કસરત કરવા માટે કોઈ યોગ્ય કે ખોટો સમય નથી હોતો. જ્યારે પણ તમને સમય મળે ત્યારે તમે કસરત (Exercise) કરી શકો છો. જો તમે કસરતથી ઝડપથી વજન ઘટાડવા માંગતા હો, તો પછી કસરતનો સમય ધ્યાનમાં લેવો જરૂરી છે. નિષ્ણાતોના મતે, સવારે (Morning) નાસ્તા પહેલા કસરત કરવી ખૂબ જ ફાયદાકારક રહે છે. આ તમારા ફિટનેસ સ્તરને વધારે છે. માનસિક રીતે પણ સ્વસ્થ રાખે છે.
એક અભ્યાસમાં જાણવા મળ્યું છે કે સવારે કસરત કરવાથી બમણી ઝડપથી કેલરી બર્ન થાય છે. વજન ઘટાડવા અથવા પેટની ચરબી ઘટાડવા માટે અન્ય સમય કરતાં સવારે કસરત કરવી વધુ ફાયદાકારક છે. ચાલો સવારે વર્કઆઉટ કરવાના ફાયદાઓ વિશે જાણીએ.
વધુ કેલરી બર્ન થાય છે
કસરતથી તમારું મુખ્ય લક્ષ્ય વજન ઘટાડવાનું છે. તો સવારે અન્ય સમય કેલરી કરતા વધુ કેલરી બર્ન થાય છે. તેથી, આ સમયે કસરત કરવી ખૂબ ફાયદાકારક રહે છે. 2015 ના એક અભ્યાસમાં જાણવા મળ્યું હતું કે જે લોકો નાસ્તા પહેલા કસરત કરે છે તેઓ વધુ ચરબી બર્ન કરે છે. ઉપવાસ દરમિયાન, શરીર અન્ય કોઈપણ સમય કરતાં વધુ કેલરી બર્ન કરે છે. જો કે, આવું કેમ થાય છે તેનો કોઈ જવાબ નથી.
તમને સારી ઊંઘ આવે છે
કસરત અને ઊંઘ એકબીજા સાથે જોડાયેલા છે. જ્યારે તમે સાંજે કસરત કરો છો, ત્યારે તમને રાત્રે સારી ઊંઘ મળે છે કારણ કે તમારા શરીરને ઠંડુ થવા માટે પૂરતો સમય મળે છે. અન્ય અભ્યાસ મુજબ, જે લોકો સવારે ટ્રેડમિલ પર દોડે છે તેઓ રાત્રે વધુ સારી રીતે સુઈ શકે છે.
રહો છો વધુ ફીટ
આ સાબિત થયું છે કે સવારે કાર્ડિયો કસરત કરવી ખૂબ જ ફાયદાકારક છે. કારણ કે આ સમયે તે સૌથી વધુ તાજગીદાયક હોય છે. દિવસ પસાર થતો હોય ત્યારે થાક લાગવો સ્વાભાવિક છે. સાંજના સમયે કાર્ડિયો એક્સરસાઇઝ કરવી મુશ્કેલ બની જાય છે. દિવસના અન્ય સમયની સરખામણીમાં સવારે હાર્ટ રેટ સૌથી વધુ હોય છે.
તણાવથી દૂર રહો છો
ભલે સાંજના સમયે કસરત કરવાથી તમારું ધ્યાન કેન્દ્રિત રહે છે. પરંતુ સવારે કસરત કરવાથી શરીરમાં કોર્ટીસોલ હોર્મોનનું સ્તર ઘટાડવામાં મદદ મળે છે. જેના કારણે તમે તણાવમુક્ત રહેશો. એટલા માટે તમે સવારે કસરત કરો એ તમારા માટે વધુ સારું સાબિત થઇ શકે છે.
આ પણ વાંચો: Health Tips : ડાયટમાં સામેલ કરો દેશી ખાંડ, જાણો અનેક ફાયદા
(વૈધાનિક ચેતવણીઃ આ લેખ માત્ર જાણકારી માટે છે. આનો ઉપયોગ-ઉપચાર કરતા પૂર્વે આપ આપના તબીબ અથવા આ બાબતના તજજ્ઞનો સંપર્ક કરીને જરૂરી પુછપરછ કરશો)
આ પણ વાંચો: Beauty Tips : અળસીના બી માત્ર સ્વાસ્થ્ય માટે જ નહીં પણ ત્વચા માટે પણ ફાયદાકારક છે, જાણો કેવી રીતે?
Published On - 7:52 am, Mon, 2 August 21