વલસાડ : ધરમપુર નજીક ટેમ્પો અને બાઈક વચ્ચે ગમખ્વાર અકસ્માત, ઘટના સ્થળે 19 વર્ષીય યુવકનું કમકમાટી ભર્યું મોત, ટેમ્પો ચાલક ફરાર
મળતી માહિતી અનુસાર અકસ્માત ટેમ્પો ચાલકની ભુલને પગલે અકસ્માત સર્જાયો હતો. જેમાં 19 વર્ષીય મિલન ગુબડીયાનું કરુણ મોત થયું છે. અકસ્માત સર્જાયા બાદ ટેમ્પોચાલક ફરાર થયાનું સામે આવ્યું છે. અકસ્માત થતા તેની જાણ તાત્કાલીક ધોરણે પોલીસને કરવામાં આવી હતી.
રાજ્યમાં અકસ્માતની ઘટનાઓ અવાર નવાર સામે આવતી હોય છે. ઘણી વાર રસ્તાની વચ્ચે આડેધડ વાહન ચલાવવાના કારણે પણ અકસ્માત સર્જાતો હોય છે. વલસાડના ધરમપુર નજીક ગમખ્વાર અકસ્માત સર્જાયો છે. જે બિલપુડી પાસે ટેમ્પો અને બાઈક વચ્ચે અકસ્માત થતા બાઈકચાલક યુવાનનું ઘટના સ્થળે કમકમાટી ભર્યુ મોત થયું છે. આ ગમખ્વાર અકસ્માતમાં મૃત પામેલ યુવક ફૂલવાડી ગામનો હોવાનું સામે આવ્યું છે.
આ પણ વાંચો : વડોદરાના ડભોઈમાં શાળાની દયનિય સ્થિતિ, પતરાવાળી જર્જરિત શાળામાં જીવના જોખમે આવે છે વિદ્યાર્થીઓ
મળતી માહિતી અનુસાર અકસ્માત ટેમ્પો ચાલકની ભુલને પગલે અકસ્માત સર્જાયો હતો. જેમાં 19 વર્ષીય મિલન ગુબડીયાનું કરુણ મોત થયું છે. અકસ્માત સર્જાયા બાદ ટેમ્પોચાલક ફરાર થયાનું સામે આવ્યું છે. અકસ્માત થતા તેની જાણ તાત્કાલીક ધોરણે પોલીસને કરવામાં આવી હતી.
આજે વલસાડ ઉપરાંત રાજકોટમા પણ અકસ્માતની ઘટના સામે આવી છે. રાજકોટના ટાગોર રોડ પર અકસ્માત સર્જાયો છે. અકસ્માતની તમામ ઘટના સીસીટીવીમાં કેદ થઈ છે. જેના ફુટેઝ સામે આવી રહ્યાં છે. જેમાં કાર ચાલકે સ્ટિયરિંગ પરથી કાબુ ગુમાવતા કાર શો રૂમમાં ઘુસી હતી અને અકસ્માત સર્જાયો હતો. જો કે આ ઘટનામા કોઈ પણ પ્રકારની જાનહાનિ થઈ નથી. પરંતુ રોડ નજીક આવેલ ઇન્ટિરિયરના શો રૂમમાં ભારે નુકસાન જોવા મળ્યું હતું.
આ અગાઉ પણ રાજકોટથી વિસાવદર જતી જાનૈયાઓની ટ્રાવેલ્સ બસ અને યુટીલિટી વાન વચ્ચે અકસ્માત સર્જાયો હતો. અકસ્માત બાદ ટ્રાવેલ્સ નજીકમાં આવેલી નોનવેજની લારીને અડફેટે લઈને કારખાનાની દિવાલમાં ઘુસી ગઈ હતી. જો કે જાનૈયાઓને કોઈ ઈજા થઈ ન હતી. સમગ્ર ઘટનાને લઈને લોકોના ટોળા જોવા માટે ઉમટી પડ્યા હતા.જાનની બસ ગોંડલમાં ગુંદાળા ચોકડી ઓવરબ્રિજ નજીકથી પસાર થતી હતી, ત્યારે અકસ્માત નડ્યો હતો.
રાજકોટથી વિસાવદર લગ્નનો પ્રસંગ પતાવી બસ જાનૈયાઓને લઈને વિસાવદર તરફ જતા બસ ચાલકે કાબુ ગુમાવતા પિકઅપ વાન સાથે અકસ્માત સર્જાયો હતો. અકસ્માતને કારણે બેકાબુ બનેલી બસે એક નોનવેજની લારીને અડફેટે લઈને કારખાનાની દિવાલમાં ઘુસી જવા પામી હતી. બસમાં બેસેલા 15થી20 જાનૈયાઓનો ચમત્કારીક બચાવ થયો હતો. સમગ્ર ઘટનાને લઈને લોકોના ટોળેટોળા ઉમટ્યા હતા.
