સાઉદ અરેબિયાની (Saudi Arabia)એક મહિલાને રિટ્વિટ (Retweet) કરવા બદલ 34 વર્ષની જેલની સજા ફટકારવામાં આવી છે. લીડ્સ યુનિવર્સિટીમાં અભ્યાસ કરતી સાઉદી વિદ્યાર્થી સલમા અલ-શહાબ (Salma al-Shebab) રજા પર ઘરે આવી હતી,જે દરમિાન તેને 34 વર્ષની જેલની સજા ફટકારવામાં આવી છે. એવો આરોપ છે કે તેમનું ટ્વિટર પર એકાઉન્ટ છે અને તેના પર વિરોધીઓને ફોલો કરવાનો અને તેમના ટ્વીટને રીટ્વીટ કરવાનો આરોપ છ. તમને જણાવી દઈએ કે, સાઉદીની વિશેષ આતંકવાદી અદાલતે સલમાને આ સજા સંભળાવી હતી.
આ કેસ એનું ઉદાહરણ છે કે કેવી રીતે ક્રાઉન પ્રિન્સ મોહમ્મદ બિન સલમાને તેમના દમન અભિયાનમાં ટ્વિટર વપરાશકર્તાઓને નિશાન બનાવ્યા છે, તેમજ સાઉદીના સાર્વભૌમ સંપત્તિ ભંડોળ અને પબ્લિક ઇન્વેસ્ટમેન્ટ ફંડ (PIF)ના માધ્યમથી આ અમેરિકન સોશિયલ મીડિયા કંપનીમા (Social media) એક પ્રમુખ અપ્રત્યક્ષ રીતે નિયંત્રિત કરી રહી છે.
મહત્વનું છે કે, 34 વર્ષની સલમા બે બાળકોની માતા છે. તેને અગાઉ ઈન્ટરનેટના (Internet) ઉપયોગ બદલ 3 વર્ષની સજા થઈ ચૂકી છે. તેમના પર જાહેર અશાંતિ ફેલાવવાનો અને નાગરિક અને રાષ્ટ્રીય સુરક્ષાને અસ્થિર કરવાનો આરોપ હતો. હવે 34 વર્ષની સજા સાથે તેના અન્ય દેશોના પ્રવાસ પર પણ પ્રતિબંધ લગાવી દેવામાં આવ્યો છે. એવું કહેવાય છે કે તે તેના ટ્વિટર એકાઉન્ટ્સ દ્વારા જાહેર અશાંતિ ફેલાવવા અને નાગરિક અને રાષ્ટ્રીય સુરક્ષાને ડામાડોળ કરવા માગતા લોકોની મદદ કરી રહી હતી. માનવામાં આવે છે કે સલમા આ કેસમાં નવી અપીલની માગ કરી શકે છે.
સલમાના સોશિયલ મીડિયા એકાઉન્ટ્સ વિશે વાત કરીએ તો, ટ્વિટર પર તેના 2500 થી વધુ ફોલોઅર્સ છે.તેમણે સાઉદી એક્ટિવિસ્ટનો (Saudi Activist) પ્રચાર કરી રહી છે અને તેનું નેતૃત્વ કરી રહી હોવાના આરોપોને ફગાવ્યા છે.ઈન્સ્ટાગ્રામ પર તેણે પોતાને ડેન્ટલ હાઈજિનિસ્ટ, મેડિકલ એજ્યુકેટર, PAD સ્ટુડન્ટ તરીકે પોતાની ઓળખ બતાવી છે. તમને જણાવવું રહ્યું કે તે પ્રિન્સેસ નૂરા બિંત અબ્દુલ રહેમાન યુનિવર્સિટીમાં લેક્ચરર પણ છે.ત્યારે હાલ સલમાને એક રિટ્વિટને કારણે 34 વર્ષની સજા ભોગવવી પડશે.