કચ્છ (Katch) જિલ્લામાં પણ મચ્છરજન્ય રોગચાળાએ (Mosquito epidemic) માથું ઉચક્યું છે. ડેન્ગ્યુ, મેલેરિયા અને ચીકનગુનિયાના (Dengue, Malaria, Chikungunya) કેસનો રાફડો ફાટ્યો છે. ભુજમાં (Bhuj) સૌથી વધારે ડેન્ગ્યુ, મેલેરિયા અને ચિકનગુનીયાના કેસો નોંધાયા છે. કચ્છ જિલ્લામાં ચાલુ વર્ષ નોંધાયેલા કેસોની વાત કરવામાં આવે તો સાદા મેલેરિયાના 288, ઝેરી મેલેરિયાના 10 કેસો નોંધાયા છે. જ્યારે ડેન્ગ્યુના 84 અને ચિકનગુનિયાના 13 કેસ સામે આવ્યાં છે. જેને પગલે સરકારી અને ખાનગી હોસ્પિટલમાં દર્દીઓની સંખ્યા વધી રહી છે.
તો બીજી તરફ વધતાં કેસો લઈને આરોગ્ય વિભાગ હરકતમાં આવ્યું છે. અને ભુજમાં રોગચાળાને વકરતો અટકાવવા કામગીરી શરૂ કરી છે. આરોગ્ય વિભાગ દ્વારા 95 ટીમો બનાવી સર્વેલન્સની કામગીરી હાથ ધરવામાં આવી છે. આરોગ્ય વિભાગે અત્યાર સુધી 10 હજાર 457 ઘરની મુલાકાત લીધી છે. જેમાં 325 જેટલી જગ્યાએ મચ્છરના પોરા મળી આવ્યાં. જેથી દવા છંટકાવ સહિત જાગૃતિનુ કામ હાથ ધરાયુ છે.