Abu Dhabi news : અબુ ધાબી શહેરમાં ટ્રેકલેસ ટ્રામનું ઓપરેટિંગ થયું શરૂ, 240 જેટલા મુસાફરો સમાઈ શકે છે

આ વાહનો કે જે 240 જેટલા મુસાફરોને લઈ જઈ શકે છે. અબુ ધાબીના સ્માર્ટ મોબિલિટી પ્રોજેક્ટના ભાગ રૂપે ડિસેમ્બરમાં યાસ આઈલેન્ડ પર શરૂઆતમાં લોન્ચ કરવામાં આવ્યા હતા.

અબુ ધાબી એઆરટી સેવા મરિના સ્ક્વેર, ગેલેરિયા અલ મરિયાહ આઇલેન્ડ, શેખ હઝા બિન સુલતાન મસ્જિદ, સિટી સીઝન્સ અલ હમરા હોટેલ, લાઇફલાઇન હોસ્પિટલ, એનએમસી સ્પેશિયાલિટી હોસ્પિટલ, કસર અલ હોસ્ન, શેરેટોન ખાલિદિયા હોટેલ, ખાલિદિયા પાર્ક, શેખા ફાતિમા પાર્ક, કોર્નિશ અને મરિના મોલ પાસે સ્ટોપ થશે.

આ પણ વાંચો : Abu Dhabi News : અબુ ધાબી નેશનલ એક્ઝિબિશન સેન્ટરે C&IT એવોર્ડ્સમાં શ્રેષ્ઠ સ્થાનોનો એવોર્ડ જીત્યો

દરેક રસ્તા પર પાંચ સર્વિસ

સૌ પ્રથમ સવારે 10 વાગ્યે રીમ મોલથી નીકળે છે અને માત્ર એક કલાકમાં રિક્સોસ મરિના મોલ પહોંચાડી દે છે. દરેક રસ્તા પર પાંચ સર્વિસ છે, જે કલાકે રીમ મોલથી ઉપડે છે અને સવા કલાકે પરત આવે છે અને છેલ્લી સર્વિસમાં સાંજે 4 વાગ્યા પછી પહોંચાડે છે. અબુ ધાબીમાં મ્યુનિસિપાલિટી અને ટ્રાન્સપોર્ટ વિભાગના ઇન્ટિગ્રેટેડ ટ્રાન્સપોર્ટ સેન્ટર (ITC) તરફથી ડાર્બી એપ પર સર્વિસ ટાઇમિંગ અને ટ્રેકિંગ પણ ઉપલબ્ધ છે.

મુસાફરોએ મફત સેવા મેળવવા માટે Txai એપ પરથી વાહન પરનો QR કોડ સ્કેન કરવાનો રહેશે. યાસ ટાપુ પર એઆરટી ગેટવે પાર્ક સાઉથ 2 થી યાસ વોટરવર્લ્ડ, યાસ હોટેલ્સ, યાસ મરિના સર્કિટ અને ફેરારી વર્લ્ડ સુધી સવારના 8 થી સાંજના 8 વાગ્યા સુધી કલાકદીઠ રૂટનું સંચાલન કરે છે.

ડ્રાઇવર વિનાનું ભવિષ્ય

સ્માર્ટ મોબિલિટી પ્રોજેક્ટ, DMT, ITC અને ByNat વચ્ચેનો સહયોગ, અમીરાત માટે સ્માર્ટ મોબિલિટી સિસ્ટમ રજૂ કરવાનો હેતુ ધરાવે છે. યાસ આઇલેન્ડ અને સાદિયત આઇલેન્ડ પરની સિસ્ટમમાં હાલમાં 17 વાહનોનો કાફલો છે, જેમાં TXAI દ્વારા સંચાલિત આઠ ડ્રાઇવર વિનાની ટેક્સીઓ, છ ડ્રાઇવર વિનાના મિની રોબોબસ, ત્રણ એઆરટી વાહનો અને 15 ચાર્જિંગ સ્ટેશનનો સમાવેશ થાય છે.

સાદિયત ટાપુ પર 47.5 કિમી લાંબા સેલ્ફ-ડ્રાઇવિંગ ટેક્સી રૂટમાં મમ્શા સાદિયત, અલ મનારત, એનવાયયુ અબુ ધાબી, ધ સેન્ટ રેજિસ હોટેલ, સાદિયાત બીચ, થિયોડોર મોનોદ ફ્રેન્ચ ઇન્ટરનેશનલ હાઇ સ્કૂલ (લાઇસી ફ્રાન્સિસ થિયોડોર મોનોડ), જુમેરાહ, ઉપર સ્ટોપ આપેલા છે. આ સેવા આખા વિક દરમિયાન સવારે 8 થી સાંજના 8 વાગ્યા સુધી ચાલે છે.

સંપૂર્ણ માહિતી અને સમય Txai એપ પર આપેલી છે

સેલ્ફ-ડ્રાઇવિંગ રોબોબસ યાસ અને સાદિયત બંને ટાપુઓ પર સવારે 8 થી રાત્રે 8 વાગ્યાની વચ્ચે કામ કરે છે. આ સેવા સાદિયત બીચ વિસ્તારને લૂવર અને ફેરારી વર્લ્ડ સાથે યાસ મોલ, યાસ પ્લાઝા, એતિહાદ એરેના, વોટરવર્લ્ડ અને ડબલ્યુ હોટેલ સાથે જોડે છે. સંપૂર્ણ માહિતી અને સમય Txai એપ પર આપેલી છે. Txai એ ગયા નવેમ્બરમાં એતિહાદ એરવેઝ અબુ ધાબી ગ્રાન્ડ પ્રિક્સમાં હાજરી આપતા ચાહકોને અવરજવર કરવા માટે ડ્રાઇવર વિનાની બસ સેવાનું સંચાલન કર્યું હતું.

2025 એક મોટું વર્ષ બનવા જઈ રહ્યું છે : જેનિફર લી

યાસ આઇલેન્ડ પર ડ્રાઇવર વિનાના વાહનની કામગીરીના બાયનાટના પરીક્ષણને ચાઇનીઝ ઓટોનોમસ ડ્રાઇવિંગ સ્ટાર્ટ-અપ વેરાઇડ દ્વારા સમર્થન મળે છે. જેને જુલાઇમાં સેલ્ફ-ડ્રાઇવિંગ કાર માટે યુએઇનું પ્રથમ પ્રારંભિક રાષ્ટ્રીય લાઇસન્સ આપવામાં આવ્યું હતું.

WeRideના વાઇસ પ્રેસિડેન્ટ જેનિફર લીએ ઑગસ્ટમાં ધ નેશનલને જણાવ્યું હતું કે, “તે 2025 સુધીમાં સેંકડો ઓટોનોમસ વાહનો રસ્તા પર ચલાવવાની યોજના ધરાવે છે. 2025 એક મોટું વર્ષ બનવા જઈ રહ્યું છે અને અમે અપેક્ષા રાખીએ છીએ કે ત્યાં સુધીમાં અહીં UAE માં રસ્તા પર વધુ ઓટોનોમસ કાર હશે.” છેલ્લા 18 મહિનામાં 10,000 થી વધુ મુસાફરોએ અબુ ધાબીમાં ડ્રાઇવર વિનાની ટેક્સીઓની ટ્રાય કરી છે.”