એક સમય પર વ્લાદિમીર પુતિનને ટેક્સી ચલાવવાની ફરજ પડી હતી! રશિયન રાષ્ટ્રપતિએ પરિસ્થિતિ વિશે કરી વાત

વિશ્વના સૌથી શક્તિશાળી વ્યક્તિઓમાંના એક રશિયન રાષ્ટ્રપતિ વ્લાદિમીર પુતિનને (Vladimir Putin) એક સમયે ટેક્સી ડ્રાઈવર તરીકે કામ કરવું પડ્યું હતું. પુતિને પોતે આ ખુલાસો કર્યો છે.

રશિયન પ્રમુખે સ્વીકાર્યું છે કે, 1991માં સોવિયત સંઘના તૂટ્યા બાદ તેમને ટેક્સી ડ્રાઈવર તરીકે કામ કરવાની (Vladimir Putin as Taxi Driver) ફરજ પડી હતી. તેમણે કહ્યું કે, આ આર્થિક પડકારોનો સમયગાળો હતો. આ કારણે તેણે ટેક્સી ડ્રાઈવર તરીકે કામ કરવું પડ્યું. પુતિને કહ્યું કે, તેના વિશે વાત કરવી અપ્રિય લાગે છે, પરંતુ કમનસીબે એવું પણ થયું હતું.

સોવિયત યુનિયનના પતન વિશે વાત કરતાં તેમણે કહ્યું કે, સામ્યવાદના પતન સાથે ઘણું બધું ગુમાવ્યું. તેમણે આ પતન વિશે કહ્યું કે, તેનાથી ઐતિહાસિક રશિયાનો અંત આવ્યો. પુતિને કહ્યું, ‘તે સોવિયત સંઘના નામથી ઐતિહાસિક રશિયાનું વિસર્જન હતું. અમે સંપૂર્ણપણે અલગ દેશમાં ફેરવાઈ ગયા. અને જે 1,000 વર્ષમાં બાંધવામાં આવ્યું હતું તે મોટાભાગે ખોવાઈ ગયું હતું. તે એક મોટી માનવીય દુર્ઘટના હતી.’ સોવિયેત સંઘ પૂર્વ યુરોપ અને મધ્ય એશિયાના દેશોનું બનેલું હતું અને તેના પતન પછી યુક્રેન, બેલારુસ, કઝાકિસ્તાન જેવા દેશો વિશ્વના નકશા પર આવ્યા.

રશિયન મંત્રીએ પરમાણુ યુદ્ધની ચેતવણી આપી

બીજી તરફ, ગયા અઠવાડિયે ત્યાં રશિયન દળો એકત્ર થતાં યુક્રેનની (Ukraine) સરહદ પર રશિયન હુમલાની શક્યતા વધી રહી છે. યુક્રેન-રશિયા વચ્ચેની અશાંતિ પર અમેરિકા નજીકથી નજર રાખી રહ્યું છે. બીજી તરફ રશિયાના નાયબ વિદેશ મંત્રી સર્ગેઈ રિયાબકોવે કહ્યું છે કે, 1962ની ક્યુબાની મિસાઈલ કટોકટી ફરી એકવાર ફરી ફરી રહી છે અને તેણે પરમાણુ યુદ્ધની ચેતવણી આપી છે.

યુક્રેનની સરહદ પર 90 હજાર સૈનિકો તૈનાત

કાળા સમુદ્રમાં (Black Sea) નૌકાદળના તણાવ, તેમજ વોરોનેઝ પ્રદેશમાં સેનાની ટેન્કો અને વિમાન વિરોધી મિસાઈલ સિસ્ટમ જેવી દેખાતી સેટેલાઇટ છબીઓએ હલચલ મચાવી છે. સ્પેસ ફર્મ મેક્સર ટેક્નોલોજિસે યુક્રેનિયન સરહદથી 200 માઇલ કરતાં પણ ઓછા અંતરે સ્મોલેન્સ્ક જિલ્લામાં તૈનાત કથિત રશિયન લશ્કરી ટુકડીના ફોટા પણ જાહેર કર્યો છે. ગુપ્તચર અહેવાલોથી જાણવા મળ્યું છે કે ઓછામાં ઓછા 90,000 રશિયન સૈનિકો, ભારે તોપખાના અને ટેન્કો સાથે, હવે સરહદ પર છે.

આ પણ વાંચો: SBI CBO Recruitment 2021: સરકારી બેંકમાં 1226 જગ્યાઓ માટે કરાશે ભરતી, આ રીતે કરો અરજી

આ પણ વાંચો: UPSC DCIO Result 2021: ડેપ્યુટી સેન્ટ્રલ ઇન્ટેલિજન્સ ઓફિસરની ભરતી પરીક્ષાનું પરિણામ જાહેર, સીધા લિંક પરથી તપાસી શકો