Pakistan News: હિંદુ સગીરાનો માતાને ભેટીને હૈયાફાટ રૂદનનો વીડિયો વાયરલ થયા બાદ જજે બદલ્યો નિર્ણય

Pakistan News: પાકિસ્તાનની એક અદાલતે એક હિંદુ સગીર છોકરીની (Hindu) તરફેણમાં ચુકાદો આપ્યો છે, જેનું અપહરણ કરીને ધર્મ પરિવર્તન (Conversion)માટે દબાણ કરવામાં આવ્યું હતું. આ યુવતીનું ગયા મહિને કેટલાક મુસ્લિમ યુવકોએ (Muslim youth)અપહરણ કર્યું હતું. આમાંથી એક વ્યક્તિએ તેને બળજબરીથી ઈસ્લામ કબૂલ કરાવી લીધો હતો. એટલું જ નહીં આ યુવકે યુવતી સાથે બળજબરીથી લગ્ન પણ કરાવ્યા હતા. પુત્રીના અપહરણ બાદ માતા-પિતાએ પોલીસ સ્ટેશન અને કોર્ટના દ્વાર ખટખટાવ્યા હતા. કોર્ટે આ મામલાની સુનાવણી કરી અને છોકરીની તરફેણમાં ચુકાદો આપ્યો. જ્યારે અગાઉની સુનાવણીમાં ન્યાયાધીશે આવો નિર્ણય સંભળાવ્યો હતો, જેને સાંભળીને બાળકી તેની માતાને વળગીને રડી પડી હતી.આંતરરાષ્ટ્રીય સમાચાર અહીં વાંચો.

આરોપી પતિએ કોર્ટમાં છોકરીના માતા-પિતા વિરુદ્ધ કેસ દાખલ કરીને આરોપ લગાવ્યો હતો કે છોકરી સગીર છે અને તેણે તેની સાથે સ્વેચ્છાએ લગ્ન કર્યા હતા, પરંતુ પરિવાર તેમને સાથે રહેવાથી રોકી રહ્યો હતો. જ્યારે પરિવારનું કહેવું છે કે આરોપીએ યુવતી સાથે બળજબરીથી લગ્ન કરીને તેનું ધર્મ પરિવર્તન કરાવ્યું હતું. આરોપીએ પોતાની વાત સાબિત કરવા માટે કોર્ટ સમક્ષ લગ્નનું પ્રમાણપત્ર પણ રજૂ કર્યું હતું. જેના આધારે કોર્ટે આદેશ આપ્યો કે યુવતી તેના પતિ એટલે કે આરોપી સાથે રહેશે.

માતાને વળગીને રડતી છોકરીનો વીડિયો વાયરલ થયો

કોર્ટના આ નિર્ણય બાદ બાળકી તેની માતાને ગળે લગાવીને રડી પડી હતી. આને લગતો વીડિયો પણ સોશિયલ મીડિયા પર વાયરલ થયો હતો. જ્યારે આ વીડિયો જજ પાસે પહોંચ્યો ત્યારે તેનું દિલ તૂટી ગયું અને પછી તેઓએ નિર્ણય કર્યો કે તેને સુરક્ષિત ઘરે મોકલી દેવી જોઈએ અને તે તેના માતા-પિતાને મળી શકે છે. કોર્ટે તેની મેડિકલ તપાસ પણ કરાવવાનો આદેશ આપ્યો છે.

બળજબરીથી ધર્માંતરણ કરાયું

વાસ્તવમાં, એક છોકરી તેની મોટી બહેન સાથે ફેક્ટરીમાં કામ કરતી છોકરી 12 ઓગસ્ટના રોજ તેના ઘરે પરત ફરી રહી હતી. ત્યારબાદ હૈદરાબાદના ફતેહ ચોક પાસેથી ચાર લોકોએ તેનું અપહરણ કર્યું હતું. છોકરીના માતા-પિતા અને તેમના વકીલના જણાવ્યા અનુસાર, છોકરીને બળજબરીથી ઇસ્લામ કબૂલ કરવામાં આવી હતી અને અપહરણકર્તા સાથે લગ્ન કર્યા હતા. તમને જણાવી દઈએ કે પાકિસ્તાનના સિંધ પ્રાંતમાં હિન્દુ છોકરીઓ અને મહિલાઓના અપહરણ અને બળજબરીથી ધર્મ પરિવર્તનના કેસમાં આ વર્ષે નોંધપાત્ર વધારો જોવા મળ્યો છે.