Imran Khan Wife: કોઈ પત્રકાર તો કોઈ અબજોપતિ, જાણો ઈમરાન ખાનની કેટલી છે પત્ની, એક તો લાગે છે પરી
Imran Khan Wife : ઈમરાનની ભ્રષ્ટાચારના કેસમાં ધરપકડ કરવામાં આવી છે. ઈસ્લામાબાદ પોલીસ વતી ટ્વીટ કરીને જણાવવામાં આવ્યું હતું કે કાદિર ટ્રસ્ટ કેસમાં ઈમરાનની ધરપકડ કરવામાં આવી છે. પીટીઆઈના ઉપાધ્યક્ષ ફવાદ ચૌધરીએ આ અંગે ટ્વીટ કરીને કહ્યું કે હાઈકોર્ટ પર હાલમાં રેન્જર્સનો કબજો છે
Imran Khan Wife : પાકિસ્તાનના ભૂતપૂર્વ વડા પ્રધાન ઈમરાન ખાન (Pakistan Former PM Imran Khan) ભલે રાજકીય અને રમત-ગમત ક્ષેત્રે લોકપ્રિય હોય, તો બીજી તરફ તેઓ તેમના અંગત જીવનને લઈને પણ ખૂબ ચર્ચામાં રહ્યા છે. ખાસ કરીને એક પછી એક ત્રણ લગ્ન કરીને તે મીડિયાથી લઈને સોશિયલ મીડિયા અને લોકોમાં ચર્ચામાં છે. તેમની જીવનસાથી ક્યારેક ‘પત્રકાર’ તો ક્યારેક ‘અબજોપતિ‘ રહી છે. આ બધા તેમની સુંદરતા માટે જાણીતા છે.
ઈંગ્લેન્ડમાં કર્યા પહેલા નિકાહ, અરબપતિ પત્ની મળી
પાકિસ્તાનના પૂર્વ વડાપ્રધાન ઈમરાન ખાને ક્રિકેટમાંથી સંન્યાસ લીધા બાદ પ્રથમ વખત લગ્ન કર્યા હતા. જે સમયે તેણે પ્રથમ વખત લગ્ન કર્યા તે સમયે તેની ઉંમર 43 વર્ષની હતી. 16 મે 1995ના રોજ ઈમરાન ખાને બ્રિટિશ સામાજિક કાર્યકર જમીમા ગોલ્ડસ્મિથ સાથે લગ્ન કર્યા હતા.
ઈમરાને પ્રથમ લગ્ન 43 વર્ષની ઉંમરે બ્રિટિશ અબજોપતિ જેમ્સ ગોલ્ડસ્મિથની પુત્રી જેમિમા સાથે કર્યા. વ્યવસાયે પત્રકાર જેમિમા 2004 સુધી ઈમરાન સાથે રહેતી હતી. આ પછી બંનેના છૂટાછેડા થઈ ગયા. લગ્ન સમયે જેમિમા 21 વર્ષની હતી. ખાન સાથેના રોકાણ દરમિયાન જેમિમાને સુલેમાન અને કાસિમ નામના બે બાળકો પણ હતા. તે 30 વર્ષની ઉંમરે બ્રિટન પરત ફર્યા.
જેમિમાને છે બે બાળકો
તેણે કહ્યું કે મને એવું પણ લાગે છે કે હું ઇસ્લામોફોબિયા અને સેમિટીઝ વિરોધી ચર્ચા વચ્ચે ફસાઈ ગઈ છું. મારા બાળકો અડધા પાકિસ્તાની મુસ્લિમ છે. હું એક સમયે એક યુવાન છોકરી હતી જે મારી યહૂદી વંશીયતાને કારણે રાજકીય રીતે નિશાન બનાવવામાં આવી હતી. મારા બંને પુત્રોએ બ્રિસ્ટલ યુનિવર્સિટીમાં અભ્યાસ કર્યો છે. એક ભણે છે જ્યારે બીજો નોકરી કરે છે.
બીજા લગ્ન નવ મહિનામાં તૂટી ગયા
ઈમરાનના બીજા લગ્ન 6 જાન્યુઆરી 2015ના રોજ રેહમ ખાન સાથે થયા હતા. બંને વચ્ચેનો આ સંબંધ લાંબો સમય ટકી શક્યો નહીં. ખાન એક પત્રકાર છે. રેહમના પણ આ બીજા લગ્ન હતા. આ પહેલા તેણે 19 વર્ષની ઉંમરે એજાઝ રેહમ સાથે લગ્ન કર્યા હતા. બંનેને ત્રણ બાળકો પણ છે. ઈમરાન અને રેહમના લગ્નના નવ મહિના પછી એટલે કે 30 ઓક્ટોબર 2015ના રોજ છૂટાછેડા થઈ ગયા.
રેહમે યુકેમાંથી સોશિયોલોજીમાં ગ્રેજ્યુએશન કર્યું છે. બાદમાં પત્રકારત્વનો અભ્યાસ કર્યો. તેણે યુકેમાં ન્યૂઝ પ્રેઝન્ટેટર તરીકે પણ કામ કર્યું છે. 2013માં પાકિસ્તાન પરત ફર્યા અને અહીં એક ન્યૂઝ ચેનલ સાથે જોડાયા. આ દરમિયાન તેઓ ઈમરાન ખાનને મળ્યા હતા.
રાજકીય પરિવાર સાથે જોડાયેલા બુશરા બીબી સાથે કર્યા ત્રીજા મેરેજ
ઈમરાન ખાને 2018માં પંજાબના રાજકીય પરિવાર સાથે જોડાયેલા બુશરા બીબી સાથે ત્રીજા લગ્ન કર્યા હતા. બુશરાના આ બીજા લગ્ન પણ હતા. બુશરા અને ઈમરાન પહેલીવાર 2015માં મળ્યા હતા. ત્યારથી બંને એકબીજાને ડેટ કરવા લાગ્યા. અહીં રાજકારણમાં ઈમરાનનું કદ વધતું જ રહ્યું.
બુશરા બીબીનો જન્મ 16 ઓગસ્ટ 1974ના રોજ પાકિસ્તાનના પાકપટ્ટન શહેરમાં થયો હતો. તે પંજાબ પાકિસ્તાનમાં રાજકીય રીતે પ્રભાવશાળી વટ્ટુ પરિવારમાંથી આવે છે.
ઈમરાન ખાન સાથે લગ્ન કરતા પહેલા બુશરા બીબીના લગ્ન ખાવર મેનકા સાથે થયા હતા. મેનકા પાકિસ્તાનનો પ્રભાવશાળી જમીનદાર પરિવાર છે. ખાવર મેનકા એક સિનિયર કસ્ટમ અધિકારી હતા, જે બેનઝીર ભુટ્ટો સરકારમાં મંત્રી ગુલામ મોહમ્મદ મેનકાના પુત્ર છે. બુશરા શરૂઆતમાં આધુનિક વિચારોની હતી, પરંતુ બાદમાં તે આધ્યાત્મિકતા તરફ વળી.
પ્રથમ લગ્નથી, બુશરાને પાંચ બાળકો હતા – ત્રણ પુત્રીઓ અને બે પુત્રો. તેમના પુત્રો મુસા અને ઈબ્રાહિમ મેનકા 2013માં લાહોરની એચિસન કોલેજમાંથી સ્નાતક થયા બાદ વિદેશમાં ઉચ્ચ શિક્ષણ મેળવી રહ્યા છે. તેમની મોટી પુત્રી મેહરુ મેનકા રાજકારણી મિયાં અતા મોહમ્મદ માણેકાની વહુ છે. તેમની બાકીની બે પુત્રીઓ પણ પરણિત છે. બુશરા બીબીએ 2017માં પહેલા પતિ ખાવર મેનકાથી છૂટાછેડા લીધા હતા.
ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
આંતરરાષ્ટ્રીય સમાચાર વાંચવા માટે જોડાયેલા રહો…