ઇંગ્લેન્ડ, ગ્રેટ બ્રિટન અને યુનાઇટેડ કિંગડમ એક જ છે કે અલગ અલગ ? જાણો તેમના વચ્ચે શું છે તફાવત

વિશ્વમાં લગભગ મોટાભાગના લોકો યુનાઇટેડ કિંગડમ, ગ્રેટ બ્રિટન અને ઇંગ્લેન્ડને એક જ પ્રદેશ માને છે. જ્યારે આ ત્રણેય વચ્ચે મોટો તફાવત છે, તેમાંથી એક દેશ છે, બીજો ટાપુ છે અને ત્રીજો ટાપુનો ભાગ છે. બ્રિટિશ ટાપુઓની રાજનીતિ, ભૂગોળ અને ઇતિહાસનું વર્ણન કરવા માટે યુનાઇટેડ કિંગડમ, બ્રિટન અને ઇંગ્લેન્ડ શબ્દોનો ઉપયોગ કરવામાં આવે છે. એક નજરમાં આ ત્રણેય સમાન લાગે છે, પરંતુ ત્રણેય શબ્દો વચ્ચે તફાવત છે. યુનાઇટેડ કિંગડમ સૌ પ્રથમ યુનાઇટેડ કિંગડમની વાત કરીએ તો, યુનાઇટેડ કિંગડમ એ યુરોપના ઉત્તર પશ્ચિમ કિનારે એક સ્વતંત્ર દેશ છે. આમાં ગ્રેટ બ્રિટનના સમગ્ર ટાપુ અને આયર્લેન્ડના ટાપુનો ઉત્તરીય ભાગ શામેલ છે. જેમાં ઇંગ્લેન્ડનો પણ સમાવેશ થાય છે. તમને જણાવી દઈએ કે આ દેશનું સત્તાવાર નામ “યુનાઈટેડ કિંગડમ ઓફ ગ્રેટ બ્રિટન અને ઉત્તરી આયર્લેન્ડ” છે. યુનાઇટેડ કિંગડમની રાજધાની લંડન છે અને વર્તમાન રાજ્યના વડા રાજા ચાર્લ્સ III છે. તમને જણાવી દઈએ કે યુનાઈટેડ કિંગડમની રચના 1801માં શરૂ થઈ હતી, જ્યારે યુનાઈટેડ કિંગડમ ઓફ ગ્રેટ બ્રિટન અને આયર્લેન્ડ...