સુમુલ ડેરીની સત્તા માટે ચૂંટણી જંગ, 14 બેઠકો માટે 31 ઉમેદવાર ચૂંટણી મેદાનમાં

સુમુલ ડેરીના નામે જાણીતા સુરત જિલ્લા સહકારી દૂધ ઉત્પાદક સંઘના 14 ડિરેકટર માટે ચૂંટણી યોજાઈ રહી છે. દક્ષિણ ગુજરાતમાં સૌથી મોટી સહકારી ડેરી ઉપર પ્રભુત્વ મેળવવા માટે બે જૂથ વચ્ચે ચૂંટણી જંગ ખેલાઈ રહ્યો છે. માનસિંહ પટેલ અને રાજીવ પાઠક જૂથમાં વહેચાયેલા સભ્યોની સહકારી પેનલ અને સતાધારી પેનલ વચ્ચે રસાકસીભરી ચૂંટણી યોજાઈ રહી છે. કુલ 16 બેઠકો પૈકી 2 બેઠક બિનહરીફ જાહેર થઈ ચૂકી છે. આથી આજે 14 બેઠકો માટે ચૂંટણી યોજાઈ રહી છે. 14 બેઠકો માટે કુલ 31 ઉમેદવારો તેમનુ ભાગ્ય અજમાવી રહ્યાં છે. આ 31 ઉમેદવારો માટે 853 મતદારો મતાધિકાર ભોગવશે. બન્ને જૂથોએ તેમના સભ્યો જીતીની ડેરીનું સુકાન સંભાળશે તેવો દાવો કર્યો છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો