હેલમેટને લઈ આ નિયમ તમને ખબર છે? તમે ના પહેરી તો દંડ ભોગવવા તૈયાર રહેજો, ખાલી આમને જ છૂટ છે !

દરરોજ તમે સમાચાર અને અખબારોમાં સમાચાર વાંચતા જ હશો કે એક ટુ-વ્હીલર ચાલકે હેલમેટ ન પહેરવાના કારણે રોડ અકસ્માતમાં જીવ ગુમાવ્યો. આ કારણોસર, સરકારે નવા મોટર વ્હીકલ એક્ટમાં હેલમેટ ન પહેરવા બદલ ભારે ચલણની જોગવાઈ કરી છે. જો તમે હેલમેટ વગર ટુ-વ્હીલર ચલાવતા પકડાય તો તમારે 5000 રૂપિયા સુધીનું ચલણ ભરવું પડશે.

પરંતુ દેશમાં એક એવો વર્ગ છે જેમના માટે હેલમેટ પહેરવું ફરજિયાત નથી અને આ લોકો હેલ્મેટ પહેર્યા વિના પણ ટુ-વ્હીલર ચલાવી શકે છે. જ્યારે તેઓ હેલમેટ વિના રોડ પર નીકળે છે ત્યારે પોલીસ પણ તેમને રોકતી નથી. તેમજ નવા મોટર વ્હીકલ એક્ટના કાયદાની પણ તેમના પર કોઈ અસર થતી નથી. જો તમે તેમના વિશે વધુ જાણવા માંગતા હો, તો અમે અહીં આ શ્રેણી વિશે વિગતવાર જણાવી રહ્યા છીએ.

હેલમેટ ન પહેરવાની આ સજા છે

ભારતમાં હેલમેટ રેગ્યુલેશન એન્ડ લો અનુસાર ટુ-વ્હીલર ચાલક માટે હેલમેટપહેરવું ફરજિયાત છે. આ નિયમની કલમ 129 મુજબ, જો તમે ટુ-વ્હીલર ચલાવતી વખતે હેલમેટ ન પહેરો તો તમને 5000 રૂપિયાનો દંડ થઈ શકે છે અને તમારું ડ્રાઈવિંગ લાયસન્સ ત્રણ વર્ષ માટે સસ્પેન્ડ થઈ શકે છે. નવા મોટર વ્હીકલ એક્ટ મુજબ, જો 4 વર્ષથી વધુ ઉંમરનું બાળક ટુ-વ્હીલર પર બેસે તો તેના માટેહેલમેટ પહેરવું ફરજિયાત છે. તેમજ ડ્રાઇવરની પાછળ બેઠેલી વ્યક્તિ માટે હેલમેટ ફરજિયાત છે.

આમને ચલણ ફટકારવામાં નથી આવતુ

દેશમાં એક એવો વર્ગ છે જે હેલમેટ પહેરે કે ન પહેરે, ટ્રાફિક પોલીસ તેમને ચલણ ફટકારતી નથી. વાસ્તવમાં અમે શીખ સમુદાયની વાત કરી રહ્યા છીએ. શીખ સમુદાયના લોકો તેમના માથા પર પાઘડી ધરાવે છે, જેના કારણે તેમના માથા પર હેલમેટ ફિટ નથી થતી. આ ઉપરાંત, તેમની પાઘડી અકસ્માત દરમિયાન હેલમેટ તરીકે કામ કરે છે અને માથાને ગંભીર ઇજાઓથી બચાવે છે. આ સિવાય જો કોઈને મેડિકલ કન્ડિશન છે જેના કારણે તે હેલમેટ નથી પહેરી શકતો તો પુરાવા સાથે તેને ચલણમાંથી પણ બચાવી શકાય છે.