મસલ્સ પેઇન થાય ત્યારે રાખો આ બાબતોનું ખાસ ધ્યાન

શું તમને ક્યારેય માંસપેશીઓમાં ખેંચાણ, અથવા તો દુખાવાનો અનુભવ થયો છે. જો હાં, તો જરૂર છે તેના પર ધ્યાન આપવાની. કારણ કે ઘણીવાર હાથ પગના સાંધા, અથવા પીઠમાં માંસપેશીઓમાં ખેંચાણ થાય છે. આવું સામાન્ય રીતે દાદરા ચડતી વખતે, ઝડપથી ભાગતી વખતે, લાંબા સમય સુધી ઊભા રહેવાથી, અથવા તો ચાલવા પર તેનો અનુભવ થાય છે. આવી સ્થિતિમાં દર્દ અને પરેશાની થાય છે, જેનાથી રાહત મેળવવી જરૂરી છે.

આવો જાણીએ કે માંસપેશીઓમાં જ્યારે ખેંચાણ થાય છે ત્યારે કેવી રીતે રાહત મેળવીશું.

આરામ કરો
સામાન્ય રીતે માંસપેશીઓમાં ખેંચાણ અથવા દર્દ થવા પર સૌથી પહેલા આરામ આપવાની સલાહ આપવામાં આવે છે. ઘણીવાર વધારે મહેનતનું કામ કરી લેવાથી પણ માણસ થાકી જાય છે. જે થોડા દિવસ આરામ કરવાથી તે સારી પણ થઈ જાય છે. પણ જો ઘણા દિવસ સુધી આરામ કર્યા પછી પણ રાહત નથી મળતી તો ડોકટરનો સંપર્ક કરો.

ખેંચાણ વાળી જગ્યા પર બરફ લગાવો
શરીરના જે ભાગમાં માંસપેશીઓમાં ખેંચાણ નો અનુભવ થતો હોય તે જગ્યા પર બરફનો સેક કરો. આવું તમે દિવસમાં ઘણી વાર કરી શકો છો. ફક્ત એ ધ્યાન રાખો કે એકવારમાં 15 મિનિટ કરતા વધારે સેક ન કરો .

દવા લો
ઘણીવાર માંસપેશીઓ ખેંચાઇ જવાથી પ્રભાવિત હિસ્સામાં સોજો આવી જાય છે. જેનાથી દુખાવો વધી જાય છે. તેવામાં ડોક્ટરની સલાહથી સોજા ઓછા કરવાની દવા લો. જેનાથી દર્દ માં રાહત મળશે.

નિયમિત સ્ટેચિંગ
જો તમે સ્ટ્રેચિંગને પોતાની દિનચર્યામાં સામેલ કરશો તો માંસપેશીઓ વધારે મજબૂત અને લચીલી બનશે. તેવી માસપેશીઓમાં ઇજા થવાની સંભાવના ઓછી રહે છે.

માંસપેશીઓમાં થકાવટ
સામાન્ય રીતે પહેલાથી જ મજબૂત અને લચીલી માસપેશીઓમાં ઇજા થવાની આશંકા ઓછી રહે છે. જો કોઈની માસપેશીઓ પહેલાથી જ કમજોર હોય તો તેમાં ઇજા થવાની સંભાવના વધારે રહે છે. ખેલાડીઓએ આ બાબતનું ખાસ ધ્યાન રાખવાનું રહે છે.

નોંધ- તસવીરો પ્રતિકાત્મક છે અને આ બિમારીમાં તજજ્ઞ કે ફેમિલી ડોક્ટરની સલાહ અવશ્ય લઈ લેવી.

આ પણ વાંચોઃશેકેલુ લસણ ખાવાના ફાયદા વાંચીને તમે રહી જશો દંગ

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો