VIDEO: વ્હાઇટ હાઉસ પાસે ટ્રકે મારી ટક્કર, નાઝી ધ્વજ સાથે ભારતીય મૂળના વ્યક્તિની ધરપકડ, કહ્યું- બાઇડેનને મારવાનો હતો હેતુ

White Houseની સામેના પાર્કમાં આ વ્યક્તિએ ઇરાદાપૂર્વક U-Haulના ટ્રકે બેરિયર સાથે અથડાવી હતી અકસ્માત કરવાના આરોપસર પોલીસે મિસૌરીમાંથી એક વ્યક્તિની ધરપકડ કરી છે. સિક્રેટ સર્વિસે એક નિવેદનમાં જણાવ્યું હતું કે ટ્રક ડ્રાઈવર સોમવારે રાત્રે લગભગ 10 વાગ્યે લાફાયેટ સ્ક્વેરની ઉત્તર બાજુના બેરિયરમાં અથડાયો હતો. આરોપીની ઓળખ ભારતીય મૂળના સાઈ વર્ષિત કંડુલા તરીકે થઈ છે, જેની પાસેથી પોલીસે હિટલરની પાર્ટીનો નાઝી ઝંડો જપ્ત કર્યો છે.

સમાચાર એજન્સી એપીના જણાવ્યા અનુસાર, આ બાબતથી પરિચિત બે લોકોએ જણાવ્યું હતું કે અકસ્માત પછી, કંડુલા નાઝી ધ્વજ સાથે ટ્રકમાંથી બહાર નીકળી અને પોલીસ અને સિક્રેટ સર્વિસના અધિકારીઓ નજીક આવતાં જ બૂમો પાડવા લાગી. જ્યારે તપાસકર્તાઓએ તેની પૂછપરછ કરી, ત્યારે કંડુલાએ જણાવ્યું કે તેણે સરકાર પર નિયંત્રણ મેળવીને અમેરિકી રાષ્ટ્રપતિ જો બાઇડેનની હત્યા કરવાના ઉદ્દેશ્યથી ટ્રકને ટક્કર મારી હતી.

આ પણ વાંચો : શું અમેરિકા દેવાળું ફુકશે ! કેવી રીતે ટળશે સંકટના વાદળો, જાણો ભારત પર શું અસર થશે ?

સિક્રેટ સર્વિસે એક નિવેદનમાં જણાવ્યું હતું કે 19 વર્ષીય કંડુલાએ વર્જિનિયાના યુ-હોલથી ટ્રક ભાડે લીધી હતી અને તેની પાસે માન્ય ટ્રક ભાડા કરાર હતો. યુ-હોલથી ટ્રક ભાડે લેવા માટે લોકોની ઉંમર 18 વર્ષ હોવી આવશ્યક છે, કંપનીના જણાવ્યા અનુસાર, તેણે ટ્રક ભાડે આપવા માટેના નિયમોનું પાલન કર્યું છે.એક પ્રત્યક્ષદર્શી, જણાવ્યું હતું કે ડ્રાઇવરે ઓછામાં ઓછા બે વાર બેરિયરને ટક્કર મારી હતી.

વોશિંગ્ટનમાં રહેતો 25 વર્ષીય પાઈલટ ઝાબોઝી, લાફાયેટ સ્ક્વેર પાસે રન પૂરો કરી રહ્યો હતો ત્યારે તેણે બેરિયરને અથડાતા યુ-હોલ ટ્રકનો અવાજ સાંભળ્યો. તેણે કહ્યું કે તેણે પોતાનો ફોન કાઢ્યો અને સાયરન વાગતા પહેલા ટ્રક ફરી બેરિયર સાથે અથડાયો તે ક્ષણ કેમેરામાં કેદ કરી લીધી. અકસ્માત બાદ, સિક્રેટ સર્વિસ અને મેટ્રોપોલિટન પોલીસ વિભાગના અધિકારીઓએ ટ્રકની તલાશી લીધી હતી. જે બાદ તેણે ટ્રકમાંથી નાઝી ધ્વજ મેળ્યો હતો.

આંતરરાષ્ટ્રીય તમામ સમાચાર વાંચવા માટે અહીં ક્લિક કરો