Breaking News : ફ્લોરિડામાં બિઝનેસ જેટ ક્રેશ, 9 લોકોના મોત જુઓ Video

ફ્લોરિડાના એક વિસ્તારમાં રવિવારના રોજ 9 લોકોને લઈ જઈ રહેલું એક બિઝનેસ જેટ ક્રેશ થયું છે. રસ્તા પર પડતાં પ્લેનમાં આગ લાગી હતી. અધિકારીઓએ કહ્યું કે,લિયરજેટ 60 (Learjet 60)માં 9 લોકો સવાર હતા. તે ફ્લોરિડાની પામ બીચ કાઉન્ટીના એક રહેણાંક વિસ્તારમાં ક્રેશ થયું છે. આ અક્સ્માતમાં તમામ 9 લોકોના મૃત્યું થયા છે.

ફેડરલ એવિએશન એડમિનિસ્ટ્રેશને એક નિવેદનમાં કહ્યું કે, બહામાસ જઈ રહેલું આ જેટ ટેકસાસના ઓસ્ટિન-બર્ગસ્ટ્રોમ ઈન્ટરનેશનલ એરપોર્ટથી ઉડાન ભર્યું હતુ. ક્રેશ વીડિયોમાં પ્લેન આકાશમાંથી સીધું નીચે પડતા આગની ઝપેટમાં આવ્યું હતુ.

વિમાન ઘરો સાથે અથડાતા બચ્યું

રવિવારે, નવ લોકો સાથેનું એક બિઝનેસ જેટ દક્ષિણ ફ્લોરિડાના એક રહેણાંક વિસ્તારમાં અથડાયું. વિમાનમાં આગ લાગી હતી. સદનસીબે તે ઘરો સાથે અથડાવાનું ટાળ્યું અને એક રસ્તા પર ક્રેશ થયું હતુ. પામ બીચ કાઉન્ટીના તે વિસ્તારમાં કોઈ ઘાયલ થયું કે મૃત્યું થર્યું તે તાત્કાલિક જાણી શકાયું નથી.

જેટ ક્રેશનું કારણ

ફેડરલ એવિએશન એડમિનિસ્ટ્રેશન અનુસાર, વિમાન ટેક્સાસના ઓસ્ટિન-બર્ગસ્ટ્રોમ ઇન્ટરનેશનલ એરપોર્ટથી બહામાસ જઈ રહ્યું હતું. અધિકારીઓએ હજુ સુધી ક્રેશનું કારણ અથવા તેમાં કોણ સવાર હતું તે જાહેર કર્યું નથી.

ઓસ્ટિન-બર્ગસ્ટ્રોમ ઇન્ટરનેશનલ એરપોર્ટના પ્રવક્તા જીમ રેનોલ્ડ્સે કહ્યું કે તે એક ખાનગી વિમાન હતું. તે તરત જ કોણ સવાર હતું તે અંગે માહિતી આપી શક્યા નહીં. “આ ચોક્કસપણે એક મોટી દુર્ઘટના છે,” તેમણે કહ્યું. તેમણે જણાવ્યું કે આ ફ્લાઇટનો ટેલ નંબર N722BD હતો.

કારમાં બેઠેલા લોકોએ લીધેલા વીડિયોમાં એ ભયાનક ક્ષણ કેદ થઈ ગઈ હતી. જ્યારે વિમાન આકાશમાંથી પડી ગયું, રસ્તા સાથે અથડાયું અને વિસ્ફોટ થયો. રસ્તામાં મોટા મોટા ખાડા પડ્યા હતા અને આગ ફાટી નીકળી હતી. ઘટનાસ્થળે હાજર લોકો આઘાતમાં હતા, કારણ કે વિમાન ઘરોથી થોડા ફૂટ દૂર અને પસાર થતા વાહનોથી થોડા ઇંચ દૂર પડ્યું  હતું. ક્રેશ સ્થળ પર ગાઢ કાળો ધુમાડો છવાઈ ગયો હતો.

યુનાઈટેડ સ્ટેટ્સ, જે વિશ્વમાં યુનાઈટેડ સ્ટેટ્સ ઑફ અમેરિકા અથવા અમેરિકા તરીકે ઓળખાય છે, તે મુખ્યત્વે ઉત્તર અમેરિકામાં આવેલો દેશ છે. અહી ક્લિક કરો