Breaking News : દુબઈના પામ જુમેરાહ પર ઈરાનનો મિસાઈલ હુમલો, આખું બુર્જ ખલીફા કરાવાયું ખાલી, જુઓ Video

મધ્ય પૂર્વમાં વધતા તણાવ વચ્ચે ઈરાન દ્વારા દુબઈના પ્રતિષ્ઠિત વિસ્તારમાં મિસાઈલ હુમલો કરાયો હોવાના અહેવાલો સામે આવ્યા છે. અમેરિકા અને ઈઝરાયલના સંયુક્ત હવાઈ હુમલા બાદ પરિસ્થિતિ વધુ ગંભીર બની છે. કહેવાય છે કે ઈરાને ‘ઓપરેશન ફતહ-એ-જંગ’ હેઠળ અનેક દેશોને નિશાન બનાવતાં મિસાઈલ પ્રહાર શરૂ કર્યા છે.

અહેવાલ મુજબ દુબઈના Palm Jumeirah વિસ્તારમાં મિસાઈલ પડતાં ભારે ધડાકા સંભળાયા હતા. ત્યાં આવેલી Fairmont The Palm હોટલને નુકસાન પહોંચ્યાની માહિતી મળી રહી છે. સોશિયલ મીડિયા પર ફરતા વીડિયોમાં ઇમારતમાં આગ લાગેલી જોવા મળે છે અને આકાશમાં કાળા ધુમાડાના ગોટેગોટા ફેલાયેલા દેખાય છે.

Dubai International Airport નજીક પણ ધડાકા સંભળાયા

દુબઈ અને Abu Dhabi સહિતના વિસ્તારોમાં વિસ્ફોટોના અહેવાલો મળ્યા છે. Dubai International Airport નજીક પણ ધડાકા સંભળાયા હોવાનું કહેવાય છે, જેના પગલે કેટલીક ફ્લાઇટ્સ આગામી સૂચના સુધી સ્થગિત કરવામાં આવી હોવાની માહિતી સામે આવી છે. અનેક દેશોએ પોતાની હવાઈ સંરક્ષણ પ્રણાલીઓ સક્રિય કરી છે.

આ તણાવ વચ્ચે વિશ્વની સૌથી ઊંચી ઇમારત Burj Khalifa ખાલી કરાવવામાં આવી હોવાના અહેવાલો છે. પ્રત્યક્ષદર્શીઓએ જણાવ્યું કે તેઓએ આકાશમાં મિસાઈલ ઉડતી જોઈ અને ત્યારબાદ એલાર્મ તથા સાયરન વાગતા સંભળાયા. કેટલાક વીડિયોમાં પ્રવાસીઓ હોટલ અને પૂલ વિસ્તારેથી સુરક્ષિત સ્થળે ખસતા જોવા મળે છે.

સવારમાં Tehran પર અમેરિકા અને ઈઝરાયલના સંયુક્ત હુમલાના દાવા બાદ ઈરાને વળતો પ્રહાર કર્યો હોવાનું જણાવાયું છે. અહેવાલ મુજબ ઈરાની મિસાઈલોએ અમેરિકન લશ્કરી ઠેકાણાઓને નિશાન બનાવ્યા છે, જ્યારે કેટલાક વિસ્તારોમાં કાટમાળ રહેણાંક વિસ્તારો પર પડ્યો હોવાની માહિતી છે.

આ દરમિયાન United Arab Emirates સરકારે અબુ ધાબીમાં એક નાગરિકના મૃત્યુની પુષ્ટિ કરી છે. કતાર, બહેરીન, કુવૈત અને સાઉદી અરેબિયાએ પણ મિસાઈલોને રોકવાના પ્રયાસોની જાણ કરી છે. પરિસ્થિતિ હજી પણ તંગ છે અને વધુ સત્તાવાર માહિતીની રાહ જોવામાં આવી રહી છે.

ઇરાન-ઇઝરાયલ તણાવની અસર ગુજરાત પર, અમદાવાદ એરપોર્ટ પર 12 આંતરરાષ્ટ્રીય ફ્લાઇટ રદ, મુસાફરો અટવાયા