ઇઝરાયેલની સેનાએ લેબનીઝ સરહદ નજીક ખેતરો અને રસ્તાઓ પર સર્ચ ઓપરેશન ચલાવતા સૈનિકોનો વીડિયો જાહેર કર્યો છે. આ વીડિયો એક મોટી જાહેરાત બાદ બહાર પાડવામાં આવ્યો હતો, જેમાં દાવો કરવામાં આવ્યો હતો કે ઇઝરાયેલી સેનાએ આ સપ્તાહની શરૂઆતમાં દેશના ઉત્તરીય ક્ષેત્રમાં વિસ્ફોટક પટ્ટો પહેરેલા એક શકમંદને મારી નાખ્યો હતો. આ દાવાની સાથે એવી આશંકા વ્યક્ત કરવામાં આવી રહી છે કે આ મામલો લેબેનોનના હિઝબુલ્લાહ આંદોલન સાથે પણ જોડાયેલો હોઈ શકે છે. આંતરરાષ્ટ્રીય સમાચાર અહીં વાંચો.
હાઇફાથી લગભગ 35 કિલોમીટર (22 માઇલ) દૂર મેગિદ્દો જંકશન પર વિસ્ફોટક ઉપકરણ વિસ્ફોટ થયા પછી ઉત્તર ઇઝરાયેલમાં સ્થાપિત સરહદ ક્રોસિંગ પર કારમાં એક શંકાસ્પદને અટકાવવામાં આવ્યો હતો. આ ઘટના બાદ લેબનોન અને ઈઝરાયેલ વચ્ચે તણાવ વધી ગયો છે.
ઇઝરાયેલના વડાપ્રધાન બેન્જામિન નેતન્યાહુને લેબનોન સાથેની સરહદ પર તણાવના કારણે જર્મનીની બે દિવસની મુલાકાત ઘટાડવાની ફરજ પડી છે. તેમની ઓફિસે કહ્યું છે કે નેતન્યાહુ ગુરુવારે મોડી રાત્રે જર્મનીથી પરત ફરશે.
ઇઝરાયેલી સેનાએ વીડિયો જાહેર કર્યો હતો, જેમાં પ્રદર્શિત થયું છેકે સૈનિકોએ સોમવારે લેબનોનથી ઇઝરાયેલમાં પ્રવેશ્યા બાદ કારને ઉડાવી દેવાની શંકાસ્પદ સશસ્ત્ર વ્યક્તિને મારી નાખ્યો હતો. ઇઝરાયેલના ઉત્તરમાં મેગિદ્દો જંકશન નજીક રસ્તાની બાજુમાં થયેલા વિસ્ફોટના થોડા સમય બાદ આ બન્યું હતું, જેમાં ડ્રાઇવરને ગંભીર ઇજા પહોંચી હતી. સેનાએ જણાવ્યું કે વિસ્ફોટ બાદ સૈનિકોએ શંકાસ્પદની કારને ચેકપોઇન્ટ પર રોકી હતી.
સેનાએ કહ્યું કે કારમાં સવાર શંકાસ્પદ વ્યક્તિએ આત્મઘાતી વેસ્ટ પહેર્યો હતો, અને તેની પાસે રાઈફલ અને હેન્ડગન હતી. તેમાં કહેવામાં આવ્યું છે કે સૈનિકોએ તે વ્યક્તિને ગોળી મારી હતી. અને કારના ડ્રાઈવરની પૂછપરછ કરવામાં આવી રહી છે. સૈન્યએ જણાવ્યું હતું કે વિસ્ફોટ 90-ડિગ્રીના ખૂણા પર થતાં વિસ્તાર માટે વિસ્ફોટ કરનાર ઉપકરણ અસામાન્ય હતું. આનાથી અધિકારીઓને શંકા થઈ કે તે વ્યક્તિ લેબનીઝ બાજુથી ઘૂસણખોરી કરી હતી અને તે હિઝબુલ્લાહ સાથે જોડાયેલો હોઈ શકે છે.
ઇઝરાયેલ અને હિઝબુલ્લાહ કટ્ટર દુશ્મનો છે જેમણે 2006ના ઉનાળામાં એક મહિના સુધી યુદ્ધ લડ્યું હતું. ઈઝરાયેલ આ ઈરાન સમર્થિત શિયા આતંકવાદી જૂથને પોતાનો સૌથી મોટો ખતરો માને છે. બેરૂતમાં હિઝબોલ્લાના પ્રવક્તાએ એસોસિએટેડ પ્રેસની ટિપ્પણી માટેની વિનંતીનો તરત જ જવાબ આપ્યો ન હતો.
(ઇનપુટ-ભાષાંતર)