લંડનમાં પાકિસ્તાનના મહિલા પ્રધાનને પાકિસ્તાનીઓએ જ કર્યા જાહેરમાં કર્યા અપમાનિત, ચોર ચોરના પોકાર્યા નારા, જુઓ વીડિયો

પાકિસ્તાનના માહિતી પ્રસારણ મંત્રી મરિયમ ઔરંગઝેબને (Information Minister Maryam Aurangzeb) લંડનમાં કેટલાક પાકિસ્તાની મૂળના લોકોએ ઘેરી લીધી હતા. તે કોફી લેવા માટે એક કોફી શોપ પર પહોંચી હતી, તે દરમિયાન ત્યાં હાજર પાકિસ્તાનીઓએ તેને ઘેરી લીધી હતી. પાકિસ્તાનીઓએ મહિયમને ચોરની-ચોરનીના નારા લગાવ્યા હતા. આને લગતો એક વીડિયો પણ સોશિયલ મીડિયા પર વાયરલ થઈ રહ્યો છે, જેમાં કોફી શોપમાં લંડન સ્થિત પાકિસ્તાનીઓની ભીડ તેમને ફોલો કરતી જોઈ શકાય છે. પાકિસ્તાનીઓએ મરિયમની ટીકા કરતા કહ્યું કે પાકિસ્તાનમાં પૂરના કારણે તબાહી થઈ છે. લોકો આ મહિલા પ્રધાન ખાવા માટે તલપાપડ છે. પરંતુ તે વિદેશ પ્રવાસ કરી રહી છે અને તેમના પ્રવાસ માટે મોટી રકમ ચૂકવી રહી છે.

ARY ન્યૂઝના અહેવાલ મુજબ, પાકિસ્તાનીઓએ ‘ચોરની, ચોરની’ ના નારા લગાવતા મરિયમ ઔરંગઝેબનો પીછો કર્યો. આ સિવાય કેટલાક લોકો તેને ‘બેગૈરત’ (બેશરમ) કહેતા પણ જોવા મળ્યા હતા. આ ઘટના સાથે જોડાયેલી ઘણી ક્લિપ્સ સોશિયલ મીડિયા પર ફરતી થઈ રહી છે. આ વીડિયોમાં જોઈ શકાય છે કે પાકિસ્તાની મૂળના લોકો ઈન્ફોર્મેશન મિનિસ્ટરની આસપાસ ફરી રહ્યા છે અને આકરી ટીપ્પણી કરી રહ્યા છે. જો કે મરિયમે લોકોની કોઈપણ ટિપ્પણીનો જવાબ આપ્યો ન હતો. આ સમગ્ર ઘટના દરમિયાન તેણી મૌન રહી હતી. તેણે લોકોથી બચવા માટે કોફી શોપની બહાર જવાનો પ્રયાસ પણ કર્યો ન હતો.

મરિયમે લોકોની કરી અવગણના

અન્ય એક વિડિયોમાં મરિયમને રસ્તા પરથી કોફી શોપમાં પ્રવેશતી જોઈ શકાય છે. પાકિસ્તાનીઓએ રસ્તા પરથી જ મરિયમનો પીછો શરૂ કર્યો. કોફી શોપમાં પ્રવેશતાની સાથે જ એક મહિલાએ કહ્યું, “તે પાકિસ્તાની પૈસા રાખ કરી રહી છે”. મહિલાએ એમ પણ કહ્યું કે “ત્યાં (પાકિસ્તાનમાં) ટેલિવિઝન પર મોટા મોટા દાવા કરવામાં આવે છે, પરંતુ અહીં કોફીશોપમાં તેના માથા પર સ્કાર્ફ નથી પહેરતી.” આ ઘટના દરમિયાન મરિયમ પાકિસ્તાનીઓને નજરઅંદાજ કરતી જોવા મળી હતી. લોકોની વાતોથી બચવા તે મોબાઈલ ફોનમાં વ્યસ્ત થઈ ગઈ. જો કે, લોકોએ તેનું અપમાન કરવાનું ચાલુ રાખ્યું હતું.

ઈમરાન ખાન પર નિશાન સાધ્યું

ડોનના અહેવાલ મુજબ, ઘણા મંત્રીઓએ મરિયમના સંયમની પ્રશંસા કરી અને બચાવ કર્યો અને કહ્યું, “તેણીએ સંયમ અને ધીરજ સાથે પરિસ્થિતિને સંભાળી.” મીડિયા રિપોર્ટ્સ અનુસાર, પાકિસ્તાનના પૂર્વ વડાપ્રધાન ઈમરાન ખાનના સમર્થકોએ મરિયમ ઔરંગઝેબને કોફી શોપમાં ઘેરી લીધી હતી. અને તેને હેરાન કરવામાં આવી હતી. એક પાકિસ્તાની પત્રકાર દ્વારા ટ્વીટ કરાયેલા એક વીડિયોને રીટ્વીટ કરતા મરિયમ ઔરંગઝેબે કહ્યું, “ઈમરાન ખાનની નફરત અને વિભાજનકારી રાજનીતિની આપણા ભાઈઓ અને બહેનો પર ઝેરી અસર થઈ છે તે જોઈને દુઃખ થાય છે. હું અટકી ગઈ અને તેના દરેક પ્રશ્નનો જવાબ આપતી હતી. દુઃખની વાત એ છે કે લોકો ઈમરાન ખાનના અપપ્રચારનો ભોગ બન્યા છે.