Diwali 2021: PM મોદીએ ગુજરાતીમાં કર્યું ‘નૂતન વર્ષાભિનંદન’, જો બાઈડેન સહિત વિશ્વના પ્રમુખ નેતાઓએ આપી દિવાળી શુભેચ્છા

Diwali 2021: ભારત અને વિશ્વમાં દિવાળીની ઉજવણી કરતો હિન્દુ સમુદાય (Hindu Community celebrating Diwali) આજે દિવાળીની ઉજવણી કરી રહ્યો છે. રોશનીના આ પર્વ નિમિત્તે ઘરો અને મંદિરોને રોશનીથી ઝળહળતી કરવામાં આવી રહી છે. તે જ સમયે, ભારતના વડાપ્રધાન નરેન્દ્ર મોદી (PM Narendra Modi) ની ગુજરાતી ટ્વિટે દરેક ગુજરાતીનું દિલ જીત્યું છે.

PM મોદી પોતાની ટ્વિટમાં શુભેચ્છા પાઠવતા લખે છે કે,’સૌ ગુજરાતીઓને નવા વર્ષની હૃદયપૂર્વકની શુભકામનાઓ…!! આજથી પ્રારંભ થતું નવું વર્ષ….આપના જીવનમાં સુખ અને સમૃદ્ધિનો ઉજાસ પાથરે, આરોગ્ય નિરામય રહે તથા પ્રગતિના નવા સોપાન સર કરનારું બની રહે એવી અંતઃકરણ પૂર્વકની મનોકામના સાથે નૂતન વર્ષાભિનંદન…..॥

આ સાથે સાથે જ વૈશ્વિક નેતાઓએ આ અવસર પર લોકોને દિવાળીની શુભકામનાઓ પાઠવી છે. દિવાળીના અવસર પર અમેરિકાના રાષ્ટ્રપતિ જો બાઈડેન (America’s President Joe Bide) થી લઈને બ્રિટનના વડાપ્રધાન બોરિસ જોન્સન (Britain’s Prime Minister Boris Johnson) દ્વારા ભારત સહિત વિશ્વભરમાં વસતા હિન્દુ સમુદાયને દિવાળીની શુભેચ્છા પાઠવવામાં આવી છે.

US President Joe Biden

અમેરિકી રાષ્ટ્રપતિ જો બાઈડને કહ્યું, ‘દિવાળીની રોશની આપણને યાદ અપાવશે કે અંધકારમાંથી બહાર આવવામાં જ્ઞાન, બુદ્ધિમત્તા અને સત્ય છે. વિભાજન છે તો એકતા છે. નિરાશા છે તો આશા છે. અમેરિકા અને સમગ્ર વિશ્વમાં દિવાળીની ઉજવણી કરતા હિન્દુ, શીખ, જૈન અને બૌદ્ધોને પીપલ્સ હાઉસ તરફથી દિવાળીની શુભકામનાઓ.

તે જ સમયે, યુએસ વાઇસ પ્રેસિડેન્ટ કમલા હેરિસે (Kamala Harris) કહ્યું, ‘અમેરિકા અને સમગ્ર વિશ્વમાં પ્રકાશના તહેવારની ઉજવણી કરી રહેલા તમામ લોકોને દિવાળીની શુભકામનાઓ. આ વર્ષે દિવાળી વધુ ઊંડા અર્થ સાથે વિનાશક રોગચાળાની વચ્ચે આવી રહી છે. તે આપણને આપણા દેશના સૌથી પવિત્ર મૂલ્યોની યાદ અપાવે છે.

ઈમરાને પણ દિવાળીની શુભેચ્છા પાઠવી હતી
બ્રિટનના વડા પ્રધાન બોરિસ જોન્સને કહ્યું, ‘આપણે બધાએ મુશ્કેલ સમય જોયો અને હવે પછી હું માનું છું કે દિવાળી અને બંદી છોરે દિવસ ખરેખર ખાસ છે. વર્ષનો આ સમય પરિવાર અને મિત્રો સાથે મળવાનો છે. જો આપણે ગયા નવેમ્બર વિશે વિચારીએ તો તેમાં કોઈ શંકા નથી કે આપણે ઘણું આગળ નીકળી ગયા છીએ.
પાકિસ્તાન (Pakistan) ના વડાપ્રધાન ઈમરાન ખાને (PM Imran Khan) પણ લોકોને દિવાળીની શુભેચ્છા પાઠવી છે. ઈમરાને ઉર્દૂ અને અંગ્રેજીમાં ટ્વિટ કરીને કહ્યું, ‘મારા હિન્દુ સમુદાયને દિવાળીની શુભકામનાઓ.’ આ સિવાય પાકિસ્તાની વિપક્ષે પણ દિવાળીની શુભકામનાઓ પાઠવી હતી.

બ્લિન્કને પણ શુભેચ્છા પાઠવી
યુએસ સેક્રેટરી ઓફ સ્ટેટ એન્ટોની બ્લિંકન (Antony Blinken), ઓસ્ટ્રેલિયન સેક્રેટરી ઓફ સ્ટેટ મેરિસ પેને (Marise payne) અને અન્ય કેટલાક વિદેશી નેતાઓ અને રાજદ્વારીઓએ ગુરુવારે લોકોને દિવાળીની શુભેચ્છાઓ આપી હતી. બ્લિંકને ટ્વિટ કર્યું, “તમને દિવાળીની ખૂબ ખૂબ શુભેચ્છાઓ! પ્રકાશનો આ તહેવાર અમેરિકા અને સમગ્ર વિશ્વમાં ઉજવનારા તમામ લોકો માટે શાંતિ, આનંદ અને સફળતા લાવે તેવી પ્રાર્થના. તે જ સમયે, મેરિસ પેનેએ ટ્વીટ કરીને કહ્યું, ‘અમે પ્રકાશના તહેવારની ઉજવણી કરી રહ્યા છીએ. હું ભારત અને ઓસ્ટ્રેલિયાના વાઇબ્રન્ટ બહુસાંસ્કૃતિક સમુદાયોના મારા મિત્રોને દિવાળીની ખૂબ ખૂબ શુભેચ્છા પાઠવું છું.

આ પણ વાંચો: E-rupee: RBI પણ બીટકોઈનની જેમ ડિજિટલ કરન્સી ચલણમાં મૂકે તો? જાણો હકરાત્મક અને નકારાત્મક પાસાઓ અંગેના અનુમાન

આ પણ વાંચો: Uttar Pradesh: ભોજપુરી સિંગર નિરહુઆએ સીએમ યોગી પર બનાવ્યું ગીત, સોશિયલ મીડિયા પર છવાઈ ગયુ ગીત, જુઓ વીડિયો