ત્રણ રાજ્યોમાં ભાજપની જીતથી અમેરિકન સિંગરે PM મોદીને ગણાવ્યા શ્રેષ્ઠ નેતા, 2024ને લઈને કરી મોટી વાત

પ્રખ્યાત આફ્રિકન-અમેરિકન ગાયિકા અને અભિનેત્રી મેરી મિલબેને રવિવારે ત્રણ રાજ્યો છત્તીસગઢ, મધ્યપ્રદેશ અને રાજસ્થાનમાં ભારતીય જનતા પાર્ટી (BJP)ની અદભૂત ચૂંટણી જીત પર વડા પ્રધાન નરેન્દ્ર મોદીની પ્રશંસા કરી હતી. X(પહેલા ટ્વિટર) પર મેરી મિલબેને લખ્યું કે ભારતમાં રાજસ્થાન, મધ્ય પ્રદેશ અને છતીસગઢ જેવા મહત્વપૂર્ણ રાજ્યોમાં બીજેપીની જીત 2024માં પીએમ મોદીની મજબૂત જીતની શરૂઆત છે

મિલબેને તેમની એક્સ પોસ્ટમાં જણાવ્યું હતું કે પીએમ પદના ઉમેદવાર તરીકે ભારતની પ્રથમ પસંદગી નરેન્દ્ર મોદી છે. તેઓ યુએસ-ભારત સંબંધો માટે પણ શ્રેષ્ઠ નેતા છે. તમને જણાવી દઈએ કે રવિવારે ત્રણ મોટા રાજ્યો છત્તીસગઢ, મધ્યપ્રદેશ અને રાજસ્થાનમાં ભાજપે જોરદાર પ્રદર્શન કર્યું હતું. બીજી તરફ તેલંગાણામાં કોંગ્રેસને મોટી જીતથી રાહત મળી છે.

પીએમ મોદીની પ્રશંસા કરી

અગાઉ 7 સપ્ટેમ્બરના રોજ, આફ્રિકન-અમેરિકન ગાયકે PM મોદીના G20ના પૂર્ણ સભ્ય તરીકે આફ્રિકન યુનિયનને સામેલ કરવાના પ્રસ્તાવ માટે પ્રશંસા કરી હતી. મિલબેને એક વીડિયો સંદેશમાં કહ્યું હતું કે આફ્રિકન યુનિયનને G20માં સંપૂર્ણ સભ્ય તરીકે સામેલ કરવાના વડાપ્રધાન મોદીના પ્રસ્તાવની હું પ્રશંસા કરું છું. વૈશ્વિક દક્ષિણ હવે નીતિઓને આકાર આપી શકે છે જે આપણા વિશ્વને અસર કરે છે.

ભારતનું રાષ્ટ્રગીત ‘જન ગણ મન’ ગાયું

41 વર્ષીય મિલબેન ભારતમાં તેમના રાષ્ટ્રગીત અને ભક્તિ ગીત ‘ઓમ જય જગદીશ હરે’ની રજૂઆત માટે લોકપ્રિય છે. તેમણે જૂન મહિનામાં વડાપ્રધાન નરેન્દ્ર મોદીની અમેરિકા મુલાકાત દરમિયાન એક કાર્યક્રમમાં ભારતનું રાષ્ટ્રગીત ‘જન ગણ મન’ ગાયું હતું. તે પહેલા પણ ઘણી વખત પીએમ મોદીના વખાણ કરી ચૂકી છે.

આ પણ વાંચો: ત્રણ રાજ્યોમાં પ્રચંડ જીત બાદ ભાજપ મુખ્યાલય પહોંચ્યા પીએમ મોદી, કાર્યકરોએ લગાવ્યા મોદી મોદીના નારા- પીએમએ નતમસ્તક થઈ માન્યો આભાર