Russia Ukraine War Updates: વડાપ્રધાન મોદીએ રાષ્ટ્રપતિ પુતિન સાથે કરી વાત, ભારતીય નાગરિકો પર ચિંતા વ્યક્ત કરી

વિદેશ મંત્રી એસ. જયશંકરે સ્લોવાકિયાના વિદેશ મંત્રી ઇવાન કોર્કો સાથે વાત કરી હતી. વિદેશ મંત્રીએ કહ્યું, “યુક્રેનની સ્થિતિ પર ચર્ચા થઈ. સ્લોવાકિયા દ્વારા ભારતીય નાગરિકોને બહાર કાઢવા માટે આપવામાં આવેલી સુવિધા માટે તેમની પ્રશંસા કરવામાં આવી હતી.”

ત્રીજા વિશ્વયુદ્ધનો ખતરો વિશ્વમાં દરેક ક્ષણે મંડરાઈ રહ્યો છે. દરમિયાન, યુક્રેનના રાષ્ટ્રપતિનું કહેવું છે કે રશિયન સેનાએ ચેરનોબિલના પરમાણુ પ્લાન્ટ પર કબજો કરી લીધો છે.

દક્ષિણ યુક્રેન વિસ્તારમાં રશિયાના હુમલામાં 13 નાગરિકો માર્યા ગયા છે, જ્યારે 9 સૈનિકો માર્યા ગયા છે. અહીં હુમલાના કારણે ઘણા દેશો રશિયા પર પ્રતિબંધો લગાવી રહ્યા છે. બ્રિટિશ વડાપ્રધાન બોરિસ જોન્સને સંસદમાં યુક્રેન પર એક નિવેદનમાં જણાવ્યું હતું કે રશિયન બેંકોને પ્રતિબંધો હેઠળ લંડનની નાણાકીય વ્યવસ્થામાંથી બહાર રાખવામાં આવશે.

વડાપ્રધાન નરેન્દ્ર મોદીએ રશિયાના રાષ્ટ્રપતિ વ્લાદિમીર પુતિન સાથે વાત કરી હતી. રાષ્ટ્રપતિ પુતિને યુક્રેનને લગતી તાજેતરની ઘટનાઓ અંગે વડાપ્રધાનને માહિતી આપી હતી. પીએમએ તેમની લાંબા સમયથી ચાલતા વિશ્વાસનો પુનરોચ્ચાર કર્યો હતો કે રશિયા અને નાટો વચ્ચેના મતભેદો માત્ર પ્રામાણિક અને ગંભીર વાતચીત દ્વારા જ ઉકેલી શકાય છે. પીએમઓએ આ જાણકારી આપી છે.

ભારતના વિદેશ સચિવ હર્ષ વી શ્રૃંગલાએ કહ્યું કે યુકે, યુએસ, ઓસ્ટ્રેલિયા, જાપાન વગેરે દ્વારા રશિયા પર કેટલાક પ્રતિબંધો લાદવામાં આવ્યા છે. આપણે જોવું પડશે કે આ પ્રતિબંધો આપણા હિતોને કેવી અસર કરશે. તે સ્વીકારવું પડશે કે કોઈપણ પ્રતિબંધો આપણા સંબંધો પર અસર કરશે. વિદેશ મંત્રી ડૉ. એસ. જયશંકર આજે યુક્રેનના વિદેશ મંત્રી સાથે વાત કરે તેવી અપેક્ષા છે.

ભારતના વિદેશ સચિવ હર્ષ વી શ્રિંગલાએ કહ્યું કે,વડાપ્રધાન નરેન્દ્ર મોદી ટૂંક સમયમાં રશિયાના રાષ્ટ્રપતિ વ્લાદિમીર પુતિન સાથે વાત કરશે. બેઠકમાં PM મોદીએ કહ્યુ છે કે, યુક્રેનમાં વિદ્યાર્થીઓ સહિત ભારતીય નાગરિકોની સુરક્ષા સરકારની સર્વોચ્ચ પ્રાથમિકતા છે.

યુક્રેન-રશિયા મામલામાં સર્વપક્ષીય બેઠક બોલાવવાના પ્રશ્ન પર કોંગ્રેસના નેતા સલમાન ખુર્શીદે કહ્યું,’સરકારે આ મામલે વિચારણા કરવી જોઈએ.આપણામાંથી બહુ ઓછાને આંતરરાષ્ટ્રીય સંબંધોનું જ્ઞાન છે. સરકારે રાજકીય પક્ષો સાથે વાત કરવી જોઈએ અને સમર્થન મેળવવું જોઈએ કારણ કે અમને આ મામલે બહુ ખબર નથી.’

યુક્રેન પર રશિયાના હુમલા તેજ થઈ રહ્યા છે.ફાઈટર જેટ હુમલાથી લોકો ડરી ગયા છે.જો કે યુક્રેનના રાષ્ટ્રપતિ વોલોડીમિર ઝેલેન્સકીએ દેશમાં ‘માર્શલ લો’ જાહેર કર્યો છે. આ દરમિયાન રશિયન સેનાએ ન્યુક્લિયર ફેસિલિટીમાં ઘુસ્યા હોવાનો દાવો કરવામાં આવ્યો છે.યુક્રેનની સેનાનુ કહેવુ છે કે કિવ નજીકના એરબેઝ માટે લડાઈ ચાલુ છે.

યુક્રેનમાં ભારતીય દૂતાવાસે કિવમાં દૂતાવાસની નજીકની એક શાળામાં 200 થી વધુ ભારતીય વિદ્યાર્થીઓને એકઠા કર્યા છે.

રશિયા-યુક્રેન સંકટના પગલે ચાના ઉત્પાદકો અને નિકાસકારો ચિંતિત છે, કારણ કે રશિયા ભારતીય ચાનો બીજો સૌથી મોટો આયાતકાર દેશ છે.ગુરુવારે યુક્રેન પર રશિયાના હુમલા પછી પશ્ચિમી પ્રતિબંધો અને ડોલરની ચૂકવણીમાં વિક્ષેપ થવાને કારણે ફટકો પડવાની ધારણા છે. ભારતીય ચા સંઘના નયનતારા પાલચૌધરીએ જણાવ્યુ હતુ કે,”ભારતીય ચા માટે રશિયન બજાર ખૂબ જ મહત્વપૂર્ણ છે કારણ કે ઇરાનમાં નિકાસમાં ચૂકવણીની સમસ્યાઓ છે. ભારતની ચાની નિકાસમાં રશિયાનો હિસ્સો 18 ટકા જેટલો છે.”વધુમાં
તેમણે કહ્યું કે, સંઘર્ષની સ્થિતિમાં અને અમેરિકા દ્વારા પ્રતિબંધો લાદવાની શક્યતાના કારણે આગામી સત્રમાં રશિયાની નિકાસને અસર થશે.

રશિયાએ ગુરુવારે સવારે યુક્રેન પર હુમલો કર્યો હતો. તાજેતરની માહિતી અનુસાર, યુક્રેન પર અત્યાર સુધીમાં 203 હુમલા કરવામાં આવ્યા છે.તમને જણાવી દઈએ કે, યુક્રેનની બોર્ડર ગાર્ડ કમિટીએ ક્રિમીઆની સરહદ ચોકી પાર કરતા રશિયન સૈન્ય ઉપકરણોની CCTV તસવીરો જાહેર કરી છે.

ફ્રાન્સના રાષ્ટ્રપતિ ઈમેન્યુઅલ મેક્રોનનું કહેવું છે કે, યુક્રેન પર રશિયાનો હુમલો યુરોપિયન ઈતિહાસમાં “ટર્નિંગ પોઈન્ટ” છે. તેમણે કહ્યું કે, આ હુમલાના “અમારા જીવન માટે ઊંડા, કાયમી પરિણામો” હશે.

યુક્રેનનું એક લશ્કરી વિમાન ક્રેશ થયું છે, જેમાં 14 લોકો સવાર હતા. આ વિમાન યુક્રેનની રાજધાની કિવ પાસે ક્રેશ થયું છે.

રશિયાએ ગુરુવારે યુક્રેન પર હુમલો કર્યો હતો. આ હુમલા બાદ ઘણા દેશો યુક્રેનના સમર્થનમાં આવ્યા છે. દરમિયાન વડાપ્રધાન નરેન્દ્ર મોદી દિવસ દરમિયાન ચૂંટણી સભાઓને સંબોધ્યા બાદ સાંજે દિલ્હી પહોંચી ગયા છે. એવું કહેવામાં આવી રહ્યું છે કે, પીએમ યુક્રેન મુદ્દે ઉચ્ચ સ્તરીય બેઠક કરી શકે છે. આ બેઠકમાં વરિષ્ઠ મંત્રીઓની સાથે રાષ્ટ્રીય સુરક્ષા સલાહકાર, વડાપ્રધાન કાર્યાલયના અધિકારીઓ અને વિદેશ મંત્રાલયના ઉચ્ચ અધિકારીઓ પણ હાજર રહેશે.

યુક્રેનમાં ભારતીય દૂતાવાસ તેની ત્રીજી એડવાઈઝરીમાં ભારતીય નાગરિકોને જો તેઓ એવા સ્થાનો પર હોય જ્યાં એર સાયરન/બોમ્બની ચેતવણીઓ સંભળાય તો બોમ્બ શેલ્ટરો તરફ જવા માટે કહેવામાં આવ્યું છે.

યુકેના પીએમ બોરિસ જોન્સને કહ્યું છે કે, દુખની આ ઘડીમાં હું યુક્રેનના લોકોને કહું છું કે, અમે તમારી સાથે છીએ. અમે તમારા અને તમારા પરિવાર માટે પ્રાર્થના કરીએ છીએ, અમે તમારી પડખે છીએ. હું બ્રિટિશ લોકોને કહું છું કે, અમે અમારા દેશને સુરક્ષિત રાખવા માટે બધું જ કરીશું. સાથે જ તેમણે એમ પણ કહ્યું છે કે, આજે અમારા સહયોગીઓ સાથે અમે રશિયન અર્થવ્યવસ્થા માટે તૈયાર કરવામાં આવેલા આર્થિક પ્રતિબંધોના મોટા પેકેજ પર સહમત થઈશું. આપણે સામૂહિક રીતે રશિયન તેલ અને ગેસ પરની આપણી નિર્ભરતા ઘટાડવી જોઈએ, જેના દ્વારા પુતિને પશ્ચિમી રાજકારણ પર લાંબા સમયથી પકડ જમાવી છે.

નાટો સેક્રેટરી જનરલે કહ્યું છે કે, નાટો યુક્રેન સાથે છે. યુરોપિયન યુનિયન અને વિશ્વભરના અન્ય સહયોગી દેશો સાથે સંકલનમાં નાટો રશિયા પર ગંભીર આર્થિક પ્રતિબંધો લાદશે.

સંરક્ષણ પ્રધાન રાજનાથ સિંહે કહ્યું કે, સરકાર વિદ્યાર્થીઓ સહિત આપણા નાગરિકોને પરત લાવવા માટે તમામ પગલાં લઈ રહી છે. ભારત ઇચ્છે છે કે શાંતિ પ્રવર્તે અને યુદ્ધને પ્રોત્સાહન આપતી કોઇપણ પરિસ્થિતિ ઊભી ન થાય.

નાટોના સેક્રેટરી જનરલ જેન્સ સ્ટોલ્ટનબર્ગે કહ્યું, “નાટો યુક્રેનમાં રશિયાના આક્રમણની સખત નિંદા કરે છે. અમે રશિયાને તાત્કાલિક લશ્કરી કાર્યવાહી બંધ કરવા અને યુક્રેનમાંથી ખસી જવાની હાકલ કરીએ છીએ. લોકશાહી હંમેશા નિરંકુશતા પર જીતશે. સ્વતંત્રતા હંમેશા જુલમ પર વિજય મેળવશે. અમારી પાસે અમારી એરસ્પેસને બચાવવા માટે 100 થી વધુ જેટ અને ઉત્તરથી ભૂમધ્ય સમુદ્રમાં 120 થી વધુ જહાજો છે. ગઠબંધન (યુક્રેન)ને આક્રમકતા (રશિયા)થી બચાવવા માટે અમે જે પણ જરૂરી હશે તે કરીશું. આગળની સ્થિતિ અંગે ચર્ચા કરવા માટે નાટોના નેતાઓ આવતીકાલે મળશે.

(ફોટો-ANI)

નાટો સેક્રેટરી જનરલે કહ્યું છે કે, નાટો યુક્રેન સાથે છે. યુક્રેન પરના તેમના અવિચારી આક્રમણ માટે નાટોના સહયોગીઓ રશિયા પર ભારે ખર્ચ લાદી રહ્યા છે. સમગ્ર વિશ્વમાં EU અને અન્ય ભાગીદારો સાથે ગાઢ સંકલનમાં નાટો સહયોગીઓ હવે રશિયા પર ગંભીર આર્થિક પ્રતિબંધો લાદી રહ્યા છે.

યુક્રેનની રાજધાની કિવમાં રક્ષા મંત્રાલયના યુનિટમાં ધુમાડો નીકળતો જોવા મળી રહ્યો છે. જે વીડિયોમાં સ્પષ્ટ જોઈ શકાય છે.

યુક્રેન પર રશિયન આક્રમણને લઈને નાટો શુક્રવારે વીડિયો સમિટ યોજશે. તે જ સમયે, જર્મન ચાન્સેલર ઓલાફ શોલ્ઝને યુક્રેન પર આક્રમણને લઈને રવિવારે સંસદની ઈમરજન્સી બેઠક બોલાવી છે. તેમણે કહ્યું કે પુતિન “યુરોપમાં શાંતિને જોખમમાં મૂકે છે”.

વિદેશ મંત્રાલય યુક્રેનમાંથી વિદ્યાર્થીઓ સહિત લગભગ 18,000 ભારતીયોને પરત લાવવા માટે પગલાં લઈ રહ્યું છે. યુક્રેનમાં એરસ્પેસ બંધ હોવાથી ભારતીય નાગરિકોને બહાર કાઢવા માટે વૈકલ્પિક વ્યવસ્થા કરવામાં આવી રહી છે. કેન્દ્ર સરકાર તમામ ભારતીયોની સુરક્ષા સુનિશ્ચિત કરશે. આ માહિતી વિદેશ રાજ્ય મંત્રી વી. મુરલીધરને આપી છે.

ફ્રાન્સના રાષ્ટ્રપતિ ઇમેન્યુઅલ મેક્રોને યુક્રેન પર રશિયાના હુમલાને લઈને “શક્ય તેટલી વહેલી તકે” નાટો સમિટ બોલાવાની હાકલ કરી છે.

યુક્રેનમાં ભારતીય રાજદૂતે કહ્યું છે કે, કિવમાં દૂતાવાસ ખુલ્લું છે અને કાર્યરત છે. અમે આ મુશ્કેલ પરિસ્થિતિનો ઉકેલ શોધવા માટે મિશન મોડ પર કામ કરી રહ્યા છીએ.

એએફપીએ યુક્રેનિયન સરહદ રક્ષકોને ટાંકીને માહિતી આપી છે, યુક્રેનનો નકશો મુખ્ય શહેરો જ્યાં વિસ્ફોટો થયા હતા અને રશિયન દળોએ જે પ્રદેશોમાં પ્રવેશ કર્યો હતો તે સ્થાનો.

રશિયા-યુક્રેન સંકટ પર નેપાળે બંને દેશો વચ્ચે તણાવ ન વધે તે માટે તમામ પક્ષોને સંયમ રાખવાની અપીલ કરી છે. હકીકતમાં, રશિયાએ ગુરુવારે યુક્રેન પર હુમલો કર્યો હતો, જે પછી તેના 40 સૈનિકો માર્યા ગયા હતા અને 10 નાગરિકો માર્યા ગયા હતા.

યુક્રેનમાં વર્તમાન અનિશ્ચિતતાઓ અને તણાવને ધ્યાનમાં રાખીને, હરિયાણામાં વિદેશી સહકાર વિભાગ દ્વારા એક કંટ્રોલ રૂમની સ્થાપના કરવામાં આવી છે, જેને WhatsApp દ્વારા સંપર્ક કરવા માટે એક નંબર આપવામાં આવ્યો છે, જે 919212314595 છે. સાથે સાથે contactusatfcd@gmail.com પર મેઈલ કરીને પણ સંપર્ક કરી શકાય છે. હરિયાણા સરકારે આ માહિતી આપી છે.

યુક્રેનના રાષ્ટ્રપતિ વોલોદિમિર ઝેલેન્સકીએ ટ્વીટ કર્યું કે, જે લોકો દેશની રક્ષા કરવા માંગે છે તેમને અમે હથિયાર પણ આપીશું. તે જ સમયે, અમે પ્રાદેશિક સંરક્ષણના ભાગ રૂપે હાથમાં હથિયારો સાથે આપણા દેશની રક્ષા કરવા તૈયાર હોય તેવા તમામ નાગરિકો પરના પ્રતિબંધો દૂર કરીશું.

કોંગ્રેસના વરિષ્ઠ નેતા મનીષ તિવારીએ કહ્યું કે, ભારત સરકારે ‘યુક્રેન પર રશિયન આક્રમણ’ની સ્પષ્ટ નિંદા કરવી જોઈએ અને આ વખતે ભૂતકાળમાં સોવિયેત સંઘ દ્વારા અનેક દેશો પર હુમલો કરવામાં આવ્યો ત્યારે તેની નિંદા ન કરીને જે ભૂલ કરવામાં આવી હતી તે આ વખતે ન કરવી જોઈએ. પાર્ટીના અન્ય એક વરિષ્ઠ નેતા શશિ થરૂરે કહ્યું કે, ભારત સરકારે રશિયાને યુક્રેનમાં તેની કાર્યવાહી રોકવા માટે કહેવું જોઈએ.

રશિયાએ ગુરુવારે યુક્રેન પર હુમલો કરતા દાવો કર્યો હતો કે, ઓછામાં ઓછા 40 યુક્રેનિયન સૈનિકો માર્યા ગયા છે. આ દરમિયાન યુક્રેને રશિયા સાથે રાજદ્વારી સંબંધો તોડી નાખ્યા છે. AFP ન્યૂઝ એજન્સીએ યુક્રેનના રાષ્ટ્રપતિ વોલોદિમિર ઝેલેન્સકીને ટાંકીને આ માહિતી આપી છે.

યુક્રેનના રાષ્ટ્રપતિ વોલોદિમિર ઝેલેન્સકીએ કહ્યું કે, યુક્રેન રશિયાને શરણે નહીં જાય. અમે રશિયા સામે ઝૂકીશું નહીં. તેમણે કહ્યું કે, અમારી સેના રશિયાને જડબાતોડ જવાબ આપી રહી છે.

યુક્રેનના રાષ્ટ્રપતિ વોલોદીમિર ઝેલેન્સ્કી હુમલા બાદ પરિસ્થિતિ પર બેઠક કરી રહ્યા છે.

ક્ષતિગ્રસ્ત ઘર જોતી મહિલા

રશિયન હુમલા વચ્ચે અમેરિકી રાષ્ટ્રપતિ જો બિડેને ઈમરજન્સી બેઠક બોલાવી છે. આ બેઠકમાં વિદેશ મંત્રી, સંરક્ષણ મંત્રી, NSA અને આર્મી ચીફ આપશે હાજરી.

AFPએ યુક્રેનને ટાંકીને જણાવ્યું હતું કે, તેના હુમલામાં લગભગ 50 રશિયનો માર્યા ગયા છે.

યુક્રેનમાં ફસાયેલા ભારતીયો માટે મોટા સમાચાર છે. ભારત સરકાર હવાઈ માર્ગ સિવાય અન્ય વિકલ્પો શોધી રહી છે. તમામ ભારતીયોને પશ્ચિમ યુક્રેનમાં રહેવા અથવા જવાનું કહેવામાં આવ્યું છે. હાલમાં હવાઈ માર્ગ શક્ય નથી. પૂર્વમાં રશિયા, ઉત્તરમાં બેલારુસ અને દક્ષિણમાં બ્લેક સી હોવાથી સ્થિતિ સર્જાઈ રહી હોય તેવું લાગી રહ્યું છે.

રશિયન હુમલા બાદ યુક્રેનની રાજધાની કિવમાંથી મોટી સંખ્યામાં લોકો સલામત સ્થળે જવાનો પ્રયાસ કરી રહ્યા છે, જેના કારણે ત્યાં લાંબો ટ્રાફિક જામ થઈ ગયો છે.

યુક્રેનના સંરક્ષણ પ્રધાન ઓલેકસી રેઝનિકોવે જણાવ્યું હતું કે, જે કોઈ પણ હથિયાર પકડવા માટે તૈયાર અને સક્ષમ છે તે ટેરિટોરિયલ ડિફેન્સ ફોર્સની રેન્કમાં જોડાઈ શકે છે, સમાચાર એજન્સી રોઈટર્સે આ દાવો કર્યો છે.

યુક્રેનમાં ફસાયેલા નાગરિકો માટે ભારતે જાહેર કર્યા હેલ્પલાઈન નંબર, કહ્યું- વૈકલ્પિક વ્યવસ્થા તૈયાર કરવામાં આવી રહી છે.

નવી દિલ્હીમાં ભારતમાં યુક્રેનના રાજદૂત ઇગોર પોલિખાએ ભારતની દરમિયાનગીરીની માંગ કરી છે. રાજદૂતે કહ્યું કે, ભારતના રશિયા સાથે સારા સંબંધો છે. આવી સ્થિતિમાં પીએમ નરેન્દ્ર મોદીએ રશિયન રાષ્ટ્રપતિ પુતિન સાથે વાત કરવી જોઈએ. આ ક્ષેત્રમાં શાંતિ સ્થાપવામાં ભારત મહત્વની ભૂમિકા ભજવી શકે છે. તેમણે કહ્યું કે, અમે 5 રશિયન વિમાનોને તોડી પાડ્યા છે. રાજધાની કિવની આસપાસ હુમલા થયા છે.

યુક્રેનમાં પાટણના 30થી વઘુ વિદ્યાર્થીઓ ફસાયા હોવાની માહિતી મળી છે. આ તમામ વિદ્યાર્થીઓને પોલેન્ડ ખસેડવાની યુક્રેન એમ્બેન્સીએ તૈયારી શરૂ કરી દીધી છે. યુદ્ધીની સ્થિતીને પગલે વિદ્યાર્થીઓની પરીક્ષાઓ હવે ઓનલાઇન કરવાનો પરિપત્ર જાહેર કરી દેવામાં આવ્યો છે. યુક્રેનાં ફસાયેલા ગુજરાતી વિદ્યાર્થીઓએ જણાવ્યું છે કે યુદ્ધ શરૂ થતાં લોકોમાં ભયને માહોલ છે. લોકો જરૂરી ચીજવસ્તુઓ ખરીદવા દોડી રહ્યા છે. કીવ શહેરમાં કરીયાણુ અને ATM સેન્ટરો પર લાંબી કતારો લાગી છે. વિદ્યાર્થીઓ પણ ચિંતામાં છે.

રશિયન સંરક્ષણ મંત્રાલયે દાવો કર્યો હતો કે ગુપ્તચર માહિતી દર્શાવે છે કે યુક્રેનિયન લશ્કરી એકમો અને સૈનિકો મોટાભાગે તેમની સ્થિતિ છોડી રહ્યા છે, તેમના હથિયારો ફેંકી રહ્યા છે. યુક્રેનિયન સૈન્યના એકમોની સ્થિતિ કે જેમણે તેમના શસ્ત્રો મૂક્યા છે તે હુમલાઓને પાત્ર નથી.

રશિયા યુક્રેન હુમલાની ઘટનામાં ભારતીય વિદ્યાર્થીઓ ફસાયા છે.

રશિયન હુમલા બાદ યુક્રેનના લોકોમાં રાજધાની કિવ છોડવા માટે નાસભાગ મચી ગઈ છે. જેના કારણે કિવના રસ્તાઓ ભારે જામ થઈ ગયા છે. દરમિયાન, યુક્રેનની સેન્ટ્રલ બેંકના ગવર્નરે કહ્યું છે કે તેઓ રોકડ મર્યાદા નક્કી કરી રહ્યા છે. આ પછી લોકો તેમના ખાતામાંથી એક દિવસમાં માત્ર 100,000 યુક્રેનિયન રિવનિયા ઉપાડી શકશે.

યુક્રેને ભારત પાસે  મદદની માંગ કરી છે. યુક્રેનરાજદૂતે કહ્યું છે કે, નરેન્દ્ર મોદી રશિયાના રાષ્ટ્રપતિ સાથે વાત કરે.

ફાઈટર પ્લેન તોડી પાડવા મામલે રશિયાએ  જવાબ આપ્યો છે અને કહ્યું છે કે,  અમારું કોઈ ફાઈટર પ્લેન યુક્રેન દ્વારા તોડી પાડવામાં આવશે.

રશિયન હુમલા બાદ યુક્રેનના લોકોમાં રાજધાની કિવ છોડવા માટે નાસભાગ મચી ગઈ છે. જેના કારણે કિવના રસ્તાઓ ભારે જામ થઈ ગયા છે.

યુરોપિયન યુનિયનએ રશિયા પર પ્રતિબંધોનું સૌથી મજબૂત, સખત પેકેજ લાદવાનું મન બનાવી લીધું છે. રશિયા પર આ કાર્યવાહી આજે યુક્રેનમાં કરવામાં આવેલી સૈન્ય કાર્યવાહીના વિરોધમાં થશે.

ગુરુવારે યુક્રેનની રાજધાની કિવમાં નીપર નદી નજીકના વિસ્તારમાંથી હુમલાની જ્વાળાઓ દેખાઈ રહી છે.

સૂત્રોએ જણાવ્યું છે કે યુક્રેન સંકટ પર વિદેશ મંત્રાલયની એક મોટી બેઠક યોજાઈ રહી છે. હાલમાં યુક્રેનની એરસ્પેસ બંધ છે. આવી સ્થિતિમાં, ફસાયેલા ભારતીયોને બચાવવા માટે અન્ય માર્ગો શોધવામાં આવી રહ્યા છે. કેટલાક વધારાના રશિયન બોલતા અધિકારીઓને યુક્રેન મોકલવામાં આવ્યા છે. તેમને યુક્રેનને અડીને આવેલા પડોશી દેશોમાં પણ તૈનાત કરવામાં આવશે. હાલમાં, યુક્રેનમાં ભારતનું દૂતાવાસ ખુલ્લું છે. (ઇનપુટ- ગીતા મોહન)

AFPએ મોસ્કોને ટાંકીને કહ્યું કે તે યુક્રેન અને રશિયા વચ્ચેના અઝોવ સમુદ્રમાં શિપિંગ બંધ કરી રહ્યું છે.

યુક્રેનમાં રશિયાના હુમલાને કારણે 7 લોકોના મોત થયા છે. તે જ સમયે 9 ઘાયલ જણાવવામાં આવી રહ્યા છે.

મિસાઈલ હુમલા બાદ યુક્રેનના મેરીયુપોલ શહેરમાં ટેન્ક જોવા મળી રહી છે. આ સિવાય એરપોર્ટ નજીક આર્મી પ્લેસમાંથી ધુમાડો નીકળતો જોવા મળ્યો છે. અન્ય શહેરોમાં એરપોર્ટ પર પણ હુમલા થયા છે.

યુક્રેનમાં ફસાયેલા ભારતીયો માટે હેલ્પલાઇન નંબર જાહેર કર્યો છે.

યુએનના મહાસચિવ એન્ટોનિયો ગુટેરેસે રશિયાને યુદ્ધ બંધ કરવાની અપીલ કરી છે. તેણે ટ્વીટ કર્યું, ‘રાષ્ટ્રપતિ પુતિન, માનવતાના નામે, તમારી સેનાને રશિયા પાછા લઈ જાઓ. આ વિવાદ હવે બંધ થવો જોઈએ.

યુક્રેનના રાષ્ટ્રપતિ વ્લાદિમીર ઝેલેન્સકીએ કહ્યું કે તેમણે વિવિધ દેશો સાથે વાત કર્યા બાદ મદદ માંગી છે. રાષ્ટ્રપતિ ઝેલેન્સકીએ ટ્વિટ કર્યું છે કે તેમણે યુનાઇટેડ સ્ટેટ્સના રાષ્ટ્રપતિ, જર્મનીના ચાન્સેલર, યુરોપિયન કાઉન્સિલના પ્રમુખ, પોલાંગના પ્રમુખ, યુકેના રાષ્ટ્રપતિ સાથે વાત કરી છે. તેણે પુતિનને આ યુદ્ધ બંધ કરવા કહ્યું છે. પુતિન વિરોધી ગઠબંધન તૈયાર કરવામાં આવી રહ્યું છે. તેના પર પ્રતિબંધ મૂકવો જોઈએ. યુક્રેનને સંરક્ષણ અને નાણાકીય સહાય મળવી જોઈએ.

જર્મનીના ચાન્સેલર ઓલાફ સ્કોલ્ઝોએ રશિયાની સૈન્ય કાર્યવાહી પર પ્રતિક્રિયા આપી છે. તેણે તેને યુરોપના ઈતિહાસનો કાળો દિવસ ગણાવ્યો. તે જ સમયે, યુકેના પીએમ બોરિસ જોન્સને કહ્યું કે એવી આશા છે કે યુક્રેન રશિયાનો સામનો કરશે.

યુક્રેનમાં બગડતી પરિસ્થિતિ વચ્ચે ભારતે ત્યાં હાજર લોકો માટે નવી એડવાઈઝરી જારી કરી છે. કહેવામાં આવ્યું છે કે અત્યારે સ્થિતિ ખરાબ છે, તમે જ્યાં છો ત્યાં જ રહો. લોકોને તેમના ઘર, હોસ્ટેલ વગેરેમાં રહેવા માટે કહેવામાં આવ્યું છે. એવું પણ કહેવામાં આવ્યું છે કે જેઓ યુક્રેનની રાજધાની કિવ અથવા પશ્ચિમ કિવ તરફ ગયા છે, તેઓ તેમના ઘરે પાછા ફરે છે.

યુક્રેન-રશિયા યુદ્ધ  મામલે ફ્રાંસે યુટર્ન લીધો છે. રશિયાને  ખુલ્લી ધમકી આપી છે. કહ્યું કે, હુમલો બંધ કરો  નહીં તો ગંભીર પરિણામ ભોગવવા માટે તૈયાર રહો.

કેનેડા યુક્રેન પર રશિયાના હુમલાની સખત નિંદા કરે છે. ઉપરાંત રશિયાને તેની સેના પાછી ખેંચી લેવા વિનંતી કરી હતી.

યુક્રેનના ઓચકોવ એરપોર્ટ પર હુમલો કરવામાં આવ્યો છે.

યુક્રેન તરફથી એવો દાવો કરવામાં આવ્યો છે કે દુશ્મન (રશિયા)એ પૂર્વ યુક્રેનિયન બાજુના બે ગામો પર કબજો કરી લીધો છે.

જર્મનીની રાજધાની બર્લિનના બ્રાન્ડેનબર્ગ ગેટ પર યુક્રેનના ધ્વજ સાથે એકતા દર્શાવવામાં આવી હતી.

રશિયાએ દાવો કર્યો છે કે યુક્રેનિયન નેશનલ ગાર્ડનું મુખ્યાલય નષ્ટ થઈ ગયું છે. યુક્રેનની સેનામાં ઘણી જાનહાનિ થઈ છે.

ઈંગ્લેન્ડના પીએમ બોરિસ જોન્સને કહ્યું કે ઈંગ્લેન્ડ અને અમારા સહયોગી દેશ સખત જવાબ આપશે.

યુક્રેનના વિદેશ પ્રધાન દિમિત્રો કુલેબાએ યુએન જનરલ એસેમ્બલીમાં જણાવ્યું હતું કે તેમનો દેશ એક સમયે પરમાણુ શક્તિના સંદર્ભમાં વિશ્વમાં ત્રીજા ક્રમે હતો. પરંતુ વૈશ્વિક શાંતિ ખાતર તેમણે પરમાણુ શસ્ત્રો છોડી દીધા હતા. આવી સ્થિતિમાં, હવે વિશ્વએ પરસ્પર તેમની સુરક્ષા કરવી જોઈએ.

રશિયાએ હુમલો કરતા ઘણા એપાર્ટમેન્ટ  કડકભૂસ થઇ ગયા છે. જેના પગલે ક્રિમીયાના રસ્તાઓ પર ભારે ભીડ જોવા મળી છે.

બ્રિટિશ પીએમ બોરીસ જોન્સને ઇમરજન્સી બેઠક બોલાવી છે.

યુરોપે યુક્રેનની આસપાસના એરસ્પેસના જોખમ અંગે ચેતવણી આપી છે.

અલ અરેબિયા અંગ્રેજી ન્યૂઝ વેબસાઈટ અનુસાર, રશિયા અને બેલારુસની બાજુમાં સ્થિત નોર્થ બોર્ડરથી યુક્રેન પર પણ તોપથી હુમલો કરવામાં આવી રહ્યો છે. યુક્રેનની સેના પણ જવાબ આપી રહી છે.

રશિયન હુમલામાં યુક્રેનને નોંધપાત્ર નુકસાન થયાના સમાચાર છે. હુમલાને જોતા નાટોએ ઈમરજન્સી બેઠક બોલાવી છે.

હુમલા બાદ રશિયાએ દાવો કર્યો છે કે તેણે રહેણાંક વિસ્તારોમાં હુમલો કર્યો નથી.

રશિયા માટે  ખરાબ સમાચાર આવ્યા છે. 30 દેશ એક સાથે મળીને રશિયા પર હુમલો કરશે.

રશિયન પ્રમુખ પુતિને લશ્કરી કાર્યવાહીના આદેશ આપ્યા બાદ રશિયા યુક્રેન વિરુદ્ધ વધુ આક્રમક બન્યું છે. નવીનતમ માહિતી અનુસાર, રશિયન સેનાએ માહિતી આપી છે કે તેણે યુક્રેનના સૈન્ય અને હવાઈ મથકોને નિશાન બનાવીને નષ્ટ કરી દીધા છે.

રશિયાની સૈન્ય કાર્યવાહી વચ્ચે યુક્રેને મોટો દાવો કર્યો છે. યુક્રેનિયન સૈન્યએ કહ્યું છે કે તેણે પાંચ દુશ્મન (રશિયન) વિમાનો અને હેલિકોપ્ટરને ઠાર માર્યા છે. કહેવામાં આવી રહ્યું છે કે આ કાર્યવાહી પૂર્વ યુક્રેનમાં થઈ છે.

રશિયાની સેના યુક્રેનમાં સતત આગળ વધી રહી છે.

યુક્રેનના 5 એરફિલ્ડ પર રશિયાએ  હુમલો કર્યો છે.

યુક્રેન બોર્ડર પાસે રશિયાના ટેન્કોની લાંબી લાઈન જોવા મળી છે. યુક્રેનમાં ભારે  નુકસાન થયું છે.

રશિયા-યુક્રેન વચ્ચે યુદ્ધ થતા NATOએ ઇમરજન્સી બેઠક બોલાવી છે.

બેલારૂટ્સ બોર્ડરથી રશિયાના સૈનિકો પગપાળા યુક્રેન  પહોંચ્યા  છે.

યુક્રેન એક્શનમાં આવ્યું છે.  રશિયાના ફાઈટર પ્લેનને તોડી પાડયું છે.

યુક્રેનના વધુ એક એરપોર્ટ પર હુમલો થયો છે.

રશિયન હુમલા બાદ યુક્રેનના રાષ્ટ્રપતિ વોલોડીમિર ઝેલેન્સકીએ ફ્રાન્સના રાષ્ટ્રપતિ અને તુર્કીના રાષ્ટ્રપતિ સાથે વાતચીત કરી.

દેશમાં યુદ્ધની સ્થિતિ સર્જાયા બાદ યુક્રેને તેના દેશની અંદર સિવિલ એરક્રાફ્ટની ઉડાન પર પ્રતિબંધ લગાવી દીધો છે. NOTAM (એર મિશન માટે નોટિસ) જાહેર  કરવામાં આવી છે. જેના કારણે ભારતીયોને લાવવા રવાના થયેલી એર ઈન્ડિયાની બીજી સ્પેશિયલ ફ્લાઈટ AI-1947 ખાલી હાથે પરત ફરી રહી છે. આ ફ્લાઇટ  આજે સવારે યુક્રેનના બોરીસ્પિલ એરપોર્ટ માટે રવાના થયું હતું, પરંતુ હવે પરત ફરી રહ્યું છે.

યુક્રેનના વિદેશ મંત્રી કુલેબાએ રશિયાને SWIFTથી અલગ થવા વિનંતી કરી છે.

રશિયાના ફાઈટર જેટ યુક્રેનમાં ઉડાન ભરી રહ્યા છે

દુનિયા સામે વિશ્વ યુદ્ધનો ખતરો જોવા મળી રહ્યો છે.

યુક્રેનની મદદ માટે અમેરિકાના 2 બોમ્બરે  ઉડાન ભરી છે.

યુક્રેન ના ખેરસન એરપોર્ટ પર હુમલો કરતા જ આગ ભભૂકી ઉઠી છે.

યુક્રેન પર રશિયા, કીમિયા અને બેલારુસે હુમલો કર્યો છે.

રશિયા-યુક્રેન યુદ્ધમાં બેલારુસે પણ યુક્રેન પર હુમલો કર્યો છે.

યુક્રેનની રાજધાનીમાં અફરાતફરીનો માહોલ જોવા મળી રહ્યો છે. લોકો જીવનજરૃરિયાતની વસ્તુ લેવા માટે  વહેલી  સવારથી લાઈનમાં ઉભા રહી ગયા છે.

રશિયાએ યુક્રેન પર હુમલો કરતા  જ યુક્રેનની રાજધાની કિવમાં સસ્ત વોર સાયરન વાગી રહ્યા છે.

સૈન્યના ઠેકાણા પર રશિયાએ એરસ્ટ્રાઇક કરી  છે.

યુએનમાં રશિયાના રાજદૂતે સુરક્ષા પરિષદની કટોકટીની બેઠકમાં જણાવ્યું હતું કે યુક્રેન વિરુદ્ધ મોસ્કોની લશ્કરી કાર્યવાહી કિવમાં સત્તામાં રહેલા “જન્ટા” ને નિશાન બનાવી રહી છે. વેસિલી નેબેન્ઝિયાએ કહ્યું, “હું તારણ કાઢવા માંગુ છું કે અમે યુક્રેનના લોકો સામે આક્રમક નથી, પરંતુ કિવમાં શાસક જન્ટા વિરુદ્ધ આક્રમક જઈ રહ્યા છીએ.”

યુક્રેનની 23 જગ્યા પર એટેક યથાવત છે.

રશિયા અને યુક્રેન વચ્ચે યુદ્ધની જાહેરાત થતા જ રશિયાએ હુમલો કરવાનું શરૂ કરી દીધું છે. આ વચ્ચે 300  યુક્રેન નાગરિકોના મોત નિપજ્યા છે. આ વચ્ચે જો બાઇડને કહ્યું છે કે, મોત અને તબાહીનું જવાબદાર છે રશિયા.

યુદ્ધને પગલે યુક્રેને કહ્યું છે કે, યુરોપ અને આખા વિશ્વનું ભવિષ્ય ખતરામાં છે.