કાનુની સવાલ : શું પાવર ઓફ એટર્ની રદ કરી શકાય છે ? રદ કરવા માટેની સંપૂર્ણ કાનૂની પ્રક્રિયા જાણો
કેટલીક વખત લોકો પાવર ઓફ એટર્ની આપ્યા બાદ રદ કરવાની જરુર પડે છે. કેટલાક લોકોને લાગે છે કે,શું પાવર ઓફ એટર્નીને રદ કરી શકાય. તો ચાલો આ વિશે આપણે વિસ્તારથી જાણીએ.
પાવર ઓફ એટર્ની એક એવા કાનુની ડોક્યુમેન્ટ છે. જેના દ્વારા તમે કોઈ પણ વિશ્વાસુ વ્યક્તિને પોતાની સંપત્તિ કે કાનુની કાર્યોના નિર્ણયનો અધિકાર આપે છે. પરંતુ કેટલીક વખત પરિસ્થિતિઓ બદલવાથી વિશ્વાસની ઉણપના કારણે આ અધિકારને પરત લેવો જરુરી પડે છે. ત્યારે કાનુન તમને આ અધિકાર આપે છે કે, તમે જ્યારે ઈચ્છો ત્યારે તમારી પાવર ઓફ એટર્ની રદ કરી શકો છો.
જોકે, ભવિષ્યમાં ડોક્યુમેન્ટનો દુરુપયોગ ન થાય અને તમે કાનૂની ગૂંચવણોથી સંપૂર્ણપણે સુરક્ષિત રહો તેની ખાતરી કરવા માટે એક નિશ્ચિત કાનૂની પ્રક્રિયાનું પાલન કરવું આવશ્યક છે. ચાલો આ વિશે વિસ્તારથી જાણીએ.
સૌથી પહેલા તે વ્યક્તિને સ્પષ્ટ શબ્દોમાં એક નોટિસ મોકલો, જેમને તમે તમારા અધિકારો આપ્યા હતા. જેમાં લખો રેસ હવે હું તમને મારા આપેલા તમામ અધિકારો પરત લવ છું. આજથી તમે મારા નામ પર કોઈ કામ કરી શકશો નહી.ત્યારબાદ એક વકીલની મદદથી કેન્સિલેશન ડીડ બનાવો. જેમાં લખો કે, જૂની એટર્ની હવે નકામી છે અને તેનું કોઈ કાનૂની મૂલ્ય નથી.
જો તમે રજિસ્ટ્રી ઑફિસમાંથી તમારી પાવર ઓફ એટર્ની મેળવી હોય, તો તમારે તેને રદ કરવા માટે ત્યાં જવું પડશે. સરકારી રેકોર્ડમાં રદ કરવાની નોંધ કરવી ખૂબ જ મહત્વપૂર્ણ છે.
કયા સંજોગોમાં POA રદ કરવામાં આવતી નથી?જો તમે અફર પાવર ઓફ એટર્ની આપી હોય, તો તેને રદ કરવું વધુ જટિલ છે અને કાનૂની કાર્યવાહીની જરૂર છે.
જો પાવર ઓફ એટર્ની ધારકનો મિલકતમાં કોઈ નાણાકીય હિત અથવા હિસ્સો હોય, તો તમે તેને સંપૂર્ણપણે રદ કરી શકશો નહીં.પાવર ઓફ એટર્ની રદ કરતી વખતે તમારે માનસિક રીતે સ્વસ્થ રહેવું જોઈએ, અન્યથા તેને કાનૂની રીતે પડકારવામાં આવી શકે છે.
વ્યક્તિ પાસેથી મૂળ પાવર ઓફ એટર્ની પાછી લેવાનો પ્રયાસ કરો જેથી તેઓ તેને ક્યાંય બતાવી ન શકે.સંબંધિત વ્યક્તિ પાસેથી લેખિત નિવેદન મેળવો જેમાં જણાવવામાં આવ્યું છે કે, તેમને પાવર ઓફ એટર્ની રદ કરવાની સૂચના મળી છે અને તેઓ હવે તેનો ઉપયોગ કરશે નહીં.જો પ્રક્રિયા જટિલ હોય, તો કાગળકામમાં કોઈ ટેકનિકલ ભૂલો ન થાય તેની ખાતરી કરવા માટે હંમેશા અનુભવી વકીલની સલાહ લો.
(Disclaimer: જો તમારી પાસે કોઈ ચોક્કસ કેસ હોય તો કાનૂની નિષ્ણાત (વકીલ) ની સલાહ લેવી સલાહભર્યું છે. અહીં આપેલી માહિતી ફક્ત કોર્ટના નિર્ણયો અને કલમોને આધારે આપવામાં આવી છે. તમારે કોઈ કેસ માટે જાણવું હોય તો યોગ્ય વકીલની સલાહ લઈ શકો છો.)(All Image Credit- Canva)
