Breaking News : આતંકવાદીઓના ગઢ પાકિસ્તાનમાં જ આતંકી હુમલો, 4 બાળકોના મોત, અનેક લોકો ઘાયલ, જુઓ Video

પાકિસ્તાનના બલુચિસ્તાનમાં બુધવારે એક મોટો અકસ્માત થયો. મીડિયા રિપોર્ટ્સ અનુસાર, આજે સવારે બલુચિસ્તાન પ્રાંતમાં એક સ્કૂલ બસમાં વિસ્ફોટ થયો હતો, જેમાં 4 બાળકોના મોત થયા હતા અને 38 બાળકો ઘાયલ થયા હતા.

પાકિસ્તાનના એક મીડિયા અખબારે ખુઝદરના ડેપ્યુટી કમિશનર યાસિર ઇકબાલ દશ્તીને ટાંકીને જણાવ્યું છે કે વિસ્ફોટ ખુઝદર જિલ્લામાં થયો હતો. બસ ઝીરો પોઈન્ટ નજીક હતી ત્યારે તેને નિશાન બનાવવામાં આવી હતી. દશ્તીએ જણાવ્યું હતું કે વિસ્ફોટમાં ચાર બાળકોના મોત થયા છે અને ઘાયલોના મૃતદેહને નજીકની હોસ્પિટલમાં લઈ જવામાં આવ્યા છે.

આ ઘટના બાદ ગૃહમંત્રી મોહસીન નકવીએ વિસ્ફોટની કડક નિંદા કરી હતી. અખબારે તેમને ટાંકીને કહ્યું, “નિર્દોષ બાળકોને નિશાન બનાવનારા જાનવરો કોઈ પણ પ્રકારની છૂટને પાત્ર નથી.” નકવીએ વધુમાં કહ્યું કે દુશ્મને નિર્દોષ બાળકોને નિશાન બનાવીને ખૂબ જ બર્બર કૃત્ય કર્યું છે.

એસોસિએટેડ પ્રેસે અધિકારીઓને ટાંકીને જણાવ્યું હતું કે દક્ષિણ-પશ્ચિમ પાકિસ્તાનમાં સવારે એક આત્મઘાતી બોમ્બર કારે એક સ્કૂલ બસને ટક્કર મારી હતી અને ત્યારબાદ બસમાં વિસ્ફોટ થયો અને નિર્દોષ બાળકો આ નાપાક કૃત્યનો ભોગ બન્યા અને 4 બાળકોના ઘટનાસ્થળે જ મોત થયા.

હજુ સુધી કોઈ જૂથે આ વિસ્ફોટની જવાબદારી સ્વીકારી નથી, પરંતુ બલૂચ અલગતાવાદીઓ પર શંકા વ્યક્ત કરવામાં આવી રહી છે જેઓ ઘણીવાર આ પ્રદેશમાં સુરક્ષા દળો અને નાગરિકોને નિશાન બનાવે છે.

આ મામલાની તપાસ ચાલુ

બસ વિસ્ફોટ બાદ, પોલીસ, ફ્રન્ટિયર કોર્પ્સ (FC) અને કાયદા એજન્સીઓના કર્મચારીઓ તપાસ માટે પુરાવા એકત્રિત કરવા માટે ઘટનાસ્થળે પહોંચ્યા. જોકે આ કેસની તપાસ ચાલી રહી છે, ડેપ્યુટી કમિશનરે જણાવ્યું હતું કે શરૂઆતની તપાસ સૂચવે છે કે આ હુમલો આત્મઘાતી વિસ્ફોટ હતો.

શંકાની સોય BLA પર !

બલુચિસ્તાન લાંબા સમયથી બળવાખોરીનું કેન્દ્ર રહ્યું છે, જ્યાં બલુચિસ્તાન લિબરેશન આર્મી (BLA) સહિત અનેક અલગતાવાદી જૂથો હુમલાઓ કરે છે. અમેરિકાએ 2019 માં BLA ને આતંકવાદી સંગઠન તરીકે નિયુક્ત કર્યું.

અગાઉ 6 મેના રોજ, પાકિસ્તાની સેનાએ કહ્યું હતું કે બલુચિસ્તાનમાં તેમના વાહન પર એક ઇમ્પ્રુવાઇઝ્ડ વિસ્ફોટક ઉપકરણ અથડાતાં તેના સાત સૈનિકો માર્યા ગયા હતા. તેમણે અહેવાલ મુજબ કહ્યું હતું કે BLA સભ્યોએ દક્ષિણપશ્ચિમ પ્રાંત બલૂચિસ્તાનમાં તેમના સૈનિકોના વાહનને નિશાન બનાવ્યું હતું.