દલાઈ લામા બ્રહ્મચારી કેમ રહે છે? વાંચો ઈસ્લામ છોડી બૌદ્ધ ધર્મ અપનાવનાર અલ્તાન ખાન અને દલાઈ લામાની પદવી પાછળનો અસલ ઇતિહાસ

6 જુલાઈએ તિબેટીયન બૌદ્ધ ધર્મગુરુનો 90મો જન્મદિવસ ઉજવવામાં આવ્યો.જેમા ધર્મશાળાના મેક્લોડગંજમાં એક મોટા ધાર્મિક કાર્યક્રમનું આયોજન કરવામાં આવ્યું છે. 14મા દલાઈ લામા અહીં તેમના અનુયાયીઓને સંબોધિત કર્યા. જોકે, 15મા દલાઈ લામાનું નામ હજુ જાહેર નથી કરાયુ. પરંતુ શું તમે જાણો છો કે દલાઈ લામાનો ઇતિહાસ શું છે? તિબેટીયન બૌદ્ધ ધર્મમાં આ પરંપરા ક્યારે અને કેવી રીતે ચાલી આવી છે? દલાઈ લામા જીવનભર કેમ અપરિણિત રહે છે. તેઓ એક ભિક્ષુક હોય છે જે તિબેટીયન બૌદ્ધ ધર્મની ગેલુગ્પા પરંપરાનું પાલન કરે છે. જેમાં બ્રહ્મચર્યનું પાલન કરવું જરૂરી છે. દલાઈ લામાને કરુણાથી ભરેલા બૌદ્ધ ધર્મનો અવતાર ગણાય છે. દલાઈ લામાનો અર્થ બૌદ્ધ ધર્મમાં, દલાઈ લામાનો અર્થ જ્ઞાનનો મહાસાગર અથવા જ્ઞાનનો ભંડાર થાય છે. દલાઈનો અર્થ મહાસાગર થાય છે અને લામા બૌદ્ધ ધર્મના ટોચના ગુરુને કહેવામાં આવે છે. એટલે કે, દલાઈ લામા શબ્દનો અર્થ ‘જ્ઞાનના મહાસાગરથી ભરેલા બૌદ્ધ ગુરુ’ થાય છે. બ્રહ્મચારી બૌદ્ધ ભિક્ષુ દલાઈ લામા તિબેટીયન બૌદ્ધ ધર્મના ગેલુગ્પા સંપ્રદાયના વડા છે. તેઓ તિબેટના સૌથી...