નવરાત્રીમાં માં જગદંબાની આરતીનું વિશેષ મહત્વ છે. અત્યાર સુધી તમે અનેક પ્રકારથી થતી આરતીઓ જોઈ હશે. પણ આજે અમે તમને એક અનોખી નૃત્ય આરતી બતાવવા જઈ રહ્યા છીએ. જેમાં નૃત્ય કરતા કરતા માતાજીની આરતી ઉતારવામાં આવે છે. ભારતના સૌથી ઊંચા શક્તિપીઠોમાં સ્થાન ધરાવતા નડિયાદના માંઈ મંદિરમાં માતાજીને પ્રસન્ન કરવા માટે વિશેષ પ્રકારની નૃત્ય આરતી કરવામાં આવે છે.
નૃત્ય આરતી જોઈને સૌ કોઈ મંત્રમુગ્ધ થઈ જાય છે. લોકો દૂર દૂરથી માતાજીની આરતીનો લાભ લેવા આવતા હોય છે. પ્રથમ દિવસે મંદિરમાં તથા મહોત્સવ મંડપમાં માતાજીની મંગળા આરતી થાય છે. ત્યારબાદ ગર્ભગૃહમાં ઘટ-સ્થાપના, જવારા વાવણી, અખંડ જ્યોતની પીઠસ્થાનની પ્રણાલિકા મુજબ સ્થાપના કરવામાં આવે છે.
નોંધનીય છેકે હાલ ગુજરાતભરમાં નવરાત્રિનો મહોત્સવ ધામધૂમથી ઉજવાઇ રહ્યો છે. અને, લોકો રાત પડતાની સાથે જ માતાજીની આરાધનામાં મગ્ન થઇ રહ્યાં છે. તો માતાજીના મંદિરો અને શક્તિપીઠોમાં અવનવી અને અનોખી રીતે માતાજીની આરાધના કરવામાં આવી રહી છે. જેનો શ્રદ્ધાળુઓ લ્હાવો લઇ રહ્યાં છે. ત્યારે, માતાજીના આ પર્વમાં કયાંક અવાર્ચીન ગરબા, તો કયાંક શૌર્ય ગરબા તો કયાંક અંગારા પર રાસગરબાની ખેલૈયાઓ ધૂમ મચાવી રહ્યાં છે.
આ પણ વાંચો : દબાણ અને ગેરકાયદે બાંધકામ સામે AMCની મેગા ડ્રાઈવ, ત્રણ મહિનામાં 1100 કરોડના 28 પ્લોટમાં થયેલા દબાણો દૂર કર્યા
આ પણ વાંચો : Maharashtra: વિશ્વની સૌથી નાની બિલાડીના 45 દિવસના બચ્ચાનું કરવામાં આવ્યું રેસ્ક્યુ, સુરક્ષિત રીતે છોડવામાં આવ્યું