એરપોર્ટ પર તમારો સામાન ખોવાઈ જાય કે નુકસાન થાય તો શું કરવું? વાંચો જવાબ

ઘણાં પેસેન્જના સમાન એરલાઇન્સમાં ખોવાઈ જાય છે. સામાન એરલાઈન્સ દ્વારા ક્ષતિગ્રસ્ત અથવા ખોવાઈ જાય તો મુશ્કેલી પડે છે. જો તમે નિયમિત ફ્લાઈટમાં મુસાફરી કરો ત્યારે આ સમસ્યાનો સામનો કરવો પડે તો આ સ્થિતિમાં તમારો સફર પડકારજનક બની જાય છે. દુબઇ જેવા વ્યસ્ત એરપોર્ટ પર સામાનનું ધ્યાન રાખવું થોડું જરૂરી બને છે. આ અહેવાલમાં અમે તમને કેટલીક ટિપ્સ જણાવી રહ્યા છે. જે તમને તમારો ખોવાયેલો સામાન શોધવામાં મદદ કરશે અથવા એરલાઇન પાસેથી નુકસાનનું વળતર કેવી રીતે મેળવવું તે જણાવશે.

સત્તાવાળાઓનો સંપર્ક કરો

જો તમને કન્વેયર બેલ્ટ પર તમારી વસ્તુ ન મળે, તો તે ખોવાઈ જવા વિશે વિચારતા પહેલા ઓછામાં ઓછા અડધો કલાક સુધી રાહ જુઓ. બીજી તરફ તમને તમારો સામાન મળ્યો છે પરંતુ તે સંપૂર્ણ સ્થિતિમાં નથી અથવા ક્ષતિગ્રસ્ત છે તો પછી તરત એરલાઇન સ્ટાફનો સંપર્ક કરો અને તમારી બેગ ખોવાઈ ગઈ કે ક્ષતિગ્રસ્ત થઈ ગઈ હોવાની જાણ કરો. ધ્યાનમાં રાખો કે આવી સ્થિતિમાં શક્ય તેટલી વહેલી તકે પગલાં લેવાનો પ્રયાસ કરો.

Property Irregularity Report ફોર્મ ભરો

તમે બેગેજ સર્વિસમાં પ્રોપર્ટી અનિયમિતતા ફોર્મ ભરીને ખોવાયેલા અથવા ક્ષતિગ્રસ્ત સામાન વિશે ફરિયાદ કરી શકો છો. જો તમારી બેગ ન મળે તો સ્ટાફ તમારી અંગત અને ફ્લાઇટની વિગતો તેમજ બેગ અને તેના સમાવિષ્ટો વિશેની માહિતી તેમને તમારો સામાન શોધવામાં મદદ કરવા માટે પૂછશે. તમે તેમની પાસેથી ટ્રેકિંગ નંબર પણ મેળવી શકો છો જે સામાનને ઑનલાઇન ટ્રેક કરવામાં મદદ કરશે.

આ પણ વાંચો : લો બોલો… દુબઈમાં સામાન ભૂલીને ફ્લાઈટ ભારત પહોંચી ગઈ, મુસાફરોનો કિંમતી સમાન અટવાઈ પડતા હંગામો મચ્યો

વળતર વિશે વાત કરો

કોઈપણ એરલાઈન તમારા સામાન સાથે સંકળાયેલ કોઈપણ અણધારી નુકશાન અથવા 24 કલાકથી વધુ વિલંબ માટે જવાબદાર છે. પરંતુ, તેમ છતાં તેઓ નુકસાનની સંપૂર્ણ ભરપાઈ કરતા નથી. ખોવાયેલા સામાન માટે પર્યાપ્ત વળતરનો દાવો કરવા માટે, તમારી પાસે એરલાઇનને લખવા માટે તમારી મુસાફરીની તારીખથી સાત દિવસનો સમય છે. એરલાઇન્સ બેગને નુકસાન થવાના કિસ્સામાં બેગને રિપેર/રિપ્લેસ કરવાની ભલામણ કરે છે, પરંતુ વળતર માટે, તમારે અમુક વ્યાવસાયિક સ્તરની વાટાઘાટો કરવાની જરૂર પડશે. આ માટે ત્વરિત પગલાં ભરવા જોઈએ.