Dubai News: દુબઈથી મુંબઈ પરત ફરતી ફ્લાઈટમાં ગૌહર ખાનની કિંમતી વસ્તુઓની ચોરી, ટ્વીટ કરીને એરલાઈન્સ પર ગુસ્સો ઠાલવ્યો

Gauahar Khan : ફેમસ એક્ટ્રેસ ગૌહર ખાન એન્ટરટેઈનમેન્ટ ઈન્ડસ્ટ્રીનું ખૂબ જ જાણીતું નામ છે. લોકપ્રિય ટેલિવિઝન સ્ટાર બનવાથી લઈને કેટલીક સફળ ફિલ્મોમાં અભિનય કરવા સુધી, ગૌહરે શોબિઝની દુનિયામાં તેની ક્ષમતાઓ માટે ઘણી પ્રશંસા મેળવી છે. વર્ષોથી અભિનેત્રી ઘણી ફિલ્મો, વેબ શો અને મ્યુઝિક વીડિયોનો ભાગ રહી છે. હાલમાં જ જ્યારે ગૌહર ખાન દુબઈથી મુંબઈ પાછી આવી ત્યારે આ સમયગાળા દરમિયાન તેનો અનુભવ ઘણો ખરાબ હતો. ગૌહર ખાને આ અંગે સોશિયલ મીડિયા પર એક પોસ્ટ પણ શેર કરી છે.

આ પણ વાંચો ; Dubai News : જયપુર એરપોર્ટ પરથી 7 કિલો સોનાની પેસ્ટ પકડાઈ, ચોરોએ દુબઈથી ટ્રોલી બેગમાં છુપાવી હતી

ફ્લાઇટમાં ગૌહર ખાનનો સામાન ચોરાઈ ગયો

તમને જણાવી દઈએ કે, અભિનેત્રી ગૌહર ખાને તેના ટ્વિટર પર એક પોસ્ટ શેર કરી છે, જેમાં તેણે જણાવ્યું છે કે, ફ્લાઈટમાં તેના સનગ્લાસ ચોરાઈ ગયા છે. તેણે એરલાઈન્સને પણ આ મામલે તપાસ કરવા વિનંતી કરી છે. આ સાથે એરલાઈન્સને ટેગ કરીને તેણે લખ્યું, “ગઈકાલે દુબઈથી મુંબઈની તમારી ફ્લાઈટ ek508 માં મારા સનગ્લાસ ચોરાઈ ગયા હતા, જ્યારે હું ઉતરી ત્યારે તે ફ્લાઈટમાં જ રહી ગયા હતા અને મેં તરત જ ભારતીય ગ્રાઉન્ડ સ્ટાફને જાણ કરી હતી.”

તેણે આગળ લખ્યું, “મારી સીટના પોકેટ માંથી 9j ની એક જોડી મળી આવી હતી પરંતુ મને આશ્ચર્ય થયું કે, જે પેકેટ મને આપવામાં આવ્યું હતું. તેમાં બીજી એક જોડી હતી જે મારી ન હતી. મેં તમારા હેલ્પ નંબર પર ઘણી વખત ફોન કર્યો અને પુરાવા સાથે ઈમેલ મોકલ્યો, કોઈ જવાબ આપ્યો નથી. કૃપા કરીને ચોરને શોધી કાઢો, કારણ કે તમારી પ્રતિષ્ઠિત એરલાઈન્સમાં કેમેરા ઈન્સ્ટોલ છે, જે સેવાઓ માટે મોટી રકમ વસૂલે છે.”

ગૌહર ખાન પ્રોફેશનલ લાઈફ

ગૌહર ખાન લાંબા સમયથી ઈન્ડસ્ટ્રીનો હિસ્સો છે. તેણે ‘ઈશકઝાદે’, ‘બેગમ જાન’ અને બીજી ઘણી ફિલ્મોમાં જોરદાર અભિનય કર્યો છે. તેણે ટીવી પર ‘ઝલક દિખલા જા 3’, ‘બિગ બોસ 7’ અને ‘ખતરોં કે ખિલાડી 5’ જેવા રિયાલિટી શોમાં પણ ભાગ લીધો હતો. ગૌહર ખાન સલમાન ખાનના શો બિગ બોસ 7ની વિજેતા રહી ચૂકી છે.