Russia-Ukraine War: યુક્રેનને મળશે 800 મિલિયન ડોલરના શસ્ત્રો, ગુપ્ત માહિતી પણ શેર કરી રહ્યા છીએ: બાઈડેન
એપ્રિલની શરૂઆતમાં યુક્રેનને (Ukraine) આપવામાં આવેલી યુએસ સૈન્ય સહાયમાં 800 મિલિયન ડોલર અને માર્ચમાં યુક્રેનને 13.6 અબજ ડોલરની સૈન્ય અને માનવતાવાદી સહાય બાદ આ સહાય કરવામાં આવી છે.
અમેરિકી રાષ્ટ્રપતિ જો બાઈડેને (Joe Biden) ગુરુવારે જણાવ્યું હતું કે અમેરિકા રશિયાથી (Russia) સંરક્ષણ માટે યુક્રેનને (Ukraine) વધારાની 800 મિલિયન ડોલરની સૈન્ય સહાય મોકલી રહ્યું છે. એમ પણ કહ્યું કે અમે ગુપ્તચર માહિતી પણ શેર કરી રહ્યા છીએ. આ સિવાય જો બાઈડેન કોંગ્રેસ પાસે યુક્રેન માટે શસ્ત્રો, દારૂગોળો વગેરે માટે વધુ નાણાંની માગ કરશે, કારણ કે વર્તમાન રકમ લગભગ ખતમ થઈ ગઈ છે. એપ્રિલની શરૂઆતમાં યુક્રેનને યુએસ સૈન્ય સહાયમાં 80 કરોડ ડોલર અને માર્ચમાં યુક્રેનને 13.6 અબજ ડોલરની સૈન્ય અને માનવતાવાદી સહાય બાદ આ સહાય કરવામાં આવી છે.
આ ઉપરાંત, યુએસ યુક્રેનને 50 કરોડ ડોલરની વધારાની નાણાકીય સહાય આપશે, જેથી યુક્રેન તેના કર્મચારીઓને પગાર અને પેન્શન ચૂકવી શકે અને અન્ય સરકારી યોજનાઓ ચાલુ રાખી શકે. નાણા મંત્રાલયના એક અધિકારીએ આ માહિતી આપી. જોકે અમેરિકાએ આ અંગે કોઈ જાહેર જાહેરાત કરી નથી. નાણા પ્રધાન જેનેટ યેલેન યુક્રેનના મંત્રી ડેનિસ સિમ્હાલ સાથે મુલાકાત કરવાના છે. આ સાથે જ ડેપ્યુટી મિનિસ્ટર વૈલી એડેમો અને યુક્રેનના નાણા મંત્રી સેરહી માર્ચેન્કો મુલાકાત કરવા જઈ રહ્યા છે.
બાઈડને યુક્રેન માટે નવી સૈન્ય સહાયમાં 80 કરોડ ડોલર મંજૂર કર્યા
આ મહિનાની શરૂઆતમાં, 14 એપ્રિલના રોજ, યુએસ પ્રમુખ જો બાઈડને કિવ માટે 80 કરોડ ડોલરની નવી સૈન્ય સહાયને મંજૂરી આપી હતી. જેમાં વધારાના હેલિકોપ્ટર અને અમેરિકન તોપો સામેલ છે. યુક્રેનના રાષ્ટ્રપતિ ઝેલેન્સકીએ આ મદદ માટે આભાર માન્યો હતો. નવી સહાયમાં બખ્તરબંધ વાહનો, દરિયાકાંઠાની સુરક્ષા માટે નૌકાદળ દ્વારા ઉપયોગમાં લેવાતા ડ્રોન જહાજો, રાસાયણિક, જૈવિક, પરમાણુ યુદ્ધ અને કિરણોત્સર્ગની સ્થિતિમાં સૈનિકોની સુરક્ષા માટેના કપડાંનો પણ સમાવેશ થાય છે.
બાઈડને કહ્યું કે આ સહાય પેકેજમાં ઘણી અત્યંત અસરકારક શસ્ત્ર પ્રણાલીઓનો પણ સમાવેશ થાય છે, જે હુમલા પહેલા પ્રદાન કરવામાં આવી હતી અને નવી ક્ષમતા પૂર્વી યુક્રેનમાં સંભવિત રશિયન હુમલાનો સામનો કરવામાં મદદરૂપ થશે. એ પણ કહ્યું કે યુએસ અને તેના સાથી દેશો દ્વારા યુક્રેનને જે પુરવઠો કરવામાં આવી રહ્યો છે તે રશિયન આક્રમણ સામેની લડાઈમાં યુક્રેનના અસ્તિત્વ માટે મહત્વપૂર્ણ છે.
બાઈડને કહ્યું કે તે સુનિશ્ચિત કરવામાં મદદ કરશે કે રશિયન રાષ્ટ્રપતિ વ્લાદિમીર પુતિન તેની શરૂઆતની લડાઇમાં નિષ્ફળ જાય, જેનો હેતુ યુક્રેનને કબજે કરવાનો અને તેને નિયંત્રિત કરવાનો છે. યુક્રેનના રાષ્ટ્રપતિ ઝેલેન્સ્કી સાથે બાઈડનની વાતચીત બાદ નવી સૈન્ય સહાયની જાહેરાત કરવામાં આવી હતી. 24 ફેબ્રુઆરીના રોજ યુક્રેન પર રશિયન હુમલા બાદ જાહેર કરવામાં આવેલી 2.6 બિલિયન ડોલરની કુલ સહાયના ભાગરૂપે યુએસ દ્વારા આ સહાય આપવામાં આવી હતી.
આ પણ વાંચો : બોરિસ જોન્સને રશિયા-ભારત સંબંધોને ‘અલગ અને ઐતિહાસિક’ ગણાવ્યા, કહ્યું- આ અંગે પીએમ મોદી સાથે કરીશ વાત