UNSCએ અફઘાનિસ્તાનમાં રાજકીય મિશન માટેના પ્રસ્તાવને આપી મંજૂરી, જેનો હેતુ સમાવેશી સરકાર સહિત આ મુદ્દાઓને અપાશે પ્રોત્સાહન
સંયુક્ત રાષ્ટ્ર સુરક્ષા પરિષદે ગુરુવારે અફઘાનિસ્તાનમાં તેના રાજકીય મિશન માટે મજબૂત ઠરાવને મંજૂરી આપી હતી. નોર્વે દ્વારા ઠરાવનો મુસદ્દો તૈયાર કરવામાં આવ્યો હતો અને સુરક્ષા પરિષદમાં 14-0ના મતથી પસાર કરવામાં આવ્યો હતો.
સંયુક્ત રાષ્ટ્ર સુરક્ષા પરિષદે (United Nations Security Council) ગુરુવારે અફઘાનિસ્તાનમાં (Afghanistan) તેના રાજકીય મિશન માટે મજબૂત ઠરાવને મંજૂરી આપી હતી. નવો ઠરાવ લિંગ સમાનતાને પ્રોત્સાહન આપવા, મહિલાઓ અને છોકરીઓના સશક્તિકરણ, તમામ અફઘાન નાગરિકોના માનવ અધિકારો અને એક સમાવિષ્ટ અને પ્રતિનિધિ સરકારના મિશનને અધિકૃત કરે છે. નોર્વે દ્વારા ઠરાવનો મુસદ્દો તૈયાર કરવામાં આવ્યો હતો અને સુરક્ષા પરિષદમાં 14-0ના મતથી પસાર કરવામાં આવ્યો હતો. રશિયાએ મતદાનમાં ભાગ લીધો ન હતો. સંયુક્ત રાષ્ટ્રમાં નોર્વેના રાજદૂત મોના જુલે કહ્યું કે, સુરક્ષા પરિષદે સ્પષ્ટ સંદેશો મોકલ્યો છે કે યુએનએએમએ તરીકે ઓળખાતું યુએન મિશન અફઘાનિસ્તાનમાં શાંતિ અને સ્થિરતાને પ્રોત્સાહન આપવા અને અફઘાનિસ્તાનના લોકોને સમર્થન આપવા માટે મહત્વપૂર્ણ ભૂમિકા ભજવશે.
નોર્વેજીયન યુએન એમ્બેસેડર મોના જુલે કરી આ વાત
યુએનમાં ઠરાવ પસાર થયા પછી, નોર્વેના યુએન એમ્બેસેડર મોના જુલે કહ્યું, “યુએનએએમએ (અફઘાનિસ્તાન માટે સંયુક્ત રાષ્ટ્ર મિશન) માટેનો આ નવો આદેશ માત્ર તાત્કાલિક માનવતાવાદી અને આર્થિક કટોકટીનો જવાબ આપવા માટે મહત્વપૂર્ણ નથી, પરંતુ તે પહોંચવા માટે પણ મહત્વપૂર્ણ છે. અફઘાનિસ્તાનમાં શાંતિ અને સ્થિરતાનો અમારો વ્યાપક ધ્યેય સુધી પહોંચવા તાલિબાન સરકાર તરફથી માહિતી આપતા જણાવવામાં આવ્યું છે કે, આયોગ અફઘાનિસ્તાન છોડીને ગયેલા અફઘાનોનો સંપર્ક કરશે જેથી કરીને તેમના વતન પરત ફરવાનો માર્ગ ખોલી શકાય. તમને જણાવી દઈએ કે, ગયા વર્ષે ઓગસ્ટમાં તાલિબાન દ્વારા અફઘાનિસ્તાન પર કબજો કર્યા બાદ મોટી સંખ્યામાં લોકોએ અફઘાનિસ્તાન છોડી દીધું હતું.
તાલિબાનના કબજા બાદ કાબુલ યુનિવર્સિટી પ્રથમ વખત ખુલી છે
અગાઉ, કાબુલ યુનિવર્સિટી, અફઘાનિસ્તાનની સૌથી જૂની અને સૌથી પ્રતિષ્ઠિત ઉચ્ચ શૈક્ષણિક સંસ્થાઓમાંની એક, તાલિબાનોએ દેશ પર કબજો મેળવ્યાના છ મહિના પછી, શનિવારે ફરીથી ખોલવામાં આવી છે. જોકે, વિદ્યાર્થીઓને વર્ગોમાં અલગથી બેસવાનું કહેવામાં આવ્યું હતું. તેમજ વિદ્યાર્થીનીઓ માટે ઇસ્લામિક ડ્રેસ ફરજીયાત કરવામાં આવ્યો છે. હિજાબ પહેરેલી કેટલીય છોકરીઓ યુનિવર્સિટીના પ્રવેશદ્વારની બહાર કતારમાં ઊભી હતી.
ઓગસ્ટમાં તાલિબાન સત્તામાં આવ્યા પછી અચાનક બંધ થયેલા વર્ગોને પુનઃસ્થાપિત કરવા વિદ્યાર્થીઓ આતુર હતા. તાલિબાન સૈનિકો યુનિવર્સિટી કેમ્પસના ત્રણ પ્રવેશદ્વારની સુરક્ષા કરી રહ્યા હતા.પ્રાપ્ત માહિતી અનુસાર, દેશમાંથી પ્રથમ વખત કોઈ ભારતીય વેપારીએ પાકિસ્તાન અને અફઘાનિસ્તાન થઈને ઉઝબેકિસ્તાનમાં કોમર્શિયલ સામાનની નિકાસ કરી છે. ચાર દેશોને જોડતો આ ઐતિહાસિક વેપાર વ્યવહાર છે.
આ પણ વાંચો: GATE 2022 Answer Key 2022: IIT ખડગપુરે GATE પરીક્ષાની ફાઈનલ આન્સર કી થઈ જાહેર, આ રીતે કરો ચેક
આ પણ વાંચો: Pakistan: PM ઈમરાન ખાનની ખુરશીના પાયા હલ્યા, પાર્ટીના 15 સહયોગી છોડી શકે છે ઈમરાનનો સાથ