સુરતમાં ગજેરા ગ્લોબલ સ્કૂલના ટ્રસ્ટી અને ઉદ્યોગપતિ ચુની ગજેરા સામે પોલીસ ફરિયાદ નોંધાઈ છે. સ્કૂલની શિક્ષિકાએ જ ચુની ગજેરા સામે છેડતીની ફરિયાદ નોંધાવી છે. શિક્ષિકાએ અડાજણ પોલીસ મથકમાં નોંધાવેલી ફરિયાદમાં ચુની ગજેરા પર બિભત્સ ચેનચાળા અને માનસિક ત્રાસ આપવાનો આરોપ છે. હાલ તો સમગ્ર મામલે પોલીસે ચુની ગજેરા સામે ગુનો નોંધીને તપાસ હાથ ધરી છે.
તો બીજીતરફ પોલીસ આરોપીનું નામ જણાવવામાં ઠાગાઠૈયા કરી રહી છે. મહિલાની ફરિયાદમાં ઉદ્યોગપતિના નામનો સ્પષ્ટ ઉલ્લેખ કરવામાં આવેલો છે પરંતુ પોલીસે પ્રેસનોટમાં ઉદ્યોગપતિ અને સ્કૂલના ટ્રસ્ટી ચુની ગજેરાના નામનો કોઈ ઉલ્લેખ કર્યો નથી. ફરિયાદમાં નામ હોવા છતા પોલીસે યાદીમાં આરોપીનું નામ ન દર્શાવતા અનેક તર્ક-વિતર્ક સર્જાયા છે. ચર્ચા એવી ચાલી રહી છે કે પોલીસ રાજકીય દબાણમાં આવીને આરોપીનું નામ જાહેર નથી કરી રહી કારણ કે આરોપી ચુની ગજેરાના ભાઈ ધીરુ ગજેરા પૂર્વ ધારાસભ્ય છે ત્યારે સવાલ એ છે કે આખરે પોલીસ આરોપીનું નામ કેમ છૂપાવી રહી છે?
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો
Published On - 10:22 am, Tue, 1 September 20