દુનિયામાં લોકો જાત જાતની ઉપલબ્ધીઓ મેળવતા હોય છે. કેટલાક લોકો એવા કામ કરી જાય કે જેનાથી સૌ કોઇ ગર્વની લાગણી અનુભવે તો અમુક લોકો અજીબો ગરીબ ઉપલબ્ધી મેળવી જાય છે જેના વિશે જાણીને લોકો વિચારવા પર મજબૂર થઇ જાય. હાલમાં સોશિયલ મીડિયા (Social Media) પર એક આવો જ કિસ્સો વાયરલ થઇ રહ્યો છે. ખરેખર હાલમાં 32 વર્ષની (Smallest Grandmother) એક દાદી વાયરલ થઇ રહી છે. જી હાં તમે બરાબર વાંચ્યુ છે. 32 વર્ષની દાદી !
વાત એમ છે કે ઇંગ્લેન્ડની એક 32 વર્ષીય મહિલા દુનિયામાં સૌથી નાની ઉંમરમાં દાદી બનનાર મહિલા છે. Warwickshire ની રહેવાસી ટ્રેલી જોન્સ (Tracy Jones) 15 વર્ષની ઉંમરમાં જ માતા બની ગઇ હતી. એક બાળકને જન્મ આપ્યા બાદ જ્યારે તે 18 વર્ષની થઇ ત્યારે તેણે પોતાના બોયફ્રેન્ડ સાથે લગ્ન કરી લીધા. હાલમાં જ આ કપલે પોતાના લગ્નની 25 મી વર્ષગાંઠ મનાવી છે. હાલમાં મહિલાની ઉંમર 43 વર્ષ છે જ્યારે તેના પતિની ઉંમર 45 છે.
એક ઇન્ટરવ્યૂ દરમિયાન ટ્રેસીએ જણાવ્યુ કે, તેમનો પહેલો દિકરો જ્યારે 17 વર્ષનો હતો ત્યારે તેણે આવીને કહ્યુ કે તે પિતા બનવાનો છે. આ સાંભળીને ટ્રેસી અને તેનો પતિ ચોંકી ગયા કારણ કે તે સમયે તેમની ઉંમર 32 વર્ષની હતી અને તેઓ દાદા-દાદી બનવાના હતા. હાલમાં તેમનો આખો પરિવાર સાથે રહે છે.
ટ્રેસી જ્યારે 15 વર્ષની ઉંમરે ગર્ભવતી થઇ હતી ત્યારે તેણે પરિવારના વિરોધનો સામનો કરવો પડ્યો હતો. વાત જાણીને પરિવારે તેને અપનાવવાનો ઇનકાર કરી દીધો હતો. તેના બોયફ્રેન્ડના પરિવારે પણ તેમને અપનાવવાથી ઇનકાર કરી દીધો હતો. તેમનું કહેવું હતુ કે આ કરતૂતથી તેમની ઘણી બદનામી થઇ છે અને પરિવારનું નાક કપાઇ ગયુ છે. આ બધા વચ્ચે તેમના માટે પોતાના બાળકને મોટું કરવું ખૂબ મુશ્કેલ બન્યુ હતુ પરંતુ હવે સ્થિતી ઠીક છે ટ્રેસી એક હાઉસિંગ એસોસિએશનમાં કામ કરે છે અને વર્ષે લગભગ 1 કરોડ રૂપિયા કમાય છે.
આ પણ વાંચો –
આ પણ વાંચો –
આ પણ વાંચો –