PM Modi Egypt Visit: નરેન્દ્ર મોદી અમેરિકાથી ઈજિપ્ત પહોંચ્યા, હથિયારોની ખરીદી પર કરશે ચર્ચા
ભારત અને ઇજિપ્તે આ વર્ષે તેમના રાજદ્વારી સંબંધોની સ્થાપનાના 75 વર્ષ પૂર્ણ થયાની ઉજવણી પણ કરી છે. જો કે પીએમ નરેન્દ્ર મોદીની આ મુલાકાત ભારતના સંરક્ષણ ક્ષેત્ર માટે ઘણી મહત્વપૂર્ણ માનવામાં આવે છે.
PM Modi Egypt Visit: વડાપ્રધાન નરેન્દ્ર મોદી (PM Narendra Modi) અમેરિકાની મુલાકાત બાદ હવે ઈજીપ્ત પહોંચી ગયા છે. ભારત અને ઇજિપ્તે (Egypt) આ વર્ષે તેમના રાજદ્વારી સંબંધોની સ્થાપનાના 75 વર્ષ પૂર્ણ થયાની ઉજવણી પણ કરી છે. જો કે પીએમ નરેન્દ્ર મોદીની આ મુલાકાત ભારતના સંરક્ષણ ક્ષેત્ર માટે ઘણી મહત્વપૂર્ણ માનવામાં આવે છે. ભારત ડિફેન્સ ટેક્નોલોજીમાં અમેરિકા સાથે ભાગીદારી કરવાનો પ્રયાસ કરી રહ્યું છે. તે એવા બજારની શોધમાં છે જ્યાં તેના સંરક્ષણ સાધનો વેચી શકાય.
ભારત-ઇજિપ્ત નૌકાદળ સહયોગ વધારવા અંગે પણ ચર્ચા કરી શકે
ભારત તેના સંરક્ષણ ઉદ્યોગને શક્ય તેટલું વધુ મજબૂત બનાવવાનું લક્ષ્ય રાખે છે. ભારત-ઇજિપ્ત નૌકાદળ સહયોગ વધારવા અંગે પણ ચર્ચા કરી શકે છે. પીએમ મોદીની ઇજિપ્તની મુલાકાત દરમિયાન સંરક્ષણ સાધનોના સંયુક્ત ઉત્પાદનની શક્યતાઓ પણ તપાસવામાં આવશે. ઇજિપ્તની જરૂરિયાત મુજબ ભારત તેના માટે જહાજો, આર્ટિલરી ગન અને નાના હથિયારો બનાવી શકે છે. ભારત એક શસ્ત્ર ઉત્પાદક દેશ તરીકે પોતાની ઓળખ બનાવવા માટે કામ કરી રહ્યું છે.
સૈન્ય હથિયારોની ખરીદી પર ચર્ચા થશે
સાથે જ ઈજિપ્તે પણ બ્રહ્મોસ મિસાઈલ ખરીદવામાં રસ દાખવ્યો છે. ઇજિપ્ત ભારત પાસેથી આ મિસાઇલો ખરીદવા માંગે છે. ભારત તેના સંરક્ષણ ઉત્પાદનોની નિકાસ માટે ઇજિપ્ત તરફ પણ જોઈ રહ્યું છે, કારણ કે ઇજિપ્ત તેના લશ્કરી હાર્ડવેરના સતત વિસ્તરણ અને પરિવર્તન પર વિચાર કરી રહ્યું છે. ઇજિપ્ત પણ ભારત પાસેથી તેજસ લાઇટ એરક્રાફ્ટ ખરીદવામાં રસ દાખવી રહ્યું છે. આ ઉપરાંત HAL દ્વારા ભારતમાં ઉત્પાદિત સુખોઈ-30 MKI અને તેના પાર્ટ્સ પણ ભારતમાં જ ઉત્પાદન કરવાની કુશળતા ધરાવે છે, જે ઈજિપ્તને બતાવી શકાય છે.
ભારતીય સેનાના વડા ઇજિપ્તના ચીફ ઓફ ઓપરેશન્સને મળ્યા હતા
બંને દેશો વચ્ચે સૈન્ય અભ્યાસને પ્રોત્સાહન આપવા પર વાતચીત થઈ શકે છે. તાજેતરમાં, ભારતીય સેનાના વડાએ દિલ્હીમાં ઇજિપ્તના ચીફ ઓફ ઓપરેશન્સ, લેફ્ટનન્ટ જનરલ અહેમદ એફ. ખલીફાને પણ મળ્યા હતા, જેમાં દ્વિપક્ષીય સંરક્ષણ સહયોગને વધારવા અને બંને દેશોના પરસ્પર હિતના ક્ષેત્રોમાં સંબંધોને મજબૂત કરવા માટે ચર્ચા કરવામાં આવી હતી.
આ પણ વાંચો : PM Modi ના અમેરિકન પ્રવાસે ભરી દિધી સરકારની ઝોળી, આ રીતે મળશે દેશને મજબુત ઇકોનોમી
ભારત અને ઈજિપ્તની સેનાએ સૈન્ય અભ્યાસ કર્યો હતો
આ વર્ષે પ્રથમ વખત ઇજિપ્તના રાષ્ટ્રપતિ અબ્દેલ ફત્તાહ અલ સીસી પ્રજાસત્તાક દિવસ પર મુખ્ય અતિથિ તરીકે ભારત આવ્યા હતા. ઇજિપ્તની સેનાની ટુકડીએ પણ ગણતંત્ર દિવસની પરેડમાં ભાગ લીધો હતો. ભારતીય સેનાએ તાજેતરમાં ઇજિપ્તની સેના સાથે ‘એક્સરસાઇઝ સાયક્લોન-1’ની પ્રથમ સંયુક્ત કવાયત હાથ ધરી હતી. ગયા વર્ષે જ, સંરક્ષણ પ્રધાન રાજનાથ સિંહે પણ ઇજિપ્તની મુલાકાત લીધી હતી, જેમાં બંને પક્ષોએ વિવિધ દરિયાઇ ક્ષેત્રોમાં તેમના દ્વિપક્ષીય સંબંધોને વધારવાનો પ્રયાસ કર્યો હતો.
આંતરરાષ્ટ્રીય તમામ સમાચાર વાંચવા માટે અહીં ક્લિક કરો
Published On - 6:26 pm, Sat, 24 June 23
