ચીને અમેરિકાને આપી ખુલ્લી ધમકી, કહ્યું તાઈવાનની સુરક્ષા માટે સૈનિકો મોકલશો તો કરી દઈશું તેમના પર હુમલો

China-Taiwan Conflict: ચીન (China)ના સૈનિકો તાઈવાન 9Taiwan)ની રક્ષા માટે મોકલવામાં આવેલા અમેરિકી (US Military) સૈનિકો પર હુમલો કરશે. બેઇજિંગ (Beijing)ના રાજ્ય મીડિયાએ ચેતવણી આપી હતી કે જો ટાપુ પર યુદ્ધ ફાટી નીકળશે, તો તે ખચકાટ વિના કરવામાં આવશે. ચીનની કોમ્યુનિસ્ટ પાર્ટી(Communist Party)ના ગ્લોબલ ટાઈમ્સ અખબારે ધમકી આપી છે. વાસ્તવમાં, આ નિવેદન ચીન તરફથી આવ્યું છે કારણ કે અમેરિકાના રાષ્ટ્રીય સુરક્ષા સલાહકાર જેક સુલિવને(Jake Sullivan) વચન આપ્યું હતું કે વોશિંગ્ટન(Washington) ચીનને તાઈવાનમાં ઘૂસણખોરીને ક્યારેય મંજૂરી નહીં આપે.

“આ પ્રકારની ધમકીઓ વિશ્વસનીય નથી કારણ કે યુએસ તાઈવાનની સુરક્ષાનો ખર્ચ ઉઠાવી શકે તેમ નથી,” પેપરમાં જણાવાયું છે. તેણે સુલિવાનને તેનું “મોટું મોં” બંધ કરવા અને “તેના દેશને વધુ શરમજનક” ટાળવા વિનંતી કરી. ચીને શુક્રવારે તાઈવાનના એરસ્પેસમાં 13 યુદ્ધવિમાન મોકલ્યા છે. જેમાં આઠ ફાઈટર એરક્રાફ્ટ અને બે ન્યુક્લિયર સક્ષમ બોમ્બર એરક્રાફ્ટ સામેલ હતા. તાઈપેઈએ જણાવ્યું હતું કે ચીની જહાજોમાં છ J-16 ફાઈટર, બે J-10 ફાઈટર, બે H-6 બોમ્બર, એક Y-8 સ્પાય પ્લેન, એક Y-8 એન્ટી સબમરીન એરક્રાફ્ટ, એક KJ-500 સ્પાય પ્લેન સામેલ છે. 

ચીનના જહાજો તાઈવાનના ‘એર ડિફેન્સ આઈડેન્ટિફિકેશન ઝોન’માં પ્રવેશ્યા

તાઈવાનના સંરક્ષણ મંત્રાલયે જણાવ્યું હતું કે શુક્રવારે ફાઈટર જેટ, એન્ટી સબમરીન એરક્રાફ્ટ અને KJ-500 એરક્રાફ્ટે તાઈવાનના ‘એર ડિફેન્સ આઈડેન્ટિફિકેશન ઝોન’ (ADIZ)માં ઘૂસણખોરી કરી હતી. તાઇવાનને તેના ADIZ માં ઉડતા તમામ એરક્રાફ્ટને સ્વ-ઓળખવા અને ઉદ્દેશ્ય દર્શાવવાની જરૂર છે. આ વિસ્તાર દેશના પ્રાદેશિક એરસ્પેસથી અલગ છે. બોમ્બર અને વાય-8 જાસૂસી વિમાને ટાપુના દક્ષિણ છેડે અને તેની પૂર્વ બાજુમાં ફરતા પહેલા લાંબી મુસાફરી કરી હતી. 28 નવેમ્બર પછી આ પ્રકારનું આ સૌથી મોટું મિશન છે. તે દરમિયાન ચીને તાઈવાન તરફ 27 વિમાન મોકલ્યા હતા. 

અમેરિકા તાઇવાનના બચાવથી દૂર છે

ચીન ઘણીવાર તાઈવાનને ડરાવવા માટે આવી હરકતો કરતું રહ્યું છે. ગ્લોબલ ટાઈમ્સે લખ્યું છે કે, “કોઈ પણ એવું માનતું નથી કે અમેરિકા પાસે કોઈપણ કિંમતે તાઈવાનનો બચાવ કરવાની સાચી ઈચ્છા છે.” અમેરિકા યુદ્ધની કિંમતે તાઈવાનને બચાવવાથી દૂર છે. તેમાં લખ્યું છે કે વોશિંગ્ટન માને છે કે આ ટાપુ પર અમેરિકન સૈનિકો મોકલવા યોગ્ય છે.પરંતુ વાસ્તવમાં તેઓ પોતાને હુમલાઓથી ઘેરાયેલા જોશે. અખબારે આગળ લખ્યું કે, અમેરિકા મુખ્યત્વે હથિયારો વેચીને તાઈવાનને સૈન્ય સહાય પૂરી પાડે છે. આ શસ્ત્રો એ જ દિવસે નાશ પામશે જ્યારે તાઈવાનપર ચીનનો કબજો થઈ જશે.