયોગ કરતા લોકોમાં પબજી ગેમનું ઘેલું લાગ્યું છે, જાહેર સ્થળો પર કોલેજીયનો ,તો વિદ્યાર્થીઓ સ્કુલ કેમ્પસ […]
Follow us on
ભારતમાં PUBG મોબાઇલ ગેમ વાયુવેગે પ્રખ્યાત થઈ રહી છે. આ જ ગેમના કારણે ચરોતરમાં સ્કુલ સંચાલકો સરકાર પાસે આ ગેમ પર પ્રતિબંધ મુકવામાં આવે તેવી માગ કરી રહ્યા છે જેથી બાળકો પર અસર ના પડે.
છેલ્લા કેટલાક મહિનાઓથી મોબાઈલનો ઉપયોગ કરતા લોકોમાં પબજી ગેમનું ઘેલું લાગ્યું છે, જાહેર સ્થળો પર કોલેજીયનો ,તો વિદ્યાર્થીઓ સ્કુલ કેમ્પસ અને ઘરોમાં આ ગેમ રમી રહ્યા છે. જોકે આ ગેમ રમવાને કારણે વિદ્યાર્થીઓના શિક્ષણનો સર્વનાશ થઇ શકે છે અને આ ગેમને કારણે વિદ્યાર્થીઓ અભ્યાસથી દુર જઈ રહ્યા છે. મોટાભાગના અભ્યાસ કરતા વિદ્યાર્થીઓ ઈન્ટરનેટ પર આ ગેમ રમવામાં સમય બગાડી રહ્યા છે જે પ્રકારના ગેમમાં લેવલ આવેલા છે તેનાથી ગેમ રમનારની માનસિક સ્થિતિ હિંસાત્મકતા તરફ વળી રહી છે, અને દેશમાં કેટલાક કિસ્સાઓમાં તો એવું પણ ધ્યાનમાં આવ્યું છે કે ગેમ રમનારને માતાપિતા દ્વારા રોકવામાં આવતા બાળકો ધ્વારા હુમલાનો પણ પ્રયાસ કરવામાં આવ્યો છે.
નડિયાદની એક ખાનગી શાળાના વિદ્યાર્થીઓ દ્વારા રેલી કાઢી પબજી ગેમ પર સરકારે પ્રતિબંધ લાવવો જોઈએ તેવી માંગ સાથે આવેદનપત્ર આપવામાં આવ્યું તો આણંદની ખાનગી સ્કુલના સંચાલકો દ્વારા વિદ્યાર્થીઓના વાલીઓને પોતાના બાળકોને પબજી ગેમના સકંજામાંથી કઈ રીતે છોડાવી શકાય તે અંગે જાગૃતિ પણ લાવવામાં આવી રહી છે
આણંદ ખેડા જીલ્લાની ખાનગી સ્કુલોના સંચાલકો પબજી ગેમની ગંભીર અસરોથી વિદ્યાર્થીઓને બચાવવા માટે હવે જાહેરમાં આવ્યા છે અને સ્કુલ સંચાલકો માગ કરી રહ્યા છે કે આ ગેમના પ્રતિબંધ માટે સરકાર દ્વારા વિધાનસભામાં કાયદો બનાવવો જોઈએ. આ ગેમ રમનાર સામે શિક્ષાત્મક અને દંડાત્મક કાર્યવાહીની જોગવાઈઓ કરવી જોઈએ ,માનવજીવન માટે ત્રાસવાદ સમાન પબજી ગેમ રમનાર માટે માનસિક ડ્રગનો ડોઝ પૂરો પડે છે ત્યારે સરકાર દ્વારા કયા પ્રકારની કાર્યવાહી ગેમ પ્રતિબંધ માટે કરવામાં આવે છે તે આગામી સમયમાં જોવા મળી શકે છે.