Pm Modi Austria Visit: ગાંધી, નેહરુ, ઈન્દિરા અને પછી PM મોદી… 41 વર્ષ પછી ભારતીય નેતાનો ઓસ્ટ્રિયા પ્રવાસ
ઑસ્ટ્રિયાની મુલાકાત લેનાર છેલ્લા વડાપ્રધાન ઈન્દિરા ગાંધી હતા. તેમણે વર્ષ 1983માં આ દેશની મુલાકાત લીધી હતી. 41 વર્ષ બાદ વડાપ્રધાન મોદી આ દેશની મુલાકાત લેનારા પહેલા પીએમ બન્યા છે. જો કે, વચ્ચે રાષ્ટ્રપતિ સ્તરની મુલાકાતો પણ થઈ છે. આ પહેલા વિદેશ મંત્રી એસ જયશંકરે 2022માં ઓસ્ટ્રિયાની મુલાકાત લીધી હતી. ત્યારબાદ જયશંકરે ઓસ્ટ્રિયાના વિદેશ મંત્રી એલેક્ઝાંડર શૈલેનબર્ગ સાથે પ્રતિનિધિમંડળ સ્તરની વાતચીત કરી.
વડાપ્રધાન નરેન્દ્ર મોદી રશિયાની બે દિવસીય મુલાકાત બાદ ઓસ્ટ્રિયા જવા નિકળી ગયા છે. આ મુલાકાત ભારતીય પીએમ માટે ખાસ માનવામાં આવે છે. કારણ કે 41 વર્ષ બાદ વડાપ્રધાન મોદી એકમાત્ર એવા પીએમ બન્યા છે જેઓ આ દેશની મુલાકાતે આવ્યા છે. પૂર્વ વડાપ્રધાન ઈન્દિરા ગાંધી પછી પીએમ મોદી યુરોપિયન રાષ્ટ્રની મુલાકાત લેનારા પ્રથમ ભારતીય નેતા હશે.
પીએમ મોદીએ પોતે એક નિવેદનમાં કહ્યું હતું કે તેઓ રશિયામાં 22માં વાર્ષિક સમિટમાં ભાગ લેશે, ત્યારબાદ તેઓ બીજા દિવસે ઓસ્ટ્રિયા જશે. પીએમ મોદીએ કહ્યું કે, “ઓસ્ટ્રિયામાં મને રાષ્ટ્રપતિ એલેક્ઝાંડર વાન ડેર બેલેન અને ચાન્સેલર કાર્લ નેહામરને મળવાની તક મળશે. ઓસ્ટ્રિયા ભારતનું વિશ્વસનીય ભાગીદાર છે. એવું માનવામાં આવે છે કે બંને દેશોના નેતાઓ બેઠકમાં નવી ટેક્નોલોજી અને ઉભરતા ક્ષેત્રો પર ચર્ચા કરશે.
આ પહેલા ઈન્દિરા ગાંધી ઓસ્ટ્રિયા ગયા હતા
તમને જણાવી દઈએ કે ઓસ્ટ્રિયાની મુલાકાત લેનાર છેલ્લા વડાપ્રધાન 1983માં ઈન્દિરા ગાંધી હતા. પીએમ મોદીની ઓસ્ટ્રિયાની મુલાકાત એવા સમયે થઈ રહી છે જ્યારે બંને દેશો તેમની 75મી વર્ષગાંઠની ઉજવણી કરી રહ્યા છે. વર્ષ 1955માં વડાપ્રધાન જવાહરલાલ નેહરુ પણ ઓસ્ટ્રિયા ગયા હતા. વિદેશ મંત્રાલયના જણાવ્યા અનુસાર, ઈન્દિરા ગાંધીએ 1971માં પ્રથમ વખત ઓસ્ટ્રિયાની મુલાકાત લીધી હતી. તે પછી 1983માં ઈન્દિરા ગાંધીએ ફરી આ દેશની મુલાકાત લીધી હતો.
41 વર્ષથી કોઈ પીએમ નથી ગયા
મળતી માહિતી મુજબ, ઈન્દિરા ગાંધીની મુલાકાત બાદથી કોઈ વડાપ્રધાન ભારતથી ઓસ્ટ્રિયાની મુલાકાતે ગયા નથી. જો કે રાષ્ટ્રપતિ સ્તરની મુલાકાતો થઈ છે. જો રાષ્ટ્રપતિની વાત કરીએ તો પૂર્વ રાષ્ટ્રપતિ કેઆર નારાયણન 1999માં ઓસ્ટ્રિયાની મુલાકાતે ગયા હતા. તત્કાલિન રાષ્ટ્રપતિ હેઇન્ઝ ફિશર 2005માં ભારતની મુલાકાતે આવ્યા હતા. ઓસ્ટ્રિયાના વાઇસ ચાન્સેલર જોસેફ પ્રોલ 2010માં ભારતની મુલાકાતે આવ્યા હતા, ત્યારબાદ 2011માં ભૂતપૂર્વ રાષ્ટ્રપતિ પ્રતિભા દેવીસિંહ પાટીલ આવ્યા હતા.
આ પ્રવાસને ખાસ માનવામાં આવી રહ્યો છે
આ પહેલા વિદેશ મંત્રી એસ જયશંકરે 2022માં ઓસ્ટ્રિયાની મુલાકાત લીધી હતી. ત્યારબાદ જયશંકરે ઓસ્ટ્રિયાના વિદેશ મંત્રી એલેક્ઝાંડર શૈલેનબર્ગ સાથે પ્રતિનિધિમંડળ સ્તરની વાતચીત કરી. હવે પીએમ મોદી પોતે ઓસ્ટ્રિયાના પ્રવાસે જઈ રહ્યા છે. તેમના ત્રીજા કાર્યકાળની શરૂઆતમાં પીએમ મોદીનું આ દેશમાં આગમન પોતાનામાં ખાસ માનવામાં આવે છે.
આ પણ વાંચો: PM Modi Russia Visit: દુનિયાએ જોઈ પુતિન-મોદીની શક્તિ, ઓક્ટોબરમાં ફરી રશિયા જશે PM