OMG : વિશ્વની એક એવી હોટલ, જ્યા પડખુ ફરવાથી પહોંચી જવાય છે બીજા દેશમા
આ હોટલની સૌથી ખાસ વાત એ છે કે ફ્રાન્સ અને સ્વિટ્ઝરલેન્ડની બોર્ડર આ હોટલની વચ્ચેથી પસાર થાય છે. જેથી, પ્રવાસીઓ માટે આ હોટલ આકર્ષણનું કેન્દ્ર બની છે.
વિશ્વભરમાં એવી ઘણી હોટલો છે, જે તેમની ખાસ વિશેષતાને આધારે આકર્ષણનું કેન્દ્ર બનતી હોય છે. પરંતુ શું તમે ક્યારેય એવી કોઈ હોટલ વિશે સાંભળ્યું છે, કે જ્યાં માત્ર પડખુ ફરતા જ લોકો એક દેશથી બીજા દેશમાં જાય છે? તમને જાણીને નવાઈ લાગશે પણ આવી જ એક હોટલ છે જેનું નામ છે આર્બેજ હોટલ.
બંને દેશો વચ્ચે હોટલ હોવાથી આ હોટલની અંદર જતાં જ લોકો એક દેશથી બીજા દેશમાં પહોંચી જાય છે.
આ હોટલ આર્બેઝ ફ્રાન્કો-સુઇસ હોટલ તરીકે પણ ઓળખાય છે. આ હોટલ ફ્રાન્સ અને સ્વિટ્ઝરલેન્ડની બોર્ડર પર લા ક્યોર વિસ્તારમાં આવેલી છે. આર્બેજ હોટલ બંને દેશોમાં આવે છે.આથી,આર્બેઝ હોટલના બે સરનામા છે.
આ હોટલની સૌથી ખાસ વાત એ છે કે ફ્રાન્સ અને સ્વિટ્ઝરલેન્ડની બોર્ડર આ હોટલની વચ્ચેથી પસાર થાય છે.
આ હોટલના તમામ રૂમને બે ભાગમાં વહેંચવામાં આવ્યા છે. ઓરડામાં ડબલ પથારી એવી રીતે શણગારવામાં આવે છે કે તે અડધા ફ્રાન્સમાં અને અડધા સ્વિટ્ઝરલેન્ડમાં છે. ઉપરાંત, રૂમમાં ઓશીકું પણ બંને દેશો અનુસાર અલગ અલગ રીતે સ્થાપિત કરવામાં આવ્યું છે.
પહેલા આ જગ્યા પર કરિયાણાની દુકાન હતી.બાદમાં વર્ષ 1921માં, જુલ્સ-જીન આર્બેજે નામની વ્યક્તિએ આ જગ્યા ખરીદી અને અહીં હોટલ બનાવી.
આ હોટલ ફ્રાન્સ અને સ્વિટ્ઝરલેન્ડ બંનેની ઓળખ બની ગઈ છે.
આર્બેજ હોટલની વિશેષતાને કારણે પ્રવાસીઓમાં આ હોટલ ખૂબ જ લોકપ્રિય છે.
Published On - 1:31 pm, Sun, 1 August 21