Canada News: G20 ડિનરમાંથી ગાયબ રહ્યા હતા જસ્ટિન ટ્રુડો, પોતાના દેશમાં થયા ટ્રોલ

ઘણા કેનેડિયન મીડિયા સંસ્થાઓએ ભારતમાં કેનેડાના વડાપ્રધાન જસ્ટિન ટ્રુડોના આ ‘અનાદર’ની વાતની આકરી ટીકા કરી છે. વિપક્ષી નેતાથી લઈને સોશિયલ મીડિયા પર તેમની સાથે થયેલા આ વર્તનને લઈને ઘણી બધી વાતો કહેવામાં આવી છે. કેનેડાના અગ્રણી અખબાર ‘ટોરોન્ટો સન’એ આ અંગે ફ્રન્ટ પેજ સ્ટોરી કરી છે. તેની વાત કેનેડામાં સોશિયલ મીડિયા પર વાયરલ થઈ છે.

કેનેડાની મુખ્ય વિપક્ષી પાર્ટીના નેતા પિયર પોઈલીવેરે ટ્વિટર પર એક ફોટો શેર કરતા લખ્યું, “પાર્ટી લાઇનને બાજુ પર રાખીને, કોઈ પણ કેનેડાના વડાપ્રધાનને વિશ્વની સામે વારંવાર અપમાનિત થતા જોવા નહીં માંગે.”

અન્ય ઘણા સોશિયલ મીડિયા યુઝર્સે G20 સમિટમાં જસ્ટિન ટ્રુડોનું આ રીતે અપમાન કરવામાં આવ્યું હોવાની ટીકા કરી છે.

એક સોશિયલ મીડિયા યુઝરે કેનેડાને ‘ભારત-પશ્ચિમ એશિયા-યુરોપ ઇકોનોમિક કોરિડોર’માંથી બહાર રાખવા બદલ જસ્ટિન ટ્રુડોની ટીકા કરી છે.

તેવી જ રીતે, અન્ય એક પોસ્ટમાં કહેવામાં આવ્યું છે કે જસ્ટિન ટ્રુડો ફરી એકવાર પોતાને વિશ્વ મંચ પર અવગણવામાં આવ્યા હતા, કારણ કે સમિટ દરમિયાન તેમને ભારતમાં મીડિયાનું ઓછું કવરેજ મળ્યું હતું.